اشعار وقصائد الشاعر 💞 عريان سيد خلف 💞 رائد ابو فتيان💞 يحيى العلاق. اشعار عراقيه حزينه

شغيرني ؟ وشغيرك ؟ چا والوعد وينه ؟ نتلاكه ملكه الغرب نتسالم و نفترك ؟ محد ترف عينه ! تدري اصفن الوحدي و احترگ ويه التتن واتوسف ايامك ! وابجي امن اكلب الصور حتى احلى شكلي كبل من جنت بأحلامك چا شوكي ما فززك ؟عمري السحكته ورحت ما عرض كدامك ؟ كل ذكرياتي صدك هیچ انتهت عادي ؟ وتنسه الضحك والبجي البعيد ميلادي ؟ لا طيفي، لا محبسي لا دمعه لا شبكه ؟ جا هو باب العشك وبكيفك تطبكه ؟ جا صدرك شبي حجر ؟ لو هم كلب بي دم چا ليش عكبك اون ونات المسمم ؟ هم جنه نزعل كبل بس نرد نتراضه و تجرحني واني اجرحك نسکت و نتغاضه ! هل مره شو من صدك طولت زعلتنا اوحدك اوحدي شكثر شمات شافتنا ! لا والكتلني الحجي تتناقله الغربه هذا الاحساس الأبد ماحاسب نجربه ! هسه اني اريد افتهم عزة نفس لو كره ؟ حته اشتهي موتتي لا بالقرار اشتبه