هيل وليل⚖️ شعر شعبي عراقي

المايعرف يحب ﻻ يجــرح كلــوب وبجذبه يدوس العشگ ويطشره خل بالك بعيد وصير عكس الروج خاف الريح توصل كلبـگ تكسره ﻻ تحجي بغرام وغزل تالي الليل وانت بليله وحده مصاحب العشره حوبتهن جبيره الي تحب متخـون عد ربهن دعــاء طيحــه وتعثــره يل شديت حبـگ وبخـت شبـاج ترى غيض العلك ماواحد يفسِّــره

بطلت العشك ونسيت الأشعار وطلكت الشعر من غير رجعة شعندي وية الشعر من بعد الأحباب والمن القي شعري ومن يسمعه اريد انهي البديته اليوم وارتاح واريد بهالقصيدة اليوم اودعه تسعى الناس تسمع مني اشعار وآني وشعري كله لقلبك اسعى... وسبعة من الإسبوع تصير الأيام بس وياك احس اليوم سبعة... طبعة وبالقلب خليت واختام ومن طبع القلب ما ينسى طبعه... ربع من القلب للناس محجوز وإلك كل القلب ناسة وية ربعه... عفت شغل ...

مع احترامي للبنات شخص بالجامعه حب بنيه فصارح البنيه گدام الشعبة وكلتله باجر ارجعلك جواب. . اجتي ثاني يوم جابتله علبه كلتله افتحه تلكي الجواب / المهم فتحه لكاها ( لهايه) مال اطفال ورزلته گدام الشعبة وكلتله اني ماعندي هيج سوالف.بعد فترة كبلت وي صديقه بنفس الشعبة فهو ضملها السالفه. .. وفد يوم هيه كاعده وي صديقه جابلهه هديه. ..فتحته لكتها صابونه فصديقه گام يغلط عليه. فهو گله / الف وسفة زماني اعل ...

#بيه_ونه... من أهدها ..تفزز الموتى #شلع #بیه_حسره... تگول جمره من الظلع حد #الظلع #وبیه_آأأآآخ... لون تطلع تگول چادر شاب منصوب #بفرع #وبیه_كلشي.. وکلشي مابیه أبد غیر #الوجع...

أعتب يا زمن ودري العتب ميفيد بس كلبي يحن من يذكر أحبابه جان بكل وكت يفتر عليهم دوم اشو هسه شعجب محد يدك بابه جان الصاح وينك حافي يركض ليه ويوم الصاح حيهم مارد اجوابه ماجنهم عرف ويام عشره اسنين عشرتهم صفت للأسف جذابه

#بيه صرخة صوت تصعد للسماء #وبيه حركة كلب محد حملهه #وبيه شهكة نفس تاليهة موت #وبيه عبرة مخنوكة ارد اهلهه #وبعد بية هموم اشكال والوان تشيب الروح لو احجيها كلهه كل هذا وتكلي اضحك شبيك #طلكتني الضحكة وراحت لاهلهه

يحاجوني الشماته وما اديرن بال واكولن لو طحت تكثر سجاجيني..... واعرفهم مثل صحبة حيايه ابغار اذا لدغت تحط سمها بشراييني..... وخذ طبع البشر واحذر يغدرك يوم عوف الما كدر شرهم يلاويني.... ترة الماله اخو طايح تشيل الريح مثل شيلت ورق ترست بساتيني.... واكرها الما يغزر بي ملح والزاد اشو وكت الشدايد جا يخاويني... كبل مثل الجسر تعبر عليا الناس عجب هاي البشر بلشر تجازيني

شوكت تفرج علينه وبعد نرتاح تعبنه من الحزن والنوح والون عراقيين ماشفنه الفرح يوم گضت هذااليموت وذاك منجن مانعرف ذنب من هذا اليصير وشنو ذنب الطفل بالعيد يدفن وشنو ذنب الشباب بعمر الورود ضحايا وبس صورهم باقيه المن صفو بأرض النجف شبانه اليوم ودمعي على المشو ماهاد ماعن وحسرتي بقهر هي تفلش الروح وتصيح الله وكبر ليش هالدم ...... يلم بيه الحزن ساعه ولم بيه وعليكم گلبي يوجعني وألم بيه الحزن تفصال ومخيط ...

ويـن تـريـد تـوصـل يـا زمـن ويـاي أطخلـك راس تـحلم وأخضـع شحـدي مـا أحتاج كَصبه من أعزف على الناي بـيـه أحـزان تـطـلع حـتـى بالـبـردي وأفوت بزود جرحي معاند أكبر سيـف وآنـي بكيفي أنتهي وبكيفي من أبدي يجرحني الـزمـن وأستصغره بـملكـَاي وأستخطيه وأكـَول صـغـيـر مـو كَـدي

لايكلبي.لا.تعذره... اللي.طيح.كدرك.انت وانت.جنت امعلي.كدره... واللي.ظميتة.ابعيونك.فتح ومنطاك.نظره... واللي.نام.ابشجر.فيك.بس.كعد مابقى.شجره... واللي.باعك.مره.وحده.هم.يبيعك بعد.مره... وال.الرخيص.ابعينه.شافك.بالك اتعليله.كدره... واللي.ناسي.زينك.انت.اياك. بالماضي.تذكره... والفظح.سرك.انت.هو.نفسه. الفظح.سره... يل.جنت.بير.وغطاه.لايكلبي لاتعذره

تحن والليل يتغنه بحزن ونك وتفز مرعوب ودموعك يفركنك المصيبه الحسبه ماتنگظي بجرة اخ والبگلبك بقن بس اليغثنك

تعال ارجـــع بعــد ما بية حيل اشتاك صرت بعدك غصن ومجلـــب بورگة تعــال اليوم يمكن تلگة مني وشـــال اذا ترجعلي باجر كلشي ما تلگة يا رگبة عروســــة بليــلة النيـــــشان مـوش گـــلادة بيــــك الروح متـــعلگة اعاين عل شماتة الكاهــم يصفگـــون اشو جفيــن عندي وما تصح صفگة شنو گبالك نجف تحجيلي بس عل موت اريد اسمع سوالف بيها اثر ملگة.

بيج ملوحة البصره ونسيم #دهوك وعطر ذي قار بيج وكحل #العمااره ومن واسط خذيتي الوسط #بالطول ومن نخل السماوه الصدر #جماااره🌸 ومن بغداد ثوب العرس #فصلتي وعلى طولج أجى ومضبوط #تكداره من ديالى الشعر والعفه من #كركوك وحلكج موصلي ومنقوش #بنبارره🌸

طردو من البيت بعد وفات أمه وابوه فأجة يمهم وماذا يقول الطفل. يا بويه من البيت طردوني اخوتك جيت احجي انه وياك سمعني صوتك طردوني بويه بليل وجماله سبوك كلولي رؤح اهناك يم امك وابوك بطرك الهدم ؤاغطاي متعني ليكم خلوني انام اهنا واسمع حجيكم بنصكم يبويه ارتاح خلوني غافي ؤاسمعها امي تكول نوم العوافي

يگلولك عليمن انت ليش تضوج شنو بالدنيا يسوى حتى تتحسر . - ماضايج ابد ع الدنيا لا والله بس حسرة البگلبي شلون تتفسر تشيل اروع گلب تنطي لاعز انسان بيده يكسره ويگلك تره تكّسر - مو حقك اذا متنام طول الليل ومو حقك اذا حد الصبح تسهر اذا ع الكسر سهله نسوي تجبير وجذب كسر القلب ماظنه يتجبر

راح اغـربـل گلـبـي اسـويـلـه جـرد اليـبقـه بـيـه اعـزاز واليـوگـع طـرد طبعي ماجذّب ولا احب النفاق وگلبي ماشايل ابد ذره حقد اليصاحبني اصير بروحه روح لو يريد عيوني انطي مستعد لو يشح الماي ويقل الخضار بدمعي اسگي الگاع اخضرله ورد

لا تمشي ويه ناس الموعدل..... يمشون ولا تقبل حجي الماشايفه. ...... بعينك ترا لسانك حصانك لاتعلمه.....ايهين اذا منك تعلم باجر............ايهينك اذا ماشيت أحد لاتخونه........بيوم خل دم الوفة يجري.....بشرايينك وخل يضحك كلامك من يجبهك ضيف وعلى كلمت هله علم ........فناجينك بكاع العاشرك لاتزرع...........العاكول عله زرع الورد عودهه ........جفينك من عيون ال ...

اليعاني بشرط كون بكدي مجـروح وكون بكد ألـم كلبـي يعـاني وكـون اصغر جـرح عندة بعمـر شاب جـزاه الريــل ولزفتـة يتانـي وكون بظهرة نابــت سيف مسـموم من أنـسان مافـضل عليـــه ثــاني وكــون الحسرة بي تتغـنى مـوال تـطرب كـل جـروح كليبـي انـي وكـون بعـينة شايـل جرح الفـراك وشايـف أيـد خلــه بــأيد ثاني وأتحـداكم اذا بيـكم بشر مخلوق حـوة نـص الجـروح البيـة آنـي لاتجـرحني بكلـمة فرح أترجـاك عكـب عيــن الو ...

علمني الوكت من احجي طك بطك وما زامط جذب لو جان ........مابيه ولو ساكت أظل لو احجي جلمه حك وما أمشي بدرب مجهول. ......تاليه ما كلك غشيم ولا آنه. ........المدكدك افرزن بالحجي وأفهم. .......معانيه ولساني عدل والكلمة. .......ما تزلك والچلمة بشفافي تصير. .....ورديه الرابي وي البدو باللبن. ......مايشرك خوفك عالكبر وبحلكه. ........مميه شفت ناس اشكثر ماتمشي بس بالدك وشفت ناس عله الرأس تصير بيري ...

محد يحس ياهو التحاچي منشغل والناس هوسة بنص عرس .. محد يشيلك لو طحت واقربهم بجرحك يمس محد يحس ياهو التحسبه عون الك ينگلب ضدك بألعكس

اذا جرحك نزف لا تشكي للغير تره الشكوى لغير الله مذله واذا واحد ينشدك عن جرح بيك حط بي صم ملح بس لا تكله اكص لسان جرحك واخنك الأه اشك زيج الوجع والاخ احمله جلب بالصبر لو جرحك اذاك خل هوه اليملك لا تمله اخذ طبع الجبل لو وازته الريح ماينزل يبوس اجفوف تله لا تقبل عسل وبذله من الناس مراره بعز طعمهه هواي احله وميز بين ناسك واعرف الزينين مو كلمن يمدلك جف تقبله

احذر الي يمسح اجتافك من يجيك واحذر الصحبه الكثر بيهه العدد الناس مو كلمن ضحكلك بي آمان وذاك من ذاك اليوافيلك وعد يصح قريب مرافقك لكن حقود ويصح بعيد يصير الك عون وسند احذر حجايات من طرف اللسان ناعمه وبيهه بطعم مثل الشهد هاي دنيا تغيرت بيهه الوجوه والضباع التفت بجلد الاسد الحميته بالشمس بثنين اديك ممكن يعوفك لوحدك بالبرد ومو عجيبه يخونك منك وبيك ويملي دربك شوك ويشوفك ورد هاي دنيا ومانفع بيهه ...

حبيب شاف حبيبة نزفت لغيره بسبب عوزه وفقر شكال حيل مبروك والف فرحه عليج انه وافتني المنيه يلي وافاج العرس ادري مجبوره وضروفج مو وراج باكو احساسي بعد بيمن احس لبسج حلقه وانه الـ لابس لثام أمن الشماته وخايف بزفتج تحس من اهز شجرتنه توكع ذكريات بلهفه مكتوبه بعدها بعز امس الوادم النكلوها ما عدهم عزيز بيه احلفهم يبطلون العرس شلون جفج يقبل بحلقة غريب نيشن الخطبه واجت بيه ترس

فتاة غصبها والدها على الزواج من شخص اخر لا تحبه وبعد شهرين توفي والدها فوقفت على تابوته وقالت روح لدار حقك مو بري الذمه يا من قشمرتني بحجة القسمة يالمخلي الهوة يلوعني من يفوت اصيحن اه يالله بريتي اشتمه لمن كالولي كومي امشينه للصالون شفت دفان والجنازة ملتمه كمت بس من كمت ياريت اجاني الموت خمس مرات اكومن بس طحت يمه

شلت حبك جمر بجفوفي وامشي وياك وضميري يبوس أديه يكلي لتطشر ومالومك أبد جيه رحت لا والله بس لمت البخت جيه كام ميعثر وما خسرك ردت واشكد حجيت وياك ما عندك أذن شباك ويعبر وما شلتك دمع شلتك نبض واحساس وافكر بيك وأنته بروحك تفكر كلشي بجسمي يوكف من يمر طاريك ويضل كلبي يدك بضلوعي ويكسر وأشيطن والجروح يفزن بملكاك وسجينك تجي ومن فوكهن تعبر حط يمك حجر واشكيله ذنبي وشوف وحط أذنك عليه وفنه ما يكفر وعاتبني اذا ...

مال ارجعلگ وادك بابگ ذليل.. لا وحك الضاع من عمري💔 بهواگ.. لو عمت عيني وضوه العالم بديگ. لاتظن عيوني تتوسل ضواگ. طاري حبگ والصور والذكريات. من رحت ذبيتهن گلهن وراگ

شجاك تغيرت وبسرعه مليت وشجاك بسرعه مني تبريت وشجاك ارحلت وعن احلامنا كلها تخليت شنو عذرت يل كلت انا وياك مانتفرك وباول احجايه من شامت شو مشيت مادري انتا تغيرت لوهم الغيروك وبعد ذيج المنحه بكل صلافه تكلي مليت نذرتلك عمر ويام وليل السهرته وماترجيت عيدحسابك من جديد وشوف دموع لجلك شكد بجيت ماكلك تعال ولا اترجى من الزمن يعود طاريك روح مودع بس كلمه ارد اكلك وانتا افهم الي يبيعك برخص مو مثل اليشتريك

حرامات التعب للما يجازيك وحرامات الوفه للطبعه خوان جرحك بالملح صدك يداويه ويزيدك عطش كلما جنت عطشان شما تتعب على العكرب تربيه يلدغك لو جنت فد لحظة غفلان تترجه الوفة .. وين انت تلكيه وتتأمل تمر من جذع ذبلان.

اكَعد وحاجِيني اشتاكَيتلك حيل؟ ترئ فراكَكَ صعب و أيريد حيل؟ تصاويرك أبالي اتعيش وياي.؟ دموعي ابغيبتك مجراها سيل.؟ اعاتب من بعد ياهو ال أمون عليه؟ أيامي ابفركٓتكً جٍن كلها ليل.؟؟

كبل جنت اشتاكلك لو تدري ليش ‏ضلمه جانت دنيتي وانته الضوه ‏وجنت اشم عطرك رغم بعد الدروب ‏واركض اعلى الباب لو مر الهوه ‏كبل ليله الناس لامتني بهواك ‏لان خدي بدمعة عيوني انجوه ‏كبل حيل وعافيه وضحكه وسلام ‏وهسه عودي وداعتك جنه التوه ‏يلي صورة وجهك بعيني وضواك ‏هسه راح الراح والماضي انطوه 💔

اريد ازرع خلك يتحمل فراگ يل فراكك جنازه وحاضنه كبور تعال ومرني ليل بجفن سهران يرسم حلم جيتك ويه الطيور اباوع للسما وانطر شهب لليل واثاري الليل من فركاك مهجور وبقت صفنات تكسر خاطر البال تدعي الله لخريفك بلكي ميطول والله الصبر مل وعلى ساعه يموت عدا فراكك صعب والباقي مكدور

الماشايف جرح خل ينظر لحالي والما سامع شعر خل يقره موالي فاتح صفحه بيضه وياك بيها سطور واقلامك خناجر تكتب اكبالي اسد العين سكته وطيفك يمر حار يحركني وتشب اصورك بالي انت اكبر جرح ربيته بين الروح طفل انت وحسبتك ازغر أطفالي تفز بيه بصفنتي وياريت مافزيت ماشفتك صدك من خابت آمالي

اوكف يادمع لاتجرح ..الخدين ‏ولا تكسر خواطر هيه ..مكسوره ‏اوكف وانتضر ارد احجي انه وياك ‏واسمعك قصتي عالناس مشهوره ‏انه اول بشر مايعطش بصيف ‏انه ارتوي بس احضن الصوره ‏اوكف يادمع لمن اكلك طيح ‏وارسملي بنزولك صوره مقهوره ‏صورة طير جان يطير بين الغيم ‏شلون يطير هسه وجنحه مكسوره 💔

ﻣﻮ #ﺷﻐﻠﻪ ﺟﺮﺡ ﻟﻮ ﻣﻨﻚ #ﺍﺗﺒﺮﻳــﺖ #ﺑﺲ ﺷﻔﺘﻚ ﺑﻌﺪ ﻣﺘﻠﻮﮒ #ﻟﻠﻌﺸره

عكس تمشي الليالي بحبي وياك ومر بيه الهـــــوى بموخوش ميعاد الصبر وياك اشـــوفه جروح بجروح وتمـــنيت الزمــــان ردود ينعــــاد احبك وانــــه عرفك عشك ممنوع بس عشكك فـــــرض للروح ينراد ضكتك مالكيت المـــــو حلو البيك يل كلك حـــــلاه ياعســــل يازاد ولأن ممنــــــــوع حبك صار وياي انه مســودن واحبن شغل العناد

عكب عينك ابد ماعين..... تحله عزيز وبالكلب كل يوم..... تحله اذا وياك حتى الحزن...... يحله خله شمايصير يصير بيه

نبطلها المحنه وطيب الكلوب ونبطل مانحب ونعذب الحال يوميه كسر يوميه مجروح ويوميه الكلب بجنازه ينشال سوالف حبهم وكل فعل مابيه وانا مليتهم من كثر الاقوال اريد ارتاح كلش مشتهي النوم واريد اصفن واسدن شارع البال يوميه العشك ينباك مليت هم عندي مشاعر موش تمثال ادري الحب حياة يصير للناس ماادري التحبه يصير كتال بايعني بصلافه وخاين الزاد اعرفنه فقير وطلع دلال

غشمة ومشكلتنة كلوبنة نضاف وغشيمه تصير الكلوب النظيفة مانحمل حقد وكلوبنة البيض تضل بيضة مثل ثوب الشريفة ولاعدنة لواكة ونمسح جتاف ...ماي وجوهنة يشرف العشيرة عشنة ثكال رغم جيوبنة خفاف وجيوب ثكال بس عاشت خفيفة

ابهيـمه وگمـت اصيـــحن ياي ماياي غــشيم وعالــسراب اچفـيت ماياي شبــت والـشـــيب وكـته بعدماياي جزيت الخلفوني اسنين ميه

الـعـطش مـال الصوم يگضي وي الأذان بـس شيصبـر الـروح من تعطش انسان 💔💔

لا تفرح ابدنياك.....والعمر محدود باجر تراهوا اعليك يتعارك الدود

وسط گلبي لهيب اجفاك وجار وتعت بيه المصايب حيل وجار لا صاحب لفاني ونشد وجار يسولف للخلگ شمتان بيه

#مضن كلبي عده الونات...#شي باه منهن شي تون بحاه...#شي باه لكيت بصف نخاع العضم...#شيبه بجفاك وشيب اليافوخ بيه

على قيد الحياة هواي موجودين......! وعلى قيد الوفه ماظن بقت ناس...

من تدخل لحضرته بالك تضل حاير صح هو رد الشمس بس مايرد زاير كل حاجه عندك عصت بس گله زينب..گضت اي وحگ هو علي متطول لباچر

انـة رايح بالچذب بس گلي ٳرجـع خـل احس بـ روحي ٲهمـك

صايم المن وآنته آمس كاسرلي خاطر وآنته تدري آبكسرت الخاطر حرآم.!

بارده عيونك عليه انه حاركه روحي ليش

ونته تدري كل لحضه بغيابك ينهدم ثلثين عمري