1
شوفوا هذا موضوع مهم ممكن كل شخص حاليا لو يصفن ويكعد وي نفسه
يلگه نفسه ضايع! ❤️🩹
وللاسف
كله هذا تلكونه بسبب بعده عن الله واهل البيت (ع) تلكونه. حتى ميكدر يصلي وحتى لو صلى باله مو يم الصلاة باله بعيد كلش يفكر بغير شي، لو باله يم تلفزيون، لو يم واحد يحجي ويا ويهز براسه، وبلا هاي بيوم اللعبه شفت هوايه ناس تستعجل بالصلاة يابه ليش؟! ها والله اللعبه بدت! جا واذا !!! ما اكللكم اني ماحب الطوبه ومااتباوع عليه حتى اذا اضوج اتباوع طوبه. هاا حتى لا تحجون و تكولون (تناقض) بس والله من من اكعد اصلي بالي كله وي الله وي صلاتي /خلو بالكم وي الله بالصلاة خلو القلب يحضر بالصلاة من تكعد تصلي ذب كل همومك اشكي لرب العالمين كلشي شوفوا مرات متكدرون تعبرون وحتى متعرفون شتحجون ومتعرفون حتى شتدعي تبقى بس تبجي ميخالف ترا الله يدري شنو الي بكلبك ويدري شنو تريد ابقى ابجي ترا مو عيب اذا مكدرت تعبر وتبقى بس تبجي بالعكس عادي.. وترا وحق الله وجلالته محد يستقبلك ويتقبلك بكل حالاتك(حزين، فرحان، ضايج، مختنك، تعبان، فاقد شغف، معندك واهس، مالك خلك،زعلان،ضال او مكسور بخاطرك ) غير الله محد يتقبلك لا تتوقع واحد يكلك اني اتقبلك ومايجي يوم ومايمل منك! اكو واحد يكدر يحجي واكو ميكدر يحجي حتى ميكسر بخاطرك لان يحترم المشاعر! ويحبك وميحب يزعلك لان زعلك علي مو هين /محد يحن عليك غير الله ياخي الله لطيف بس اتقربوا منه تعرفونه هو شنو../اكو ناس من تنصح شخص تخوف بالنصيحه يعني توصلك فكره انو الله يصليك صلي بالنار.. ههه طبعا هذا للكافر العقاب. بس هو مو يعني ميعاقب هاي الشيعه الي صارت مو شيعه شنيعه لا يعاقبهم بس كلمن ياخذ جزاته على كد العمل الي سوا وشكد يستحق عقاب هالعمل./صح الله شديد العقاب بس بنفس الوقت هو لطيف هو ارحم الراحمين يرئف بيك ويدير باله عليك اكثر من الغير ياخذ وينطي ياخذ منك شي وينطيك شي بس شنو صير آدمي ولا تعصي هو متفضل عليكي منطيك جسد ومنطيك اجهزه تعمل ومنطيك ادين ورجلين وحواس خمسه ومسويك بشر ليش تعصي! ناقصك شي؟! حتى لو جنت مريض ف المريض المرض خير اله والمعافي الصحه خير اله والفقير الفقر خير اله والغني الغنى خير اله
تدرون اعرف قصه كلش حلو سامعتها من شخص اكبر مني.القصه هي. انو اكو واحد من الانبياء ما اعرف يانبي تحديدا صراحه خانتني الذاكره ف نسيت بس اعتقد نبي الله موسى يكول جان مره يمشي بشارع وجان يشوف اولاد صغار يلعبون وبيناتهم ولد صديقهم اعمى ف هم كضوا هذا صديقهم وضربوه وحتى يمهم مثل بركه صغيره يكول ذبوا بيها وغرگوه يكول شافه النبي ونكسر كلبه علي يكول دعى الله كال ليش ربي هذا صغير وهو ميشوف ليش هيج يسون بي جان يحاجي رب العالمين كال اله عوفه كال لا ربي خطيه وصغير وبينهم وهم يلعبون وهو لا رد اله بصره ومدري شون بعد نبي وحاجه الله المهم رد بصره جان هو يشوف ذوله الغرگوه ويكضهم ويغركهم ولعب بيهم لعب خذه ثاره بمرتين هههه جنه اني المهم ف كال اله رب العالمين ها شفت ههه ف شفتوا كلشي ربي العالمين مختاره الك هو خير الك./والبدايات الي مترضي الله نهايتها مترضي صاحبها لو تدعي الله سنين حتى بس يستجابلك الي اتريده وهو هالشي الله ميقبل بي ف انسى هالشي مراح يتحقق وحتى لو اتحقق راح يضرك ويتعبك ف فكر بالشي قبل لاتدعي الله علي شوفه يقبل بي الله لو لاوبس يعمريي
نصيحه 💗✨
ديروا بالكم على صلاتكم وديروا بالكم على اعمالكم وعلى حبكم وي اهل البيت ع وعلى علاقتكم وي رب العالمين.
دعوه💗✨
الله يدعمكم بسيارة حبه ويكسر عظامكم تكسير بعشقه.
وبس
اللهم صلِّ على محمد وآل محمد وعجل فرجهم والعن عدوهم يارب