قصص ۦۗۧحـۦٰٰٖـب عراقيه واقعيه تتحدث عن شخصيات موجده في واقعنا واحيانا تجد نفسك انَـَY̷̳̜̩̐̌̋O̷̳̜̩̐̌̋U̷̳̜̩̐̌̋ـَتَ في القصه م̷ـــِْن خلال تشابهه في المعانات والحياة

حجيت وياهه وتوسلتها.. وعرفت بقصتنا.. كانت رافضه تروح الها بحجة انها تخاف ومتكدر.. بالاخير قنعتها وانطيتها مبلغ مرتب الها.. ودزيت لاسيل بيدها.. بس وصيتها متجيب طاري انو اني دازهه.. لان مردت اخرب ع اسيل.. كلت عسى ولعل تكون مرتاحه بحياتهه.. عليش اجي اني ادمرها.. يكفي اني اسمع اخبارهه.. بيوم الراحت خالتها الها وصلتها ورجعت للمجمع ..بقيت ع نار.. هي وصتني من تطلع منها تخابرني اني اوصلها.. بقيت لازم التلفون.. الوقت مدايمشي.. واتصلت واخيرا.. رحتلها.. اول مصعدت ردت اعرف شلونها.. بقت تكلي ع كيفك بس انطيني مجال اتنفس.. حجتلي انها بخير ومرتاحه.. وكالت ممحتاجة شي وكلشي يمها ومتوفر.. صح فرحت الها.. بس غصه بداخلي عليها.. اريدها ترتاح وتعيش سعيدة.. بس كلبي مداينساهه.. اصريت ع خالتهه تحجيلي اكثر عنها.. ماكالت اله بس هي بخير .. ومرت ايام.. وانكطعت الاخبار.. وكنت متفق ويه خالتها همين تروح الها.. بس رفضت.. وردت عليه: عيب خاله عيب! عوف البنيه بحالهه! من حجت هيج صدك خجلت.. اني راكض ورا وهم.. راكض ورا متزوجة.. وعايشه حياتهه ومرتاحه.. ع شنو ادخل نفسي بيها.. بس .... اخ بس اخ.... بس بعدني احبها.. واموت بيها.. وممصدك شلون كدرت تعيش ويا وتنساني.. يمكن حبها ماكان صدك.. ويمكن هي صغيره ونستني بسرعه.. ويمكن الصوج مني اني.. عفتها وراحت للغريب بشربة مي.. واستمريت ع نفس الوضع.. البيت مااوصله ع كد اخذ ملابس اسبح واطلع.. اما كعده وسالفه لو نومه بالبيت ماكو نهائيا.. لحد ما اجيت سبحت وبدلت وردت اطلع.. عاط ابويه ورايه:وين رايح؟! -عندي شغل! ابوي:اكعد يم الكحاب بعد وفضها! عليمن جاي هل ساعه والساعتين مكلف نفسك! ضحكت.. درت وجهي علي:كله بسببكم.. واحصدو الي زرعتو! ابوي:شوف.. اذا طلعت هسه وحق الكريم تنسى المجمع.. وتنسى السياره.. وتنسى اهلك وروح دبر نفسك! -ههههههه! اي وبعد؟ ابوي:ولك انته شنو من بشر؟ دايح مسربت! اكعد هنا واسكت! امك راح تموت من وراك! -شبيها؟ دتمشي وتشتغل وشمحلاهه! لو بس تريدون حجة! اابوي:ولك كافي استحي! (كام يصفك)راحت اتزوجت !! وانته بعدك اسيل واسيل!(حجاهه بنبره تقليد صوت طفل) -عوف اسيل.. مو هم جبتها صوج! ابوي:خوش.. سوي البراسك.. واني اعلمك بعدين.. عفته وطلعت.. وايام هم نفس الحال .. يوميه احنا متعاركين ع هل سالفه.. لا تطلع ابقى ترا اسحب السياره ترا امنعك تدخل المجمع.. مهتميت.. لان اعرف بي ميكدر.. اصلا بدوني المجمع يخرب.. اوس ملتهي يوميه سفره وطلعه.. وفلاح يله ملحك ع دوامه... وصدك خطرتلي اعوف المجمع واشوف شيصير من بعدي.. وسويتها.. ايام بقيت بالبيت.. بس عنادا بأبويه.. كام يركض ميلحك.. وميكدر يحاجي اوس ع ابو صغير ومدلل ومطلع عينه.. لحد مااجه لغرفتي .. كال:كوم وياي.. مالحك ع شغل وحدي! صفنت بي:ليش؟ مو انت كلت بعد مااخليك تدخل! اتحمل وحدك.. وذولاك ولدك كلهم! شو بس تركض عليه.. كعد بصفي..:شوف.. اني كبرت.. وامك تريد مصرف وعلاج ويجوز حتى عمليه.. واختك هم وراهه زواج.. وانته هم ان شاء الله.. تريد نخسر كلشي سويته علمودكم؟ اوس اخوك تدري بي مابي خير لشي.. يفلش مايعمر! كوم انته المعدل بدونك راح نخسر.. -هسه يله عرفت يابه؟ ابوي:دكوم يله روح.. وبهل قريب ازوجك احسن مره.. واسويلك احلى عرس.. -هههه اي زعطوط اني وتضحك عليه.. شيلو فكرة الزواج من راسكم.. ابوي:هسه مانريد منك بس تروح تشتغل.. اطلع غير جو.. -اي رايح.. (همست )عساني لارجعت.. بدلت وطلعت للمجمع.. منين مالتفت اسيل كبال عيني.. اخ لو بس اكدر اشوفهه.. واسمع صوتهه.. ذيج الليله.. لمن نفطت نفسها.. ماانساهه.. وكل لحظة تنعاد كبالي.. بالليل مارجعت للبيت.. رحت يم وحدة من ليلو وجماعتهه.. كانت ذيج الليله انتقاميه من نفسي ومن حظي.. شربت لحد مابديت استفرغ.. وماذكر شي غير اني استفرغت هوايه .. ونمت ... ثاني يوم كعدت لحد ماصحصحت وارتاح راسي يله رجعت للبيت.. شفت امي كبالي اول مدخلت.. شهكت وكالت هله بأبو طول الحلو.. يبعد روحي.. اصبلك.. باوعت الها وسكتت.. خليت وطلعت كبل .. مدااكدر احجي وياهه ولا اتقبلها ابد.. رحت لغرفتي.. مددت شويه واسمع صوت عياط رواء ومرت فلاح مله البيت.. نزلت اركض.. شفت امي بنص الهول واكعه والكل ملتمين عليها.. اول مااجه ابالي .. شلون تلكتني من اجيت واني شسويت وياهه.. ركضت الها.. كانت فاقده.. لزمت ايدها.. يابسه وتعبانه حيل.. شلتها وكبل رحت لسياره.. فلاح كان مموجود.. رحنا اني واوس وابويه.. ورواء همين كتلت نفسها اله تجي.. دخلناهه الطوارئ.. كلش خفت عليها.. وخفت لا تروح وهي زعلانه مني.. ظليت برا.. جكاره ورا الثانيه.. اريد ابتعد اخاف لااحد يجيبلي خبر امي ماتت.. ظليت اراقب من بعيد.. اشوف الناس الي تدخل وتطلع.. هذا الي مكسر وهذا الفاقد وعيه وهذا الي صاحي مبي شي... اجت رواء تركض.. باوعت ع ملامحهه فرحانه..