هيل وليل⚖️ شعر شعبي عراقي

من خصرج الرجليج شي احله من شي ومن خصرج اليفوك دمرتي عرشي 😁😁 شويه غزل كافي حزن😉😉 أيـور وتدري منك سبب ... يوراي وأدري خدود عندك ورد ... يوراي آنـه المــاخالفتلك شــور ... يوراي شعجب مثل الطفل تلعب عليه

عليك الله حرف ياترف.......... حط باء تعب كلبي وكلام الناس......... حط باء اوضحلك بعد شتريد ..........حط باء حاء وباء واجمعهن اليه حاء وباء حب تصير..............لو لا يمن شخصك ابد مابي..........لو لا اورجك ودي ع الدلال...........لو لا خايف تضحك الوادم عليه #دك___غزل😂

گبل ريحة وردنه تفوح ع #الناس وخضار الكاع يزهي على اليمرون صفة اليشبگني #هسه يصيح بوياي ....ريحة موت بيكم ما تشمون

ضيم وقهر وفراگ گلبي شيظل بيه گلبي اليموت عليك هم فكرت بيه

شسويت انه ياهواي وانته خذلتني مرخوص الك هالروح يالضيعتني

گالولي اجاك العيد چا ليمت تهيد؟؟ عيد اليمر بجفاك ماينحسب عيد

#لاتحتار كلنه اعله الوكت #خطار #ياگلبي...وتظل متعوب .. لامرسه ،، ولا #معبار. تگظيهه بفرح لو ضيم تخلص والعمر مشوار....

:شوغتي الرافكت ليلي وحسرتي وصفگة اديه والدموع التچوي خدي وطيحتي بالمغربيه وانعزالي الاذه اهلي وظلمة الغرفه التغثهم كلها منك .

حنين وچني جآمه بـ نآر يكسرني الحچي البآرد .. بـ كثر مآ حآب كل النآس كلشي لـ روحي مآ رآيد !! طفل وآبچي اذآ انعآف آنه من اتوآدع أتشآهد !!

شمتانيه الروح وبعــدها متـــانيه وسنين تگضي من العمر كل ثانيه

أشـيـلن طــن حمــل گــلبي #واحطن الـمصايـب چـلـچلـن فوگي #واحطـن وعلي من حلگي چنت اخذ #واحطن بـحلگـه ومـدري لـيش يــخون بيــه!

وحك الي اخوته بير...........#هملو علي حتي الشماته الدمع......هملو طحت يمك عفتني شبيك......هملو يهودي جان كلبك رف عليه!!

يمه بس الگمر بالدنيا #يحبنه اعلينه يسهر دوم ما غمض عيونه يمه خاف الگمر هم #ينباع تالي ويشترونه 💔

ماشايل عتاب بكلبي شايل ظيم ومن هجرك حبيبي بيه الف غصه. .تدري شكد جروح بفركتك شديت ولسه جروحي تنزف ولكل جرح قصه .. يابسمار نابت فوك جرح الروح ياجتال كاعد ينتظر فرصه ..ياساكن منامي وصحوتي ودنياي ياماخذ كليبي وكاعد بنصه. .هاك الروح اخذهه وهاك عمري الراح وبعمري الجاي صدك هم الك حصه،،.....

اخذني وياك صعدني بسفينه نوح مـــا انـــدل طــريقــك انـت دلينـي انا كبالك بشر مو صنم يبن الناس شيــل الفـاس عنـي ولا تــاذينـي صبــرت ويــاك اكثـر مـن صبـر ايوب انــا نطيتـك عمـر شتـريـد تنطينــي من شكه قميصي تبره حته الذيب يا وسفه بعشرتك خلصت سنيني اذا عيسى انصلب كدام كل الناس انا المسبي بعشرتك وانت سابيني..

طرنه ويه الطيور اندور اعشاش ورجعنه بكل جنح حسرة بساتين شح بينه الضوه وكل سجه عثرات وماندري نتعثر وين ماشين ردنه نصير ورده🌺بكلحديقة روح بس شلون مكسوره السنادين مسكين الينشف ثوبه بالماي ومسكين الحوه بناعوره بس طين

اذا امسح حذائك اني #مجبور لان امي وخواتي اليوم #صيام اريد اخذ فطور وياي #للبيت لان ماكو فطور ابيت #الايتام

#اريد انشد الصيام لوحان #الغروب #شيفطر المشتاك وبراسه #محبوب💔

يــمتني الـوكت وبـجي دمـوع ,,علمت بـــهظم مـاريـدن الـــشمـات ,,علمت يلاهي حـاجي ملج الــموت ,,عـلموت يجـي وياخذني ماظـل حيـل بيــه

الوكت مامنه غير الضيم.. #لفناي هضيمه وكاد بيه كيود.. #لفناي بحلك شايب تتن بعروك.. #لفناي صفن صفنه ونفس ماترك بيه

بـعـد مـاطبگ اريـولـي #ولمهن ابحلم ماعاتب السهرن #ولمهن اعيوني اتـألمـن كـلش #ولمهن جـزه راسـي ونـزل للجدم بـيـه

اتـوجـع مـو بـطـر لاچـن #وجعداء بدليلي وسم حقد وكتي #وجعده اريـد انـده شڪو ميـت #واجعده واگلـه الـحي فـلا نـشـاد بـيـه!

♥️🌿 بـدن حيلي النـوايـب #يدرچـنه وعلـى فـراش المنيه #يدرچنـه وعلي مـوحاس گلبي #يدريچنه يجـن صفـه گطـعتك والمـنيـه!

الزبير واهل الزبير عاشو صباح لخير ع جميع🌹🌹🌹🌹🌹

اعاتب لو بعد ماتسوى العتاب ايتعاتب بالوجه بس الوفي الزين صح العين صلفه ووكحه مرات بس مرات موقف يكسر العين وبعتني بموقف اليحتاج وكفات البي حته الشمر يوكف للحسين بضحكتك تشتري وبالثانيه اتبيع وضحكتك بيك منك عدهه وجهين الشجره المايغطي افياييهه الروس جريمه اضوگ من ماي البساتين امس ملگاك جنه وهسه احس نار واحس كلمه هلا بحلگك سچاچين

عاشرتك وكت والوكت مامضمون وخاف تروح مني وأني حبيتك وما ريد انجرح رايد فرح وياك يادكات كلبي بروحي خليتك ما اعوفك وخاف تعوفني شلون يا عيني المدلل كلشي سميتك راويتك فرح كل وكتي جان وياك ولا دمعة حزن ما يوم راويتك

ندم كلي ندم من جدمي للراس لان شلتك حلم وبروحي مريـت حضنتك سيف تذبحني واداريــك وتكَـص حبل الوصل وتكلي شديت نطيتك ظهر جرحي وامنت بيــك وجبت ملح الغدر بجروحي خليت وتعيرني كَـعدت بفيك سنيـــــن ياشجرة غرور وبيك ثقـــــــــــيت اذا ماتت الشجرة تصير تابــــــوت ولان ميت ضميرك هيجي سويت

ماسدن بعد بيبان لليمشون ولاگض الدرب للراد يچفيني اليريد ايروح خله ايروح للجير البطو والمابطو معاد تعنيني گبل چنت احترگ لمن يبردون وگعدهم وگلهم نامو بعيني اراويك الضهر بيه اشكثر طعنات حته انوب تسكت ماتاحچيني راوفت اشكثر ومحيت زلات وصدگك السراب الماي يطيني هسه الليل خلص والشمس عالباب وفرزت الحرامي منين يلفيني

عاتبت الكمر هلبت يعجل الليل مامش نوم ليلك سهر راواني زاعلت القوافي وعفت الاشعار وبشارع فركتك تيهت عنواني جنهه يعقوب بغيابك تهل العين متآمل الدرب بعيوني واحزاني الصايم عشك شوفه حبيبه اذان والعايش جرح ما حاجه للثاني كلبك مايحن للعشره والايام ! شاعر كلبي من بعدك رثاني انطيتك عمر جاهل عمره سنتين شايب شو رجع كلبي ويعاني

المايعرف يحب ﻻ يجــرح كلــوب وبجذبه يدوس العشگ ويطشره خل بالك بعيد وصير عكس الروج خاف الريح توصل كلبـگ تكسره ﻻ تحجي بغرام وغزل تالي الليل وانت بليله وحده مصاحب العشره حوبتهن جبيره الي تحب متخـون عد ربهن دعــاء طيحــه وتعثــره يل شديت حبـگ وبخـت شبـاج ترى غيض العلك ماواحد يفسِّــره

بطلت العشك ونسيت الأشعار وطلكت الشعر من غير رجعة شعندي وية الشعر من بعد الأحباب والمن القي شعري ومن يسمعه اريد انهي البديته اليوم وارتاح واريد بهالقصيدة اليوم اودعه تسعى الناس تسمع مني اشعار وآني وشعري كله لقلبك اسعى... وسبعة من الإسبوع تصير الأيام بس وياك احس اليوم سبعة... طبعة وبالقلب خليت واختام ومن طبع القلب ما ينسى طبعه... ربع من القلب للناس محجوز وإلك كل القلب ناسة وية ربعه... عفت شغل ...

مع احترامي للبنات شخص بالجامعه حب بنيه فصارح البنيه گدام الشعبة وكلتله باجر ارجعلك جواب. . اجتي ثاني يوم جابتله علبه كلتله افتحه تلكي الجواب / المهم فتحه لكاها ( لهايه) مال اطفال ورزلته گدام الشعبة وكلتله اني ماعندي هيج سوالف.بعد فترة كبلت وي صديقه بنفس الشعبة فهو ضملها السالفه. .. وفد يوم هيه كاعده وي صديقه جابلهه هديه. ..فتحته لكتها صابونه فصديقه گام يغلط عليه. فهو گله / الف وسفة زماني اعل ...

#بيه_ونه... من أهدها ..تفزز الموتى #شلع #بیه_حسره... تگول جمره من الظلع حد #الظلع #وبیه_آأأآآخ... لون تطلع تگول چادر شاب منصوب #بفرع #وبیه_كلشي.. وکلشي مابیه أبد غیر #الوجع...

أعتب يا زمن ودري العتب ميفيد بس كلبي يحن من يذكر أحبابه جان بكل وكت يفتر عليهم دوم اشو هسه شعجب محد يدك بابه جان الصاح وينك حافي يركض ليه ويوم الصاح حيهم مارد اجوابه ماجنهم عرف ويام عشره اسنين عشرتهم صفت للأسف جذابه

#بيه صرخة صوت تصعد للسماء #وبيه حركة كلب محد حملهه #وبيه شهكة نفس تاليهة موت #وبيه عبرة مخنوكة ارد اهلهه #وبعد بية هموم اشكال والوان تشيب الروح لو احجيها كلهه كل هذا وتكلي اضحك شبيك #طلكتني الضحكة وراحت لاهلهه

يحاجوني الشماته وما اديرن بال واكولن لو طحت تكثر سجاجيني..... واعرفهم مثل صحبة حيايه ابغار اذا لدغت تحط سمها بشراييني..... وخذ طبع البشر واحذر يغدرك يوم عوف الما كدر شرهم يلاويني.... ترة الماله اخو طايح تشيل الريح مثل شيلت ورق ترست بساتيني.... واكرها الما يغزر بي ملح والزاد اشو وكت الشدايد جا يخاويني... كبل مثل الجسر تعبر عليا الناس عجب هاي البشر بلشر تجازيني

شوكت تفرج علينه وبعد نرتاح تعبنه من الحزن والنوح والون عراقيين ماشفنه الفرح يوم گضت هذااليموت وذاك منجن مانعرف ذنب من هذا اليصير وشنو ذنب الطفل بالعيد يدفن وشنو ذنب الشباب بعمر الورود ضحايا وبس صورهم باقيه المن صفو بأرض النجف شبانه اليوم ودمعي على المشو ماهاد ماعن وحسرتي بقهر هي تفلش الروح وتصيح الله وكبر ليش هالدم ...... يلم بيه الحزن ساعه ولم بيه وعليكم گلبي يوجعني وألم بيه الحزن تفصال ومخيط ...

ويـن تـريـد تـوصـل يـا زمـن ويـاي أطخلـك راس تـحلم وأخضـع شحـدي مـا أحتاج كَصبه من أعزف على الناي بـيـه أحـزان تـطـلع حـتـى بالـبـردي وأفوت بزود جرحي معاند أكبر سيـف وآنـي بكيفي أنتهي وبكيفي من أبدي يجرحني الـزمـن وأستصغره بـملكـَاي وأستخطيه وأكـَول صـغـيـر مـو كَـدي

لايكلبي.لا.تعذره... اللي.طيح.كدرك.انت وانت.جنت امعلي.كدره... واللي.ظميتة.ابعيونك.فتح ومنطاك.نظره... واللي.نام.ابشجر.فيك.بس.كعد مابقى.شجره... واللي.باعك.مره.وحده.هم.يبيعك بعد.مره... وال.الرخيص.ابعينه.شافك.بالك اتعليله.كدره... واللي.ناسي.زينك.انت.اياك. بالماضي.تذكره... والفظح.سرك.انت.هو.نفسه. الفظح.سره... يل.جنت.بير.وغطاه.لايكلبي لاتعذره

تحن والليل يتغنه بحزن ونك وتفز مرعوب ودموعك يفركنك المصيبه الحسبه ماتنگظي بجرة اخ والبگلبك بقن بس اليغثنك

تعال ارجـــع بعــد ما بية حيل اشتاك صرت بعدك غصن ومجلـــب بورگة تعــال اليوم يمكن تلگة مني وشـــال اذا ترجعلي باجر كلشي ما تلگة يا رگبة عروســــة بليــلة النيـــــشان مـوش گـــلادة بيــــك الروح متـــعلگة اعاين عل شماتة الكاهــم يصفگـــون اشو جفيــن عندي وما تصح صفگة شنو گبالك نجف تحجيلي بس عل موت اريد اسمع سوالف بيها اثر ملگة.

بيج ملوحة البصره ونسيم #دهوك وعطر ذي قار بيج وكحل #العمااره ومن واسط خذيتي الوسط #بالطول ومن نخل السماوه الصدر #جماااره🌸 ومن بغداد ثوب العرس #فصلتي وعلى طولج أجى ومضبوط #تكداره من ديالى الشعر والعفه من #كركوك وحلكج موصلي ومنقوش #بنبارره🌸

طردو من البيت بعد وفات أمه وابوه فأجة يمهم وماذا يقول الطفل. يا بويه من البيت طردوني اخوتك جيت احجي انه وياك سمعني صوتك طردوني بويه بليل وجماله سبوك كلولي رؤح اهناك يم امك وابوك بطرك الهدم ؤاغطاي متعني ليكم خلوني انام اهنا واسمع حجيكم بنصكم يبويه ارتاح خلوني غافي ؤاسمعها امي تكول نوم العوافي

يگلولك عليمن انت ليش تضوج شنو بالدنيا يسوى حتى تتحسر . - ماضايج ابد ع الدنيا لا والله بس حسرة البگلبي شلون تتفسر تشيل اروع گلب تنطي لاعز انسان بيده يكسره ويگلك تره تكّسر - مو حقك اذا متنام طول الليل ومو حقك اذا حد الصبح تسهر اذا ع الكسر سهله نسوي تجبير وجذب كسر القلب ماظنه يتجبر

راح اغـربـل گلـبـي اسـويـلـه جـرد اليـبقـه بـيـه اعـزاز واليـوگـع طـرد طبعي ماجذّب ولا احب النفاق وگلبي ماشايل ابد ذره حقد اليصاحبني اصير بروحه روح لو يريد عيوني انطي مستعد لو يشح الماي ويقل الخضار بدمعي اسگي الگاع اخضرله ورد

لا تمشي ويه ناس الموعدل..... يمشون ولا تقبل حجي الماشايفه. ...... بعينك ترا لسانك حصانك لاتعلمه.....ايهين اذا منك تعلم باجر............ايهينك اذا ماشيت أحد لاتخونه........بيوم خل دم الوفة يجري.....بشرايينك وخل يضحك كلامك من يجبهك ضيف وعلى كلمت هله علم ........فناجينك بكاع العاشرك لاتزرع...........العاكول عله زرع الورد عودهه ........جفينك من عيون ال ...

اليعاني بشرط كون بكدي مجـروح وكون بكد ألـم كلبـي يعـاني وكـون اصغر جـرح عندة بعمـر شاب جـزاه الريــل ولزفتـة يتانـي وكون بظهرة نابــت سيف مسـموم من أنـسان مافـضل عليـــه ثــاني وكــون الحسرة بي تتغـنى مـوال تـطرب كـل جـروح كليبـي انـي وكـون بعـينة شايـل جرح الفـراك وشايـف أيـد خلــه بــأيد ثاني وأتحـداكم اذا بيـكم بشر مخلوق حـوة نـص الجـروح البيـة آنـي لاتجـرحني بكلـمة فرح أترجـاك عكـب عيــن الو ...

علمني الوكت من احجي طك بطك وما زامط جذب لو جان ........مابيه ولو ساكت أظل لو احجي جلمه حك وما أمشي بدرب مجهول. ......تاليه ما كلك غشيم ولا آنه. ........المدكدك افرزن بالحجي وأفهم. .......معانيه ولساني عدل والكلمة. .......ما تزلك والچلمة بشفافي تصير. .....ورديه الرابي وي البدو باللبن. ......مايشرك خوفك عالكبر وبحلكه. ........مميه شفت ناس اشكثر ماتمشي بس بالدك وشفت ناس عله الرأس تصير بيري ...

محد يحس ياهو التحاچي منشغل والناس هوسة بنص عرس .. محد يشيلك لو طحت واقربهم بجرحك يمس محد يحس ياهو التحسبه عون الك ينگلب ضدك بألعكس