قصص ۦۗۧحـۦٰٰٖـب عراقيه واقعيه تتحدث عن شخصيات موجده في واقعنا واحيانا تجد نفسك انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ في القصه م̷ـــِْن خلال تشابهه في المعانات والحياة

وثردت بمحمد ومرضة . حيايه أل هاشم...مكيفات لمحمد ويدعلة بالخير لأن هو أبنهم...بس هن مايحبني يعتبرني غريبة عليهم وألصدك هم كلهم متزوجين كرابه ... يعني صايرين شبجة...ناس بطن ناس ... بس أزهيران طفرت عد قايد...والله لو مامحمد خاطب تك أنعال...وضاربها بوري...جان هم ما راحت للغريب وجاسم...ماخذ وحدة غريبة أفيلية من أهل بغداد . عدت الأيام...وأني حالي حال كل وحدة حبلة انجطل هنا ... وأرجع أنجطل هناك ... ...

بقينة كاعدين يم ألمختبر...وألحظ ألحلو شفت بنية صغيرة...بيدها حامض حلو أني دنت روحي على الحامض حلوايه البحلك ألجاهله!! كلت ألكميلة...كامت جابتلي منها وحدة وأجتي ، ألبنية ألجاهله ماقبلت تنطيني... أمها أخذت منها وحدة بالكوة...وهي كعدت تبجي بالكاع بس والله أني أكلتها...ولا رجعتها بس شكد طيبة ... !! حسبالك أول مرة أكل حامض حلو . صاحوا باسمي //هديل مرقص رحت كميلة تهف كدامي تركض...لا والله تدهرب ، كا ...

هو ما فشلني...ضحك بوجهي وكالي//يوم الأفراح بفروخج بوية. أنوب ركضت وجبت ألبنية... بين ما كميلة بدلت ألنهلة هي وألجدة ... وهم خليت ألبنية بحظن أبوية ... هو سمى بسم الله عليهم...وصلى على ألنبي وكبر با اذانهم . وعلاوي أستخف...هلكد مكيف بيهم ، وخر رقية من حظنة...ولكف ألولد يبوس بي كال// بوية من رخصتك أريد أسمي قسور . أبوية كالة// يستاهل الأسم يبو قسور أالبت أنا أسميها حوراء .... ماكو بكرابتنة بت ع ...

قصص عراقية: ألحلقة ألخامسة و ألعشرون///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ————//////———-//////————/////— الله على جبر ألخواطر كريم ..... ×××××××××××××××××××××× وبهذيج ألظهرية ألحاره...بشهر ألخامس والله ألجو يسمط من ألحر...ولا جنه ألشهر ألخامس والله قبل السقوط جان حتى ألجو يختلف شو هسة صار ألجو كلة بس صيف شنو ألموضوع ما أدري ... نهلة كامت تطلك...وعلا ...

كتله //محمد لا تتقرب يمي...والله أصيح وأكعدهم كلهم كالي //يلا صيحي أريدج كون تصيحن بصوت عالي حتى كلهم يكعدون ويتاكدون...أنا شفيت وكلشي مابية ورجعت هذاك محمد ألاولي من أخذت ألمرحومه حياة. كتله//لا تجيب طاريها لا هي ،،ولا تك نعال ،،ولا ألبايرة جرني عليه وكالي //تعاي هنا مو وكت ألحجي ألدنيا محتركة عندي . كمت ادفع بي//وخررر محمد ... وخررر عني ولا يفيد بي ألكلآم ... يالله ولا أكدرلة شكثر بجيت ...

ليش ماكعدت يم ندى...وخطية هي ظيفتني ماقصرت وكعدنة نسولف...أنتبهت جهالها وجهال بسمة ضرتها موجودين...كتلها //أكلج ندى بسمة وين.....؟؟ جاوبتني //دخلت وية باسم للحمام تجلفة سودة علية أجى كلة صبغ من ألورشة وأنا مالي خلك والله...هل شوفت عينج حطمتني ألنشلة كتلها أنا أباري ألفروخ...وأنتي قيمي بخدمتة. كتلها بقهر //أكلج عفية كلبج...يعني عندج عادي تأخذ رجلج منج...عفية ندى أني مو أريد أسوي مشاكل بس أنتي ...

علمود أفتهم وأشوف نجاح عمليتك...وأنتي ماموجود وياية...ولا أكدر أجيبج لهناك ألوضع وألدرب كلش تعبان عصام،،،وسلام أقترحوا علية أعاين نفسي ويه أي وحدة سافلة وأجرب وياها...بس ماقبلت ما أريد أصبح زاني وأخسر ألدنيا والاخرة ، عاد عبد الله حجه وياها...وهي وأفقت لأن أصبحت هاي شغلتها...تزوج من واحد... وتطلك من ثاني...بس بصيغة شريعة... طالعة مودة جديدة أسمها زواج ألمعتة... وأنا سألت وطقست على كل ألسالفة ...

يعني حلفانه صادق...وما يجذب عليج. وسالفة مرضة...وعمليتة ترى مو سهلة ... وألمفروض تكعدين وتحجين وياه بهدوء وتفتهمين من عندة...مو تعاركينة أول ما يجي من سفرة وهو مريض...وهم تعبان من ضيم ألمرض وألطريق وبعدين ما فكرتي لو طلكج محمد...وين تروحين والله أني أشليج بعيوني...وأظمج بين ظلوعي بس أني مادايمتلج... ورجلج يموت عليج...لا تخربي عليج بهاي سوالفج وهو محسبوب بخانة الكعيدي...وهو كاعد بيتة. شو أنتي ع ...

قصص عراقية: ألحلقة ألرابعة وألعشرون ///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ————//////———-//////————/////— مايسوه ألزعل ... راضيني مو مليت على كولت أهلنه ألدنيا خلصانه .... ————//////———-//////————/////— والله حالتي تبجي الكافر.... ما خليت لا شعر ما ملختة...ولا وجه ما خرمشتة عيوني كامن يوجعني من كثر مابجيت أحتركت...أنقهرت...متت...أنحمست روحي كل هذن ألكلم ...

//حقهااااا رجلهاااا وتزوج عليها تريدها تسكت شنو أنت زمال متشوفها أحتركت علمودة . أني طفرت...ورحت أنخمدت بغرفتي وأسمع صوت محمد يحلف ويبرر سالفتة لأبوية وللولد ويكلهم //والله تزوجت ألبنية شهر وطلكتها ،، علمود ألعلاج...وعاينت نفسي وياها ... جان لأزم أتقرب من مراة...ومامشيت بدرب ألحرام باقر شبيك ما تسولف...موش تعرف بضيمي وبسوالف ألطب...وألعباس زواجي علمود ألعلاج شلون أوضحلكم سالفه...خافوا الأطب ...

هسة ألم ألدنيا عليك...وعذري وياي...مسودنة وماعلية حرج . لا ويحاجيني بكل برود//هديل ولج شبيج تسودنتي وآلله أكدر أضم ألموضوع عليج...وأنتي أبد ماتدرين بي وروح أمي ... غصباً علية صار ألموضوع أفتهمي علمود ألعملية وألعلاج . عطت بكل حسي...فقدت من ألقهر روحي كامت توجعني//وخرررررررررررر ،وخررررررررر بوووووووووووووية ألحكلي هنا كعدت باب ألحمام وكمت أعيط وأبجي بصوت عالي ناررررر وشعلت بروحي طلع سجاد ي ...

ما حصل من الدنيا بس ألاذيه راجي من بختج اليم الله الجبير تباوعين المخلوق ربج وتبريه وأكف بابج وأستجدي الشفاء وأشگيلج ضعف الحال وقلة الحيله هاااااا يا زينب ‏يبت علي الكرار يخت عباس حامي ألشريعه . كعدت باب أم هاشم...وشكثر ماعندي دموع زتيتها على عتبة دارها...زتيت كل قهري وضيمي يمها . رحت توضيت وصليت وقريت سورة يس هديتها لأمي ولأبوية وسولفت وياهم ،،كتلهم//ما هاضم روحي غير شغلة وحدة...أذا سويت ...

ولج من جنت أعاين على ألشارع... وسرعة ألسيارة ... وخط ألطريق السريع رجع شريط ألذكريات بي...لليوم ألمضى قبل سفرتي من نمتي بحظني ودموعج تنوكط على صدري وبمصباح ألوداع...وأنا أعاين عيونج شلون تهمل علية لو ما عيب من ألوادم ...ألا أصرخ بعلو صوتي وأبجي كون أبجي بعيون أم وجابولها وحيدها مكتول غدر وماتعرف جتالة...ما جنت خايف على روحي بكثر ما خايف عليج . من وصلنة لهناك...قررت ما أروح للعلاج ، أذا ما أز ...

قصص عراقية: ألحلقة الثالثة وألعشرون///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ————//////———-//////————/////— أريد أعلن حداد وللعشك ما عود وأريد أنساك وأنسة ألبينك وبيني وأشك دفتر غرامك خاطر أنا أنساك وأدير ألوجة عنك من تلاكيني . ××××××××××××××××××××××× والله بس غفيت ... بعدني مو مطفية و ريحة محمد ترست خشمي ... وسمعتة همس با أذاني اشلونچ يا أعز ا ...

حلقه 23 يتبع. قراءه ممتعه حبايبي 😻

أني رحت وأنجطلت بغرفة كميلة...عندي تعويد لأزم أغفى ألظهر والله بس غفيت...بعدني مو مطفية و ريحة محمد ترست خشمي .... وسمعتة همس با اذاني أشلونج يا أعز ألناس عندي .. هو الگلب جم أحبيبه عنده .. يتبع .........

رجعنة للبيت بس شنو غديت جنازة من ألتعب من وصلنة للبيت طايحة ألظلمة...ومجلجل علينة الليل. يادوب غسلت وتوضيت وصليت . نهلة خطية ما مقصرة بشي...وخلتنه ألعشا كاعدين نتعشه وكميلة تشاقة وياية كالت//ولج كاسبر عايني علية... أليوم فريتج بغداد كلها...زورتج لأبو طلبة وأخذتج للكيلاني...من غديت فدوة ألهم وأخذتج لبيوت ألأجاويد ... بس يجي راعيج وعسنه سالم...وإن ما حبلتي من أول أسبوع...أنا بيدي أزفنة على غير ...

صلوات على ألنبي صارت حبلة.... ورجلها أسمة سامي طاير بيها ومكيف عليها... بس خطية تشكي من عمتها..شاده وياها..تغار من عدها. سهاد أنتم بعد تعرفوها طيبة وشاطرة وراعية بيت وماخذة عقل ،، وكلب رجلها ... وهي عمتها متسودنه منها ،تكلها//خوش راكبته يبووو من كعدنة شكد سولفنة...وتغدت يمنه هي من بين ألسوالف كالت لكميلة//خالة أنتي عليش ساكتة على هديل...محمد شو جان زين..وموش مريض أني أكلج هاي ألعوبة مجبوسة... ...

أنطاني ورقة قديمة مكتوب بيها بخط مجعمر كالي//تعرفين تقرين ؟؟ كتلة // أي ،،قريت ألكتابة هاي صلاة مكتوب فوك صلاة قضاء ألحوائج ألمستعجلة ... !! قريت ألورقة كلها كدامة. كالي//شوفي بابا ،هاي ألصلاة ألها قصة... وطبعاً لو تبحثون عنها وين ماجان ما تلكونها ... وقصة هاي ألصلاة ...من ألجواب المرسل... شوفي أكو شخص ضاكت بي هاي ألدنيا الواسعة ونادب ألنبي وال بيتة...وبكرامة ألشيخ ألكيلاني وبسجن وغربة موسى ...

قصص عراقية: ألحلقة ألثانية وألعشرون ///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ————//////———-//////————/////— مشتاگلك يالـ مبتعد يا روح تشبه نيتي حَتى النفس لمن أريد أتنفسة بلياك يجرح ريتي ...... ————//////———-//////————/////—- دخلنه هنا بسنة ال ٢٠٠٥ ... وصار عمري هنا ٢٥ سنة... بس شنو مو تكولون صارله محمد شهر ونص من سافر لا تكولون صارله سنين...أنسل ...

ويسولف عن شغلة وسفراتة . وأنتم بعد تعرفون سبحان الله...بكل عزة لأزم يصير شقة وضحك...وبكل عرس وفرح لأزم تصير ضيجة خلك...ليش هذا الطبع بالعراقيين ما أعرف . وقايد...وعمر أخو باطلة...وجاسم..وعلاوي وباقي ألولد عود كاعدين يمنة بالحوش يساعدونة . وباقي ألرياجيل...كاعدين بيت أخو أبو صادق ألولد كاموا يسولفون...ويشاقون وصار ضحك أني تلثمت بالربطة...وبقيت كاعدة على ألبريمز أقلي بالكبة...صح أضحك وياهم... ...

الله يذكرها بالخير...وجلبت بيه...تريد تحفلي وتسويلي شيرة...كتلها// عيب من الرجال شيكول علينة كالت//مالج غرض...وأصلا هذا بيت لكل الناس والله شلون لبرمشة عين..عودين حفتلي وسوتلي شيرة هو صاح علية/تعاي وراية أنطيج شغلة تفيدج... عفت سهاد...وركضت وراة...من طبيت للغرفة مالكيتة.!! بس ريحتة الطيبة موجودة بالغرفة. فزيت...بسم الله الرحمن الرحيم ، سلام الله على أبو محمد ألشيخ بعد ألقادر ألكيلاني شجابة هسه ع ...

أني خليت بتول وبنات باقر بالحوش وأكفات ودخلت ألطم وياهن...كلبي محمل قهر على فرك محمد وهي كميلة توسطت أللطمة وكامت تكول //خل انوادعه ونتعاتب وياه احاااه احاااه شايل وين وأحنة ردينة// يل منك يهابون //خلوني أونن واذكر ارباه ... شايل وين وعاطت //شدنها شبيجن فاهيات..أبو صادق يخي عمت عيني على فركاك وأحنة ردينة// يل منك يهابون //أنتيه ونضيع خلاف عيناه شايل وين ... وأحنة ردينة //يل منك يهابون / ...

ولا تشربين...راح يوكف كلبج من الهبوط... أنوب كال ألكميلة //أم عطأ خوية راح أشدلها مغذي يعدل ضغطها. كميله كالتله///شدلها خوية شدلها...الله وكيلك لا تأكل ولا تشرب من مشى راعيها ألسوريه... لابد ما سمعت بضيمة...ودكاترته بغداد شكو بي أذانك طرشك عن أسم كل مرض...بي هذاك ألمرض الما يتسمى بمراجلة الله يجفيك ألشر . كاللها //أم عطأ ترى ألبجي واللطم...وكطع الأكل وألشرب ما يعالجة...لأزم تصيرن قويات وتدعن ا ...

قصص عراقية: ألحلقة ألواحده وألعشرون///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ----//////----//////----/////------------////---- لـــو تـــــــــدري بغـــــيــابـــك ياهـــــو ويــاي الحـزن لــمـــلــــم اخــوتـــــه وكَــعــد يمّــي ----//////----//////----/////-----////-------//////----- هديل //من سافر محمد تكومت ونمت بالفراش على فراكة...أون علية ليل ونهار. ...

هو شكد سولف وياية...وشكد يصبر بيه بس من يشوف دموعي وحركة كلبي... أباوع بعيونه مغوركة بالدموع...وخانك عبرته بالكوة بس يكلي//أدعلي أردلج بسلامة... وعلي أنا لا خايف من ألسرطان...ولا خايف من ألموت عاينت ألمر...وألظلمة ألما مرت على بشر... مات كلبي...وبعد ما أخاف من ألموت...بس أخافن عليج أخاف تغمض عيوني...وتنذلين من وراية... ماشايل هم ألروحي...بكثر ما شايل همج. هنا شبكته...ونمت بركبته...وشكهت وبجي ...

والقوي والوراه ظهر ودعم وسند يبقى مجلب... يابوية تجفوا ألشر...ومالكم دخل بواحد... ترانه مالنه حيل نحمل ذنب دم مسلم..أكعدوا وأستجنوا وأليطلع عن شوري متبري منه منا أليوم ألدين والله ورسولة يشهدون على كلامي.. ألعراق ظل تايه بيد بول برايمر ... لحد ما لزم بدالة (( غازي عجيل ألياور )) ... وصار رئيس على ألعراق بدال ألريس . باسم هو أول واحد أشترة دش بال هاشم ... والله سعرة غالي...أشتراة من نزل ألبغداد ...

من حكومة ألريس..وذاعوا بعدين اعتقال طارق عزيز . ورفعوا العقوبات الاقتصادية عن ألعراق... وحلوا حزب ألبعث...ومؤسسات حكومة ألريس. أنوب سمعنه من ألناس...ومن الراديون صارت بغداد فرهود... وتقريبا باقي محافطات ألعراق هم صار بيها الفرهود... بس يمنة ألحمد لله ماكو شي...هي قرية وألناس بيها تعبانة...قابل منو يبكوك منو . همزين ألولد كلهم موجودين ... كميلة تكابلهم وتكعد...تحصرهم بالبيت ما تخليهم يطلعون... ...

كمل بناء ألبيت...صلوات على ألنبي صار بيتهم عامر بيهم. وحسيون باع سيارتة ألمجرقعة...وأشترة سيارة جديدة ألحمد لله شوية تحسنت أحوالهم . عدت الأيام ... ومشى بينه ألوكت وهنا تكدرون تكولون علية شلون ألعقلت وكعدت افكر وية روحي... أني عودين ليش أريد أغير من روحي... وأكسب رضى ألناس...شو ضميري ألحمد لله مرتاح.. لأن مالي دخل با أمور وأحد..ولا مأذية وأحد ، وأني أصلا بداخلي أكول ما أتعامل وية ألبشر ، أتعا ...

ماكو جديد بحياتنة ... أبوية مقيم بالمرقد...ما نشوفة كد الوجبة...والنوم ومحمد...بين ألكاع ،، والزراعة ،ورشة ألنجارة باقر...بدوامة بالموصل وعلاوي...بين دوامة بالوظيفة...وبين ورشة ألنجارة. وسجاد...بكليتة يداوم بالهندسه. وعون،،،وحمودي بالمدرسة . وكميلة...شغلها تسراح بالبنات وتسكتهن بين ما نخلص شغلنا أني ونهله . وعلمود باطلة...أجى عمهم ساجت حاجة أبوية وباقر يردونها...وهم أبد قفلوا عليها...وم ...

قصص عراقية: ألحلقة ألعشرون ///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ----//////----//////----/////----------/////------- عن ألعراق ألجريح أتحدث 👇👇👇👇أتمنى ما تعبرون الفقرة وتقروها نتصالح لو ما نتصالح ؟ .. قاله باله برتقاله ... وأفرض طلعت ما نتصالح شراح انسوي بهاي الحاله ؟ ...... معناها نقسم موطنة دولة شيعة .. ودولة سنة كل واحد يكتب دستوره وكل واحد جدول أ ...

وأغبش بيج لليمة بلكت يرجعوج خرسة. يتبع .......

وباجر أذا الله خلانة طيبين نغبش عليهم وصدك مشينه على مشورة كميلة... رحنة بتنه بفندق بالكاظمية... وثاني يوم ألصبح رحنة للتكية على ألوصف ألسايق ودانة عليهم....والله الشيخ رقاني وقرة علية قران كال الباقر// مابيها لا مس ... ولا شي مؤذي بس هاي جبانة وخوافة ... بسرعة تهبط وتخاف خليها تقرة سورة ألبقرة وان شاء الله ألشفاء ألعاجل. عاد رجعنة من ألتكية...بوجهنة ألبيتنة بقرية أولاد مسلم رجعت تعبانة...وميت ...

وهي شايلته على جفوف الراحة...من ليش...عبن تحبة وتغض بصرها عن كل سوادينة وأزيدكم من ألشعر بيت...رغم فطاريتها وفقرها بس عاقلة...منو من نسوانكم يجيها رجلها بتوالي ألليل معضعض...وكله أثار من مراه ثانية ،وتبقى ساكتة وهاي ألجدامكم لا سوتلها مشكلة...ولا سوتلها هوسة ولا جابت طاري للموضوع...تمرضت ونامت بفراشها وماحجت . وتسألوني شلون عرفت...لأن هل ألمسودن الجدامكم أتفق هو وهل ألاغبر ألثاني عليوي عليه ...

قصص عراقية: ألحلقة ألتاسعة عشر ///من أحداث قصتي/// بعنوان /////حصاد ألمواسم خطت بقلم ///فراقد حسن علي /// -------/////------------/////-----------//////--- مو كل اليحب آيعيش فرحان .. اكو واحد يحب بس هو يائس واكو لمن يحب آيصارع الموت .. ميهمه يصارع ألف فارس ينشدونه آعله قيس وليلى كل يوم .. أشو محد ذكر بالعشــگ عابس --------////--------////----------///////------- (( بارت صغير سحور للحبايب 😁 ...

أنعاد براسي منظر حياة من سحلوها الأمن...ورجعوها بالخشبة. هنا وأسمع صوت كميلة تعيط//يبوووو ولكم عوفوهً أباوع للحوش...ألشرطة مجتفين أبوية وباقر أريد أمشي ما أكدر روحي أنسحنت وكعت باب غرفتي...أسمع بس ما أشوف . نهلة عاطت//خاله هدددديل وكعت حسيت أيد خشنة ضربتني على خدي وصوت غريب يكلي //يبنية شبيج ؟؟ وسجاد يصيح//وخررررر عنها نكس لا تلزمها أمرعدك والله . وهو يكله//شبيك أريد أساعدها وسجاد عاط / ...

إلا اخلي أبوية يدوس شورابكم بالقنادر. باقر شكد ما بطبعة هادي وحباب... بس هنا أدروش عليها...دفعها لباب ألشارع ، وجاسم...وباسم وأكفين بوجهه ما يكدروله شاش عليها...ويصيح//ما تبقى بالبيت والله. جاسم كاله//بس عوفها أنا أزتها لبيت أهلها . وصدك جاسم...ومرتة...وكميلة وعلاوي أخذوها لبيت أهلها ،، بس أبوية...وباقر جلبوا بنسمة ما خولها تأخذها وياها من أخذوها وراحوا... محمد صاح علية//كومي لغرفتج كدامي. ...

وأشوف علاوي...ومحمد...وراة جاسم وباسم وألنسوان...وكل أهل ألهول تجمعوا بالمطبخ محمد شافني أكمز عاط// شبيج أحتركتي أني بس أعيط //يبوووو بوية ألحكلي...طب بيه راح يعظني . محمد عاط بيه //ولج شنو ألطب بيج ،، خرب شيب أبوج الأمة ألعربية كلها طلعت...عوفي ثوبج أني ما أسمع ولا أشوف من ألخوف طفيت بس أنفض بثوبي وأعيط//يبوووو طب بيه...بويه ألحكلي ندى كالتله//أبو جاسم وزغة طبت بهدومها...طفرت عليها من ...

قصص عراقية: ألحلقة ألثامنه عشر ///من أحداث قصتي/// بعنوان /////حصاد ألمواسم خطت بقلم ///فراقد حسن علي /// -------/////------------/////-----------//////--- ناذر نذر لو رجعنه ومات الافــــراك سبع شمات اذبح جوه رجليك ----//////----//////----/////------------- وصدك من أليوم ألجايت بي كميله بتول أنطتنياها وصارت بنتي...أني أغسل وابدل...واحظن وأكمط.. حتى ما رضعتها...ولا خلتها بحظنها كمت أشربها مم ...

عاد علاوي أخذ نهله وراحوا جابوا ألجدة وأجمى... أبوية أجى من ألمرقد متسودن عليها. علاوي من راحوا جابوا ألجدة مار علية وكايلة. وهي ما قبلت لا فاطمة...ولا نهلة يكعدن يمها بس أني فتت يمها بغرفتها وية ألجدة وقفلت ألباب. أني منا الله مطيح حظي...وكاتلني ألقهر على سالفة محمد...ألبارحه ما أعرف بي وين جان...وين راح ، وكلبي ما أنطاني أسولف لأبوية ألصبح... والله أجذب عليجن...ألصدك وبدون جذب ... خفت أحجي ...

محمد ضحگ بصوت عالي...وكاله//أبو نسمة شغلتك داجة...عوفها تولي ما عوزك ضيم جديد هذيج ألليله فد حلوة...وكلهم يضحكون وناصبين على كميلة...وأنوب باقر يكلها//ماما شلون ألطفل بي حركة وعلاوي يكلها//كونج تخلفين توم واحد ناخذة ألنه....واحد لبيت محمد بعتبارج أرنب وتخلفين هواي...وما تهتمين للواحد لو للتوم . وسجاد يكلها//عودين من يجي هم ميزي وفرقي عنه ويمة رحمة للنبي أشربي حب مانع ... ياالله عيب من ألو ...

وأجت كعدت...وكامت توزع بالمنگاسات للولد صلوات كلهم كاعدين...وزعتلهم...وخلت نجانة كدامنا ناكل ونباوع على ألمسلسل. شو كميلة خلصت منكاستها...ورجعت على منكاسة عون وانوب أكلت منگاسة حمودي . ما الله هداني وسكتت... شافين ألواحد من يزل لسانه...ويفضح ألشخص ألثاني بدون ما يدري بروحة...كتلها//يمة كافي تاكلين شامية لا تنفخج...وألجاهل يصعد على كلبج...وتكومين تتنفسين بالكوة...أدري بيج تتنسين على ألملوحة. ...

وكلبي كام يدك سريع...وبالكوة وكفت على حيلي بس أبجي...وأباوع بالوجوة. هو هنا دفع أبوية...وباقر وأجى علية بسرعة جرني من شعري...ودفعني بقوة يم باب ألهول ويصيح//وحگ علي ما تظل بالبيت وأذا بقت لو أكتلها...لو أكتل روحي. أني من دفعني...رجعت أنجبحت وكعت بالكاع ما أعرف شصار بيه ... خفت خوفة أنصكيت بس عطت بصوت عالي //بووووووية علاوي ركض علية هو ...وسجاد يصيحون بوجهي//لا تخافين أحنة يمج كولي بسم ...

قصص عراقية: ألحلقة ألسابعة عشر ///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ----//////----//////----/////-----------/////----- مرات السكوت شكد سوالف بيه وعلى السكته صرت مجبور تلكاني بس بداخلي كلمة احبك سيف وخايف اعترفلك واكطع لساني ————//////———-//////————/////— عدت الأيام...ورحنة للمحكمة كملنه ألعقد والقاضي رجع عقدلنة عقد مؤمن ... وكملنة ألمعاملة مال عقد ألمحكم ...

وعلمود ما تكعد بوكت ألتجيها بالايام العادية وتعوف ألصلاة...تبقى تستحي من ألولد . وليش ما يبوم وكميلة من ألصبح كالت// أمشي بدلي نروح للمستوصف ألصحي. كتلها //ليش شكو ؟؟ هي ألحمد لله لا مريضة...ولا بيها شي كالت//أمشي بدلي وأمشي وياي . والله حتى ما كلت لمحمد...رحنه أني وياها وحمودي من وصلنه أكو دكتور موجود كاعد ... من دخلنه علية هي كالتله//بنتي مالها خلك وغابة عدها العادة صارلها خمس أشهر...وته ...

هو عاف كلاص ألجاي بالصينية...وباعولي طابك حواجبة كالي //شبيها نهلة كتله //دكوم روحلها...يالله شكثر بارد وكلبك قاسي دكوم أشعل بليسك...كومته من مكانه ودفعته طردته الغرفتة . كمت لملمت ألكاع...وأخذت نسمة ويايه ألغرفتي هنا لعب الحنان براسي...وحسيت بشعور حلو ، رغم ماهي نسمة تشرب ممية...وننطيها حليب هوش ، بس ردت أجرب شعور الأم شنو ... طلعت صدري وكعدت أرضعها...يمة جسمي كش فد شعور كلش حلو...كلت//ياربي ...

جلفت جلفة مال مطي وشامرينة بالخيسة طلعت أبرج من ألنظافة . انتصار جابت بتها سعده بدالها...وهي راحت للبيت محيسن ألاغبر متعلم عليها ما يفاركها أبو ألكلك . وهنا أبتليت على عمري من خدمة ألخطاطير شكد تعبت...بس كلت ميخالف في سبيل الله وهذا تعبي بثواب أمي شهلاء...وأبويه شامل خطية دوم أذكرهم وأقرالهم ألفاتحة . وبيوم أجتي سهاد...وأمها...وأختها سعاد بعد عمري شكثر مشتاقتلها...وحدة حظنت ألثانية وكمنه ...

قصص عراقية: ألحلقة ألسادس عشر ///من أحداث قصتي/// بعنوان /////حصاد ألمواسم خطت بقلم ///فراقد حسن علي /// ----//////----//////----/////- أني ما محتاج بس ألله وأبوي وشيلت أمي ألدافية...... ----//////----//////----/////- هديل //مرت الأيام على عركتنه أني وألبنات وكله بسبب أزهيران ألحقيرة...هي ألشعلت فتيلة هاي ألعركة...وأنوب طلعت زعلانه من بيت أبوية.... وأجت أمها هدت علينه...وسمت روحي بحجيها أ ...

هجمتن حياتنه...وأذبحت شبابنه من وراجن يالعايقات كون الله ياخذ أعمارجن يالخايسات عرض وخايسات بدن . أني من حركت كلبي ما أعرف شسوي عفتها تلغي...وكميله متلاطشة وياها ورحت توضيت...وحبست روحي بغرفتي وشلت ألقرأن...والله ما قريت بس حظنته وكمت أشهك وأبجي بصوت عالي ، حاجيته حسبالك هو بشر وهو سندي و أماني وحجيت وياه...و شكيتله وكلشي سولفتله ما خليت شي بكلبي...لأن مو ذنبي أمي تشنق نفسها وأبوية يموت. ...

وبتها ألقردة...من حشة خلقة الله تعوص بيدها وكعدت يمها فاطمة بيدها نسمة . كالتلي//هوووووي ألمسودنه كومي سويلنه شي نشربة شو ماعندج حي حضوري وتقدرين ألضيف لو ألجني لحس مخج وخلاج ما تخدمين ضيوفج. ما رديت عليها...عفتها تنبح مثل الجلب الاجرب يعوي ... ويعوي ويسكت وحدة . فاطمة كلتها//عوفيها تولي... حالها من حال أيناس معتبرين وجودها بالبيت . كتلها//منو هاي أيناس... أنوبه عليه أيناس ردت علية نهله ...