قصص ۦۗۧحـۦٰٰٖـب عراقيه واقعيه تتحدث عن شخصيات موجده في واقعنا واحيانا تجد نفسك انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ في القصه م̷ـــِْن خلال تشابهه في المعانات والحياة

أبويه ضحك وكال//أكلك بويه أحميد شوكت تبطل غيرتك...وتريد ألوادم بس الك . كتله //بويه هذوله جهال أبنك محمد وهم أخوك وجهال بنتك هديل...اقرب الك من هذوله فروخ الهتليه. علاوي طفر عليه وجلب بشعري وكالي//ولج منهم الهتليه. كتله //انتم كلكم هتليه وشقاوجيه وعصابجيه هو صاح//باقر شوو ساكت ما تكوم نشمرها من السطح. أني فلتت روحي من أيد علاوي وختلت وصارت كعدتي وره أبويه هددت باقر وكتله //بس توصل يمي أكووول هااااا ترررى أكول ... هو أفتهم اني اهدده علمود سالفة نبأ ضحك وكال//لو يعدل فرعون ويطلع من تابوته تبقين مسودنه. هو بقى يمنه علمود نرجس كل ما يمر الوكت يجي يقيس ضغطها ويخليلها مغذي. هي خطيه كلش تتحرج...وحركتها صعبه عدها خياطات داخليه...نايمه بغرفة كميلة وهوسة اخواني ونسوانهم وجهالهم بالهول . من كومتها للحمام الجوة بغرفه كميله اني ونهله وفطم غيرت جواها ألفراش خطيه عدها دم زايد هي خطيه تبجي وتلوب متوجعه واني الشيطان تفل بحلكي... - من سالتها//اكلج العوبة شعجب ما جيبوج عمليه - كالتلي//من وره ضغطي بين ما جيكوا وضعي وحاولوا ينزلونه توازيت ولدت بس الدكتوره كصتني - كتلها//هي كصتج لو شمرت بيج رمانه حربيه وطشرتج يلا اجى ابو صماخ.. اني حجيت الحجايه وبلت على روحي من الضحك ونهله اخذها الواهس وبقت تضحك وانوب صار تصنيف وضحك بفلس رجعتها بمكانها وروحي مسحونه من الضحك وبس كتلها//عليج ألعباس بس أعاينج صدك كاصتج ألدكتوره لو فلشتج برمانه... ولج اتخيلها زهكت وصاحت شو ناوشوني رمانه... ومثل بالافلام سحبت البسمار بحلكها وشمرتها جوة وفلشتج يلا كدرت تسحب ابو صماخ. فطم ونهله كامن يفوجن بالكاع من ألضحك وهي هم تضحك بس متوجعه كلساع وكالت//عليج بروح أخوج بسج طلعت روحي ونهله دهربتلها سالفه فشار بكد الغرفه وهي ترفع واني اكبس وفطم عيونها كامت ادمع من ألضحك وهي نرجس أنتهت من ألضحك وكامت تهتز وكامت تصيح//خاله تعاي ألهن وعلي لعبن بيه فلك. هي صوجها صاحت على كميله...عودين رادتها تفزعلها شو كميلة طلعت اضبط من يمنه وكالت//سودة عليه سجيد يمه //عيب الباقي...................،،، يمه بولتنه من ألضحك شمرت سالفه بدون ما تضحك. وراها طشينه...ألبنات راحن لبيوتهن وأني رحت الغرفتي...وكميلة بقت يم نرجس وأبويه نام بالصاله هو وألولد. كعدت مثل كل يوم...ويه وذان ألفجر تفاجأت فطم نايمه بالهول هي وبتها مودة وبشه بنتي أبويه سمعته يتنحنح وطلع من الصاله صبح عليه اني جنت بالمطبخ افتر واجهز الريوك هم استغرب وكالي//عليش البت والبنيات نايمات هنا شمالها متلاغيه هي وراعيها. كتله//بويه والله ما أعرف علمي علمك فد شوي تبين سالفه . وصدك للصبح محد موجود... لا أبوية ولا محمد ولا الولد كلمن بشغله فطم لا تريكت ولا حت راحت لبيتها بقت يمنه وبس كاعده بالهول وتكلب بالتلفزيون اجتي نهله حجت وياها...اجي يمهن يسكتن أروح للمطبخ لو اروح اشوف نرجس يرجعن يبسبسن. كمت احوس...مت من التحرمص لازم أعرف شكو وشنهي سالفه... بس راحت نهله لبيتها...لحكتها نهله اختي وما تضم عليه الشعرايه كتلها//عليش تبسبسين انتي وفطم شكو. كالتلي//اسكتي سالفه ما تنطري ينهجم بيها بيوت هاي المسودنه تكول باقر مخلي عينه على نرجس ويتمناها...ودوم يسولف بيها وكلش مهتم بيها. لطمت على وجهي وكتلها//عزززة وجادر كون نصبوا بوجه وحده من عماتج الحيايه...ولج شوكت سولفتلج جاوبتني //يبووو من زمان... وهي من تسولفلي متأكد موش شاكه... وتكلي حت متأكدة رجلي يتمناها وامس من مشت البيتها متلاغيه هي وباقر وهو ساطرها براشدي ويكلها //ولج البنيه اختي ومرت اخوي...عادها بمكانه هديل وبتول مااشيل طرف عيني عليها بنضره حرام ... ولج انتي مسودنه راجعي طبيب نفسي ولا تزتين بلواج على ألوادم. يمه فد خفت من هذا الحجي... وعلي بس يطلع هذا الفلك ويطش بالبيت ويسمعه سجاد لو أبويه لو محمد يمكن يعدمون لو باقر لو فطم ... واني متأكدة من باقر أخوي نظيف وابد ما عنده هيج نيه وسخه على نرجس... وهي البنيه كلش متدينه وثكليه وحريصه على سترها ابد ما شفنه زله منها. صح بالبدايه من ابوها هداها لأبويه وسجاد ماقبل عليها وعون وحمودي هم ما رضوا بيها وهو باقر كال اني اتزوجها علمود يصير عنده ولد بس من صارت قسمه سجاد...باقر عادي لا ضاج ولا أبد...وهو صدك حاسبها أخته. بس ينقهر عليها لان مريضه وسجاد يكتلها. والله باقر مو لان اخويه وامدح بي بس هو طبعه ثكيل...ورزن...وخلوق وكلش ذكي وشاطر همه بالدنيا الدراسة وبس وشكد وياه بنات بالمستشفى مايوم سمعته جاب طاري وحده بيهن. مو عاد هسه استغفر الله يتمنه مرت أخوة ويشيل عينه عليها بالحرام . اني بقيت النهار كله مصدومه...وراسي صدع وفكره تأخذني وفكره تجيبني. وفوك قهري من هاي سالفه