قصص ۦۗۧحـۦٰٰٖـب عراقيه واقعيه تتحدث عن شخصيات موجده في واقعنا واحيانا تجد نفسك انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ في القصه م̷ـــِْن خلال تشابهه في المعانات والحياة

❤️💜❤️

بارت 17 .....

مبروك اخذت المو الك.. صارت قسمتك والبعد.. ماشوف وجهي بكل كتر.. مو انت اخذت مرايتي.. هم تقبل اخذ شي مو الك؟ احبه حيل من الصغر چا ليش تاخذ مالتي؟؟؟ يل خذتها! داريها احلفك بالكمر لتخاف من باب الستر.. اعشكها ماي تصير الك اعرفها بنت ولايتي.. انطيك نقاط الضعف.. لو زعلت ودم بجت.. تراضيها بأسهل مايكن.. حلفها بس بداعتي.. (منقول) 😞😞😞 اخ لو الزمك هيثم... ولو اذا ردت ارجع ع احد فهو امي.. دمرت كل شي.. ولكت ...

رحت فتحت الثلاجة.. بيها صمون ومربى.. كعدت اكل واكل بلا وعي.. لحد ماحسيت الحلاة بدت تكص بلعومي.. عفته وشربت مي.. غسلت ورجعت للغرفه.. خليت راسي ع مخدة.. اول شخص اجه ابالي هو مأمون.. ياترى عرف؟.. وشصار بي... عسى حوبتي متضيع بيكم يااهل عدي واهلي.. ضيعتونا.. وكسرتو كلوب مالها ذنب.. كلش كبت عندي.. كرهت حتى روحي بلحظتها.. يمكن وحشة الليل .. والخنكة الاحس بيها من اشوف نفسي وين نايمه هيج سوت بيه.. كوة ني ...

كال:كلمة وحدة.. تنقذين نفسج بيها.. مو من الموت! لا من عذاب وضرب .. كل شي اسوي بيج.. الي ميخطرلج اسوي بيج ومااخليج تموتين وترتاحين! فصيري ادميه واقبلي احسنلج! وياويلج.. ياويلج..يتكرر الصار البارحة! بلا وعي هزيت راسي بأي.. خله وطلع.. شحجي عن الخنكة والعبرة ..  ياريتها صدك تموتني واخلص.. وره اقل من الساعه.. اجت حنان يمي للغرفه.. كانت متحمسه وحركتها سريعه..تكمز منا وتجي منا.. سدت الباب علينه وخلت فتحة ...

مأمون... من رحت من اسيل.. كنت شوي مرتاح.. لانها خلصت نفسها من هل زواج.. بس بعده الخوف بداخلي عليها.. كعدت ثاني يوم الصبح.. مخطط لكل اشي.. اتريك واروح للمجمع وارجع العصر اروح لبيت عمي.. اشوف اسيل ومنها افاتح عمي اكوله اني اخذها ومعليك باهلي واني اتحمل كل النتائج.. وصدك مر اليوم مثل مامخطط اله.. لحد العصر من رجعت للبيت سبحت وتغديت وكملت.. نزلت شفت ابويه لابس يريد يطلع.. كلي ها وين؟ -عندي شغل.. ابوي: ...

اسيل.. راح مأمون .. ورجع الخوف بكل جزء بيه.. كذبت.. اي كذبت ع مأمون.. حتى لا اوكعه بمشاكل ويه اهلي.. وحتى اطمنه ماكو شي.. بس بداخلي ميته خوف من الي راح يصير بيه.. حاولت انام.. يادوب ساعتين او تلاثه نمت.. كعدت ع صوت حنان.. يمكن حتى المؤذن ممأذن.. حنان:كومي اكعدي.. فزيت اباوعلها اريد اعرف شتريد بالضبط:ها؟ حنان:كومي غسلي وتريكي.. -ليش؟ حنان:هسه دكومي عود! كمت وراهه.. غسلت بقت واكفه ورايه هي.. كملت ...

❤️💜❤️

بارت. 16.........

ايست.. شفت نظراتهم هي الي منتظره موتي باسرع وقت.. شمرت العود بالكاع يم  رجليه.. مالسمع بس صوت عاط لااااا اسيل ولج لااااا! احس واحد ولزم رجليه كل قوته.. هه داتخيل.. يمكن من كد ماتخيلت اخواني راح يمنعوني وراح يسامحوني هيج تخيلت.. غمضت عيني حيل وابتسمت.. للموت الجايني يركض.. محسيت بحرك.. ولا حراره.. ولا شميت ريحة حرك.. فتحت عيني.. اشوف صدك هاي ادين دتطفي بيه.. التفتت .. مأمون ورايه ولازم قمصلته مخليه ...

-ليش تتهورين! مره ثانيه هاي الشغلات لتعيديها! يعني لوما ملحك عليج شجان صار؟ اسيل لخاطري لتفكرين هيج! اسيل:اي.. مااعيدها.. بس عفيه روح! -اخ اسيل.. لو بس هلمرة تسمعين كلامي! اسيل:روح فدووووة! كافي راح يكعدون والله! -خل يكعدون! وخل كل الناس تعرف بحبنا! ....سكتت ودنكت.. رفعت وجهه بيدي:باوعيلي لج! أنتِ تحبيني لو بس اني متخبل بيج؟ سكتت.. وحاولت ادنك بس مخليتها... -جاوبي! لتشلعين كلبي؟ اني الي اشوفه أنت ...

احس كلبي وكف ميدك.. شراح يسوون بيه واني راجعه الهم.. ردت اكلها واتوسلها مترجعني يمهم.. بس الكبرياء منعني.. كمت وياهه.. وكل ماابلع ريك احس اكو شي واكف مدينبلع.. الدمعه طرف عيني ومكابرة كوه ع نفسي ماابجي.. اخذوني المريه ووياهه اثنين زلم كعدو ليكدام.. بس حركت السياره صبت دموعي.. مردت احد يشوفني كبل درت وجهي ع الجام.. سمعتهم يحجون بينهم:العلينا سوينا! بس البنيه مو راضيه! ردت المريه:بعد احسن نخلص من هل ...

مأمون .. كنت راجع من المجمع.. ومو عارف انه اليوم زواج اسيل.. محد جاب طاري ولا حجه كدامي.. بس كنت احس شي صاير من ورايه.. وماعرفت اله بعد مااتصل عمي ابو سام ع ابويه.. وابويه كام يعيط ويصيح.. سمعته واني بغرفتي ..فتحت باب غرفتي.. سمعته يصيح شنو هل بلوة شنو من بنيه هاي؟'الله لو الزمهه اذبحهه هسه! كوة لزكناهه تالي تخربها! نزلت.. كان يروح ويرجع وتلفونه بيده.. من شافني ثبت بمكانه.. -ها؟ شكو؟ ابوي:شكو؟ بوي ...

اسيل.. ومرت ايام تركض ركض.. يمكن لان بيها اسوء حدث بحياتي استعجلت عليه هل الايام.. كانت ايام مره حيل.. صعبه وماتنجرع.. مدخلت عقلي فكرة الزواج.. لا الليل بي نوم ولا النهار بي راحة.. مادري شلون خلصت..وشلون مرت.. بس كانت حنان تفتر ورايه يوميه تريد اذب الاسود لو اف لو اعدل وجهي.. كنت اصرفها مني ومرات اعيط بيها .. لحد ماملت مني.. وصار يوم الاسود.. يوم زواجي .. اجه فيصل للغرفه.. يحاجيني بنتر بس احس ا ...

💜❤️💜

بارت 15 .....

حبايبي تفاعلكم كلش حلووو 😻😻😻 الًيَوُمًِ حنشرلكم 3 بارتات واذا زاد التفاعل انشر 4 بارتات 😘🤗🤗

متابعيني. 🤗🤗 سوو لقناتي اعاده توجيه لاصدقائكم. وخلي الكل تقرا القصه وتعيش الاحداث ويانه ... الي يسوي توجيهه. يصوت 👍👍 وربي داتعب لخاطركم ❤❤

يتبع ......

رجعت تالي الليل كوه اسوق.. ع لحظة حسيت نفسي راح افقد السيطره الستيرن.. دخلت للبيت.. لعبت نفسي كلش.. كل البيت والبي كرهتم.. ربولي عله.. فتت لغرفتي.. مااكدر استقر بمكان من اللعبان نفس والوجع براسي رجع.. ركضت للحمام استفرغ.. داريد ارتاح ماكو.. اسمع صوت رواء بالباب.. رواء:مأمون .. شبيك ؟ مأمون تسمعني؟! بقت ادك بالباب وتصيح.. مكدرت ارد عليها. مخنوك وتعبان كلش.. سمعت اصواتهم كلهم تجمعو يم الباب.. وكله ...

كما تدين تدان .. ياجنس آدم .. مهما بلغت بك القوة .. ان تستهزأ بمشاعر انثى وثقت بك واحبتك .. سيأتي يوما .. تدان على فعلتك فأن الله يمهل ولا يهمل... مأمون.. ايام واني مقاطع اهلي.. من خربت السالفه رسمي وانقطعت علاقه اهلي ويه بيت عمي اني كلش ضجت وكرهت البيت..طبعا بس ابويه بعده وياهم.. ع سالفه الفصل.. واني تركتهه ماريد ادخل .. واصلا هيثم اعرفه اذا رحت وشافني راح يسوي مشكله.. وامي تحسنت وطلعناهه.. طبع ...

لا تشوفيهم ولا يشوفونج.. كل الاريده منج تسكتين.. هنا وله عد رجلج تسكتين.. ماتذكرين الماضي وتنسينا.. ولا ترجعين لهنا ابد.. كل كلمة  منه احسها سجين تنغرز بصدري.. ماصدك.. هذول اهلي ؟ خاف مشتبهين بيه بالمستشفى؟ وله خاف اني لقيطه ومربيني هم؟ معقوله؟ يكلي مااجيهم.. وانساهم؟ وذكرياتي؟ وريحة امي؟ ودفو ايدك يابه؟ صغري وكبرتي وكل ايامي شلون انساهه شلون؟ من سمعته هيج.. ردت بس اطلع منه.. ماريد اسمع اكثر.. ال ...

رجعت كعدت يمي.. -احجي شكو ؟ شصار وياهم؟ حنان:شوفي اكلج اياهه دفعه وحده احسن.. الجماعه راح ياخذوج لابنهم.. ظليت صافنه.. احس نفسي مسمعت.. اي مسمعت هذا حلم او خيال اني تخيلته.. حنان:اسيل! تسمعيني؟اسيل؟؟؟؟! -شنو؟ حنان:راح يزوجوج لاخو عدي.. حتى تنحل السالفه احسن.. ومنها تخلصين من الحجي .. هنا اني استوعبت شكالت.. بس ممصدكة.. متدخل عقلي.. بعدهه الحجايه مداخله ابالي كلش.. حنان:ادري هي صعبه بس والله احسن ا ...

💜❤️💜

بارت، ،،،،14.....

ومرت ايامي هيج.. ويوم كعدت صبح.. مثل كل يوم بلشت يومي اغسل الملابس انظف اساعد حنان بالطبخ واذا مالها مزاج اني اطبخ.. كملت شغلي وكعدت بغرفتي.. للعصر واني مطالعه.. اجت حنان للغرفه.. باوعتلي بنظره تمثل انها حزينه.. بس احس داخلها فرح كبير.. -ها؟ شكو؟ حنان:اريد احجي وياج.. -اي تفضلي.. اجت كعدت يمي.. مدنكة راسهه ومسويه نفسها كلش حزينه ومقهوره.. -احجي شكو؟ حنان:ماادري منين ابدي.. -اي ؟؟؟؟؟ حنان:شوفي أنت ...

اسيل.. ايام اني عايشه مثل المخبله.. ممقتنعه باللي صار.. وحجي حنان وياي صار ماينلبس علي ثوب.. هيثم هم رجع لحقده عليه.. صار اذا يفوت للبيت اني اختل بغرفتي..ابويه ماعاد اروحله واكعد يمه.. هواي تمنيت يجي مأمون ويفهمني ليش هيج صار.. اعرف امه متريدني بس هو مايمتنع اذا راد شي.. اخ لوو اعرف شنو الغيرك.. سمعت بمرض امه.. وحنان راحت الها.. طبعا بدون مايعرف هيثم.. ربطت الاحداث.. وشكيت بأمه استغلت سالفه مرضها ...

مأمون .. رجعت .. مقاطع اهلي.. والدنيا كلها.. من وصلت البيت وفتحت الجهاز كومة مكالمات من اهلي.. رجعت غلقته وردت انام.. دخلت رواء.. قربت من يمي تريد تبوسني.. بعدت عنها.. رواء:وين جنت؟ خوفتنا عليك؟ مأمون انت زين؟ -اي بفضلكم كلش زين! رواء:مأمون امي مريضه كلش وهسه بالمستشفى.. -مابيهه شي.. رواء:لك لاااا. تعبانه حيل! وسولها غسيل.! رادت تموت من عرفت بيك مو بالبيت! كوم بدل نروح الها.. -لا مو ضرورري اروح ...

اسيل.. اجه اتصال لابويه.. كنت كاعده يمه.. اشوفه انخطف لونه وكام يباوعلي بغضب.. عرفت اكو شي صاير.. ماركزت بالي كاله.. ركزت بعيونه وبجسمه خفت لا يطفر عليه يضربني.. خليت وطلعت منه.. يوم كامل واني ع نار معرفت ابويه ليش هيج صار بي ع هذا الاتصال.. وطبعا هو مايدخل البيت .. ولا اني كدرت اروح اله.. ثاني يوم اجه فلاح يدور ع مأمون يمنا.. اني سمعت هيج روحي كامت تلوب.. متت خوف عليه.. نوب اسمع فلاح يكول لفيصل ن ...

رواء:كاااافي.. الله يخليك كافي.. فلاح اخذه لغرفته فدوه.. جرني فلاح عطت بي:وخررررر! الله لا يوفقكم ! ابوي:ياادبسز! ولك شنو انته! امشي اطلع برا! امشي! -ههه.. هههههه.. اللله هذا الي يطلع بيدك! خوش .. امي جرت ايد ابوي وكالت:ع كيفك ويا .. لا تطرده يروح الهم ! فلاح:دكافي شبيكم.. يابه روح لغرفتك اني اتفاهم ويا.. وانت اوس يله ولي لغرفتك.. ابوي دار وجهه وبقى يردد:طايح الحظ! سرسري! يصيح بوجهي.. طشت هوستهم. ...

من سمعت كالت ارجع بشرط.. عرفت الشرط قبل لا تحجي.. شلون راح ترهم ماادري.. امي:ذيج ماتصير جنتي.. عود من اموت اخذوهه لمامون .. -يمه! امي:خليني وروح.. اخطب وعرس.. المن جايني بعد! اموت هنا ابيت اخوي احسن الي.. ابوي:يجرالج.. بس قنعي وردي ويانه عاد! -يابه! ابوي:خلص مو اله تاخذ بت عمك.. امك اهم.. -شلون يابه! انت مو حجيت ويه عمي واتفقتو! خالي نط من يمه:بس بعد لا عاقد ولا شي! هو تلفون تشيله وبطلنا وفضت راح ...

💜❤️💜

بارت. 13 .....

بارت 13. شوكت انشره. بكيفكم 🤓

يتبع ...

مأمون .. شهر واحنا ندور ع عدي وماكو.. هيثم ماخله شي ماسواه..واهله مغلسين واحنا هم سكتنا من سالفه نكعد وياهم بديوان واحد.. اما امي.. اوف ياامي.. رجعت للبيت بالليل من المجمع.. لكيت ابويه منتظرني بالصاله.. شكله مبين حزين.. ابوي:تعال احجي وياك.. -خير يابه.. ابوي:امك مريضه.. هسه خابرني خالك.. يكول امك كلش تعبانه.. -لا! شبيها؟ ابوي:ماادري.. يكول الها يومين كطعت الاكل.. وبس تذب من راسها..وتشكي من صفاحه ...

مرت ايام.. ماكو جديد.. اخواني مايكعدون بالبيت بس بالليل.. كنت احس ضامين وراهم شي.. بس محد يبين.. كنت اغلب الوقت اخلصه يم ابويه.. اكعد يمه.. صح ميحاجيني وكله منرفز ويصيح بس من اكون قريبه منه ارتاح .. بس كان يكح هوايه.. وخوفني عليه.. وميقبل معند يروح طبيب.. مأمون بعد ماشفته من ذيج الليله.. ومانسيت ولا انسى ذيج الليله . كل مااصفن.. وكل مااخلي راسي ع مخده اذكرها..

اسيل.. وتأكدت من الي كنت افكر بي.. كالها..احبج.. وصارت صدك.. ايام مشايفته بس من بعيد لبعيد.. صح بداخلي اتمناه يمي ويكعد ويسولف ويايه مثل قبل.. بس صعبه .. منا احنا ظرف صعب.. ومنا احبه واستحي اتواجد يمه.. تعجبت من نفسي شلون هيج حبيته! وكنت حاسبته مثل اخواني.. بس الاهتمام والمواقف السواهه ويايه خلتني اشوفه غير عن مأمون الاعرفه ومالماخذه عنه فكرة اخ ... حتى الزواج الي ماكنت مقتنعه بي.. صرت اتمناه.. ل ...

طلعت برا.. فرحان وبنفس الوقت ما مرتاح..بالي مشغول.. بقيت ادخن برا .. اروح وارجع.. لحد ما مليت دخلت للاستقبال.. حاولت انام بس ماكدرت.. كوه لازم نفسي ماروح الها ..

مأمون .. ماطولت يم بيت عمي.. وماصارت فرصه طويله اشوف اسيل بيهه.. ع كد فتحة الباب وبس.. رجعت ع البيت.. ساعات واني بغرفتي.. نزلت وحاس اكو هدوء غريب بالبيت.. رحت لرواء لغرفتها.. -رواء امي وين؟ رواء:راحت يم بيت خالي.. -شنو؟ شوكت ومنو وداها؟! رواء:هي خابرت منير (ابن خالي) واجاهه.. اخذت نفس طويل.. وتالي ويه امي؟ رواء:يا عيني دعوف سالفه الخطبه وخل امي ترجع! والله وحشه عليها.. -استغفر الله! رواء شبيج يعن ...

اسيل.. تقريبا اني يومين مرتاحة من هيثم ومشاكله وياي.. ومرته هم سكته.. اجتها امها وذبن دهر مال سوالف.. وكل شغل البيت عليه.. اشتغل حتى اتكفى الشر منها ومن زوجهه.. صح مرتاحه من المشاكل بس لا بال صافي ولا كلب مرتاح.. من صفحة امي مشتاقه الها كلش.. كل مااذكرها روحي تتكطع عليها.. ومن جهة اذكر مأمون مااعرف شيصيرلي من اذكره.. اتمنا يمي بس من يكون يمي لو اسمع بي اجه اخاف.. فتحت الباب وشفته.. احس كلبي راد ...

-اي طبعا.. هيثم:تعال وياي هسه نتفق شلون نجيبه.. رحنا ع بيتهم.. كعدنا بالاستقبال ساعات.. كلش مشتاق اشوف اسيل.. طلعنا ع صفحة اني وهيثم واتفقت ويا اجيبله عدي.. وخططنا شلون ومنو راح يشتغل ويانه.. كنا نتمشى ونروح ونرجع من يم المطبخ.. عيني ع الباب بلكي تطلع واشوفهه.. لحد مافتحت الباب حيل.. صارت بوجهي.. صفنت بيهه.. كانت بالرغم من كل الحزن البيها مثل نسمة باردة.. تقضي ع كل فوضى بحياتي وبداخلي.. هي بقت جا ...

كنت ماواعي بس اذكر كنت اسمع نفسي اكول اسيل اسيل.. هواي رددت بأسمها واني يم ليلو وبين اديها.. مااذكر شي بعدهه.. كعدت راسي يريد ينفجر.. عيوني كوه افتحها.. والثقل مو طبيعي كوه اشيل راسي.. ليلو:صباح الحب.. -اخ.. ليلو:ها حب.. -راسي.. ليلو:اي عيني البارحة انت شربت هوايه.. تتهنى اسيل بيك.. وعيت عليها اكثر:شنو؟ منين تعرفين اسيل؟ ليلو:هههههه طول ما انت يمي تصيح اسمهه هههههه.. ذبيت نفس.. خفت من حابت اسمهه ...

💜❤️💜

بارت. 12 ......

كملت ورجعت لغرفتي.. افكر بأسيل واتبسم.. من قربت منها.. من بست اديها.. كأن هل لحظه انطبعت ابالي طبع.. نسيت كل اليوم السيء.. الاحداث الي بي والحجي وكعدات الزلم ووو.. كانت اسيل وحدها الي حاضره بهذا اليوم.. تأخرت الساعه واني لسه منايم.. اتصلت عليه وحده من صديقات تالي الليل.. مو حبيبه ولا شي.. بس هيج تقضيه وقت ومرات اروح الها اخلص شغلي يمها وانطيها كم فلس.. مارفضتها.. كنت بحاجتها.. جاوبتهه.. ها عي ...

مأمون ابويه حجه ويه عمي ع موضوع اسيل.. وهو ماصدك كال من باجر اخذوهه.. طبعا حجينا لعمي عن عدي.. لازم يعرف مو مال واحد يضم.. كعدنا كعده كبيره .. طبعا الشيخ كان ميحاجي عمي ولا ابويه بسبب كوثر.. واكثر من مره دز خبر يريد يطلعنا من العشيره.. بس اليوم من اجتمعنا وشاف هيثم وفيصل شلون صايرين نار وشرار .. كلهم اني وياكم.. دزو جماعه لاهل عدي.. ومنتظرين ردهم.. من رجعنا.. كنت ناسي ان اسيل وحدها ونسيت حنان وداه ...