هيل وليل⚖️ شعر شعبي عراقي

كون الكصص تنباع جنت اشتري هواي.. انطيها للما ضال بكصصهم الماي..

انخه الغريب وشوف وبروحه يفديك.. بس اليهدمك دوم من عندك وبيك..

الناس عاميها الحقد تنصحهم ترد نادم.. هو الله دز شكم نبي ومافاد ويه الوادم..

شكثر منبوذات ذن اخر سنين تحجي ويه.. اخوك يشور مرته شتكولين..

انطي الظهر للذيب وتمدد ونام.. وبالك تحط مكفاك للعشرته ايام..

بعدهن ذكرياتك بالحفظ والصون… لا جاسن ندم لا ضاكن الوسفه..

بايع الدنيا بفلس لا اجيب ولا اودي.. وهواي عندي عتب بس خلك ماعندي..

الياكل من خبزنه وضاك الملوحه يحاول.. يحترمنه ويحترم روحه..

عليمن حاسدتنا الناس واحنة الحزن تارسنا.. عاشرنا شكثر خيرين بس كل خير ماشفنا..

واحنه شما زرعنه الزين.. عله المو زين نتحاسب..

الناس تغيرت والوكت صار اشكال.. عدوك والصديج يصيحلك غالي..

حالي بسبب فركاه تكسر الخاطر.. مثل اليريد ينام وإعدامه باجر..

انعم الله اعله الوكف والماوكف بالضيج.. هن ايام يكضن والقصص تبقى..

لكيتك ضاملي الشينة.. ويم غيري تذب هناك كل زينك.. شبعد ويغزر بعينك..

ذبني الوكت ياحيف بين اتعس اثنين.. بين الشماته وبين اليحجي وجهين 💔..

جهال الله اجو عنك علي ايسئلون دخلهم گبل جبريل للحظرة وافرشو اعمامتي وخليهم ايگعدون وكبرلي الصحن خل تأكل الفقرة واذا شفتو المناير طلعت دخان گعدت گولو تخبز فاطمة الزهرة

شكثر بجفاك رك الشوف...... وضعاف وعليك دموع عيني اضعاف... وضعاف بغيابك گمت اسل اسلول...... وضعف راح الحيل ذاك الچان بيه

تگلگلن ياضروسي وين چنتين آنه الچنت الوچ الجوز چن تين عجوز وگابلت بالزاد چنتين ورغيف البايت يعزلنه ليه ..

وادم بالنفاق تعيش بيها بليس مختفي.. ربي المن خلقت ابليس هيه الوادم تكفي…

حرمت ماطب ليچ يادار الاحباب.. چي مالكيت الجان يشبكني بالباب ..

نفس الملامح والشكل بس النوايه.. تغيرت وادمنه ابد مو هيه..

جلماتي توجع حيل من احجي أأذيك.. طولت خلكي وياك چي مستعز بيك..

هي هاي الناس لمن تكتفي.. بعد ماتسأل عليك وتختفي..

دريت وكالو اسكت لا تحاجيهم.. تره الضنيت بيهم خير كل خير مابيهم…

زعلنه وندري بعيونك تحبنه.. على فراكك ولا يكدر كلبنا…

أحن واشتاك الكم وكت الغروب.. وعلي الفاكد اعزازه يموت متعوب..

شلت.. حملك ملح وجتافي كلها جروح…

كلبي الجان الك مسكن والك دار بجفاك الحزن شل حالي ولك دار الوكت دولاب مل مني والك دار وانته والوكت صرتو عليه

اعلى هونك من تدگ الباب .. بالكف مشو عنها اهلها وموش ... بالكيف دار الچان بيها الكيف ... بالكيف غدت وحشه وگبل جانت زهية

كلشي شفنه💔 هي ضلت ع الدفنه😔 ع الجنازه الماخذت كلشي وخذتنه...💔 على الناس التضحك وتبچي بفرعنه ..😣 بالعكس بالحفره اكيف ناوي اصيحن اي خلصنه😔💔

ذهب وي غيري بس وياي فضيت وحسافه شكد دموع اعليك فضيت انتهيت وكل حساب وياك فضيت ومنك للمتن غسلت أديه 💔

❤ جامع وانهدم #ظلي انبكت والباكني #يصلي اليجيك بصايت #الله شلون ياخذ كلشي #ميخلي ،

عاشرنه النعزهم احلى الايام نشتاك بعطش للعاشرونه مو احنه گطعنه بوصل الاحباب الزمن هو الغدرنه وفارگونه ماغير طبعنه طول الافراگ لااحنه نسينه ولانسونه على الغالين تعمه هاي العيون اذا طال الغياب ومااجونه .

عن لسان حالها دكول خلوني اعيش بنيه مكسوره مو بس سلبوني احلامي وضحكات اخذو حته روحي وفطره النسوان لا اكدر احب لا صير مغروره

خــآف تآخــذني زعلــتي گلـــي بس مشـــتآقلـڪ وآنـــه ارضــه وحـــدي

💟ردتك تعدل الحمل لو عده نيه يميل 💟ردتك ترد الوكت لو راد بيه يعيل 💟ألدنيا كسرت جفي وعضيدي 💟وبعد ميفيد عض شفتي وعضيدي 💟شلي بدنياي لو غرب عضيدي 💟هذاك الجان من اوكع تجيه

وحك البيده شمس الكون ردهه. سألت الروح شنهي وتاه ردهه وعلي بفركاك اني اصبحت ردهه وجميع امراض ربك صفت. بيه.

راضي بحكم دنياي ما اشكي عازه شفت الغني من يموت نفس الجنازه

- ليش مِن گتلك أَريد ارتاح يَمك تعَبتني .