1
"بصراحة أنا كلش مصدومة من اللي دا ينتشر عن كورنيش البصرة. مجموعة شباب يحيطون ببنية وهي تبجي وترفض تركب سيارة وتعيط وشباب يتحرشون بيها. هذا المشهد مو بس صادم، هذا خطر وغير مقبول بأي زمان وبأي مكان.
دخلنا سنة 2026، والمفروض الوعي والثقافة تكون أعلى، مو نرجع لورا بهيج تصرفات همجية. البنية إنسانة، إلها كرامتها وحدودها، وماكو أي مبرر لا لتحرش ولا ضغط ولا تجاوز.
وبنفس الوقت، هيه البنيه لازم تعرف غلط تطلع بهيج يوم وكذلك كل شخص لازم يكون واعي بتصرفاته وبالأماكن اللي يروحها، لأن الواقع للأسف مو آمن دائماً.
كورنيش البصرة مكان عام للعوائل والناس المحترمة، مو ساحة تحرش ولا استعراض لقلة الوعي. إلى متى نبقى نشوف نفس المشاهد ونبرر الغلط؟ الوعي مسؤولية الجميع"