سُتِۅࢪيَاެت פֿـب ستوࢪيات פֿـزِטּ شِتوࢪيات مشِكݪـــۃ🥹​​​​​​​​​​​​​​​​​​​​💕🗿

محرم ١٤٤٤هـــ #شور #شور استقبال شهر محرم دارت سنه اعله المالها اخوان وماعدها بس الدمعه نيشان هلال الحزن من هل عليها بوجه العزيز المات عطشان الوحيده الفاگده الثكله ... الماتنسه الجره اعليها بكل ذكره التمرها اتموت ... وكل لحظه بنعاويها سنه خلصت عله العاشر ... وماخلصت بواچيها غـريبه وكربله ابعيده ... الأهلها اتوسدو بيها تشوف بهلال المحرم مصايب وداع وخيـام ورمـاح وغـرايب وگمرها يويلي الّـ لياليها غايب وحشة الغابو ايتعّب الحال البيته خالي همومه تره اثگال بحبله يستقبل اجروح الهلال ... والدمع هال ____ طلعت عزيزه بفيّ السيوف مكفوله وصلت لارض الطفوف بس چان عاشور اله راي ياخذ أهلها ويگطع اچفوف واحد واحد انوخذو .. بصبح العاشر اخوتها راح الأكـبر وجسـام .. وكل حيود عيلتها راح أگبالها العباس .. وماردّ اعله خيمتها لحدما ضل وحيد حسين ... وطاحت يمه دمعتها وحيد بكسرته اعله فگدت عضيده بلا نـاصـر وعـون عزيز الصميده يريده المخيم والِّـسيوف تريده وقدّمتله المهر أخته وتنوح ودّعاها والاخوان فرد روح يروح ابو الأكبر وزينب تروح ... لغربه وجروح ____ راح الحسين وزينب تصيح يتراب زيح امن النظر زيح خليني اشوفن واگف حسين ؟ لو طاح اليضمد المجاريح اتراب المعركه يحجب ... بين حسين واخيمّه وبين الملگه والفرگه ... وبين الأمل والهضمه وردّ امن الحرب يصهل ...المهر وامخضب ابدمه صاحت يالمهر وينه ... اخوي حسين ابو اليمه اطلعت منّ الخيام تدور وليها وعله التل تنادي وتحشم يجيها المخيم تطشر ولا راي بديها ابلايه راي الگبل ساعه تنهاب طلعت ادّور ونـار بالاطناب لن تشاهد جسم فوگ التراب ... والگلب ذاب ____ بعد الذبح والركضه والنار حَلّ السبي اوّكت العصر صار جـابو هزل والتهضم اشلون بيا حيل تحمل ( گيد ) الازغار بسـاعات اختلف كلـشي ... مـنّ فـيّ رايه للتله ومـنّ الهـودج المكـفول ... للسـلاب والهزله وليـلة وحشـة الـغابو ... شمعته دمعة الثكله ( هلي ) اصوات البواچي تصيح ... عّله فراگكم علّه الگبل أيده بيد الحسين وحنانه صفه بگيده واندار أويلاه زمانه ويعاين رمح شايل اعيون أمانه ليلة الوحشه ليلة جراحات ياجفن يغفه بالهيمه ويبات وياعذب يروي جرح الغريبات ... والكفلّ مات . والدمع هال ____ الشاعر_سجاد_الگريزي #نسألكم_الدعاء #محمد_الشمري