انه تعبان افهموني تطلع روحي كل ساعه
اذا ماموت موت الله اسوي الليله طركاعه
على عيوني التعب كاعد
غراب ينهش بجثه
اضم عيوني بديه امثل عود اريد اغفى
افهموني الوجع اكبر بعد ماينضم بغرفه
صيااح و ناس جاي تموت
احس براسي مستشفى !
من انام لا تكعدوني اعتبروني نمت ضالم
و مو شرط نفس موجود الميت ينحسب نايم ..
انه بنادم مثلم اجذب لو كلت سالم
القلق يمشي بشراييني و اخافن لو نمت وحدي
خدعوني وعشت هالكد كالوا فتره وتعدي
بعد ماعندي كل طاقه وصلت وياهم لحدي .
يكتل نفسه بسلاحه اذا يتحاصر
الجندي ،