461
من عدها وبعد صارتلي عبرة
وعرفت شلون اخلي خطوط حمرة
اكو ابن آدم تحبة ويمه ترتاح
واكو ترتاح كلش من تخسرة
مواقف تافة تبينلك الناس
مو شرط الطويلة تكون عشرة
وبديت من الرفوف البيها الاعزاز
انزل كل شخص ماوفة كدرة
عرفتلها وبعد ماكبر الرؤس
ولا ازعل على الما جان كمرة
عرفتلهم واذا رادو ايزعلون
عذر انطيلة للما فاد عذرة
اسف واعتذارك راح ارفضة
وحتى اسمك بعد مااريد الفظة
غظيت النظر عن القديمات
عن هذا الغلط ماراح اغظة
لايرجعلي كلمن يغلط وياي
اليخسرني يعرف قيمتي وحظة