1
ﻓﻲ ﺷﺎﻳﺐ ﻋﻨﺪﻩ ﻋﺰﻭﺯﻩ ﺗﺎﻋﺒﻪ جا ﻗﻌﻤﺰ ﻋﻨﺪ ﺭﺍﺳﻬﺎ
ربي يدوم الصحة و العافيه للكل يارب
ﻗﺎﻟﻠﻬﺎ
ﻏﻴﺮ قولي ايش ﻳﻮﺟﻊ ﻓﻴﻚ ﻳﺎﻏﺎﻟﻴﺘﻲ .. ﻗﻠﺒﻲ ﻓﺪﺍﻙ ﻭﺻﺤﺘﻲ ﻭﻋﺎفيتي
ﺭﺩﺕ ﻋﻠﻴﻪ ﺍﻟﺤﺎﺟﻪ ﻗﺎﻟﺘﻠﻪ
: ﻣﺎﻋﺎﺩ ﻓﻴــــﺎ ﺣﻴــــــــﻞ ﻳﺎﻏﺎﻟﻴﺎ ..
ﻇﻬﺮﻱ ﻭﺭﺍﺳﻲ ﻭﻛﺒﺪﺗﻲ ﻭﺭﺟﻠﻴﺎ ..
....... ﻛبيدﺗﻲ ﻭﻋﻴﻮﻧﻲ ..
ﻭﺍﺻﺤﻚ ﻋﻠﻴﺎ ﺗﺨﺎﻑ ﻳﺎﻣﺠﻨﻮﻧﻲ ..
...ﻭﻧﺂ ﻋﺎﺭﻓﺗﻪ ﺭﺍﺡ ﺍﺻﻔﺮ ﻟﻮﻧﻲ .
. ﺭﺍﻧﻲ ﻣﺮﻳﻀﻪ ﻭﻓﺎﺷﻼﺕ ﺍﻳﺪﻳﺎ ..
ﻭﻣﻦ ﻛﺜﺮ ﻣﺮﺿﻲ ﺫﺍﺑﻼﺕ ﺟﻔﻮﻧﻲ ..
........ ﻭﻧﺤﺲ ﻓﻲ ﺍﻟﺪﻧﻴﺎ ﺍﺿﻴﺎﻗﺖ ﺑﻴﺎ .
. ﻧﺒﻴﻚ ﺗﺼﺒﺮ ﻓﻲ ﺍﻟﺤﻴﺎﺓ ﻣﻦ ﺩﻭﻧﻲ ..
.......ﻭﺍﻧﻜﺎﻥ ﻣﺘﺖ ﺍﻧﺮﻳﺪك ﺗﺪﻋﻲ ﻟﻴﺎ ..
ﻭﺭﺍﻧﻲ ﺍﻧﺤﺒﻚ ﻣﻮﺕ ﻳﺎﻣﺮﻫﻮﻧﻲ
.. ﻭﻧﺎ ﻧﻌﺸﻘﻚ ﻻﺧﺮ ﺍﻧﺒﻴﻀﻪ ﻓﻴﺎ
ﺍﻟﺸﺎﻳﺐ ﻗﺎﻟﻠﻬﺎ :
ﻓﺪﺍﻙ ﺍﻧﻈﺎﺭﻱ .
. ﻳﺎ ﻣﻠﻜﺘﻲ ﻳﺸﻔﻴﻚ ﺭﺑﻲ ﺍﻟﺒﺎﺭﻱ ..
ﻭﺍﻳﺪﻭﻡ ﺿﻴﻚ ﻳﺎﻗﻤﺮ ﻓﻲ ﺍﺩﻳﺎﺭﻱ ..
ﻳﺎ ﺍﻡ ﺍﻟﻌﻴﻮﻥ ﺍﻣﻬﻠﻌﻪ ﻋﺴﻠﻴﻪ ..
ﺭﺍﻧﻚ ﺷﻐﻠﺘﻲ ﻳﺎﻏﻼﻱ ﺍﻓﻜﺎﺭﻱ ..
ﻋﻠﻲ ﺍﻟﻠﻪ ﺗﺒﻘﻲ ﻃﻮﻝ ﻋﻤﺮﻱ ﺣﻴﻪ ..
ﺭﺍﻧﻲ ﺑﻼﻙ ﺍﻧﻤﻮﺕ ﺗﻜﺒﺮ ﻧﺎﺭﻱ ..
ﻏﻴﺮﻙ ﺍﻣﻌﺎﻫﺪ ﻣﺎﻧﺤﺐ ﻭﻟﻴﻪ .
. ﺷﺪﻱ ﻋﺰﻭﻣﻚ ﻣﺎﺗﺰﻳﺪﻱ ﺍﻗﻬﺎﺭﻱ .
. ﻭﺧﻠﻴﻚ ﻳﺎﺿﻲ ﺍﻟﻌﻴﻮﻥ ﻗﻮﻳﻪ ..
ﻳﺎﻟﻠﻲ ﻣﻊ ﻏﻴﺎﺑﻚ ﺍﺗﻐﻴﺐ ﺍﻧﻮﺍﺭﻱ ..
ﻭﻣﺎﻋﻤﺮﻫﺎ ﻣﻨﻚ ﻟﻔﺘﻠﻲ ﺳﻴﻪ ..
ﺷﺪﻳﻪ ﺣﻴﻠﻚ ﻳﺎ ﺩﻻﻝ ﺻﻐﺎﺭﻱ ..
ﺷﺪﻱ ﻋﺰﻭﻣﻚ ﻭﺍﻧﻬﻀﻲ ﻳﺎ ﺍﺭﻗﻴﻪ
ﺍﻟﺤﺎﺟﻪ ﺍﺭﻗﻴﻪ ﺭﺩﺕ ﻗﺎﻟﺘﻠﻪ :
ﺧﻠﻴﻚ ﻗﺮﺑﻲ ﺩﻭﻡ ﻳﺎﻓﺰﺍﻋﻲ ..
ﺍﻧﺖ ﺍﻟﻠﻲ ﻧﻨﺴﻰ ﻣﻌﺎﻙ ﺍﻭﺟﺎﻋﻲ
.. ﻧﻨﺴﻰ ﻫﻤﻮﻣﻲ .. ﺧﻠﻚ ﺍﻗﺮﻳﺐ ﻳﺎﻋﺒﻴﺮ ﻧﺴﻮﻭﻣﻲ .. ﺍﻧﺖ ﺍﻟﻘﻤﺮ ﻭﺍﺧﺮﻯ ﺻﻐﺎﺭﻱ ﻧﺠﻮﻣﻲ .
. ﻳﺎﻟﻠﻲ ﻋﻠﻴﺎ ﻃﻮﻝ ﻟﻴﻠﻲ ﻭﺍﻋﻲ .
. ﻭﻳﺎﻟﻠﻲ ﺍﻣﺼﺒﻲ ﻓﻲ ﻭﺟﻮﻩ ﺧﺼﻮﻣﻲ .. ﺧﻠﻲ ﺍﺻﺒﺎﻋﻚ ﻳﺸﺒﻜﻦ ﻓﻲ ﺍﺻﺒﺎﻋﻲ .. ﻫﻴﺎ ﺗﻌﺎﻝ ﺍﻗﺮﺏ ﻭﺟﻠﻲ ﻏﻴﻮﻭﻣﻲ .. ﻭﻣﺎﺗﺨﺎﻑ ﺭﺍﻫﻮ ﺍﻟﺨﻮﻑ ﻣﺎﻟﻪ ﺩﺍﻋﻲ
ﺍﻟﺸﺎﻳﺐ ﺭﺩ ﻋﻠﻴﻬﺎ ﻗﺎﻟﻠﻬﺎ :
ﺟﻴﺘﻚ ﺟﻴﺘﻚ .. ﻳﺎﻟﻠﻲ ﺑﻘﻠﺒﻲ ﻭﻧﻴﺘﻲ ﺣﺒﻴﺘﻚ .. ﺷﺪﻱ ﻋﺰﻭﻣﻚ ﻫﻲ ﺟﻴﺘﻚ ﺟﻴﺘﻚ ..
ﺟﻴﺖ ﺑﺤﻨﻲ .. ﻳﺎﺣﺐ ﻋﻤﺮﻱ ﻳﺎ ﺍﻗطيعه ﻣﻨﻲ .. ﻧﺎ ﺻﺮﺕ ﻓﻲ ﺟﻨﺒﻚ ﺧﻼﺹ ﺗﻬﻨﻲ .. ﻳﺎﻟﻠﻲ ﺍﻗﻠﻴﺒﻲ ﻣﻦ ﺯﻣﺎﻥ ﻋﻄﻴﺘﻚ ..
ﻣﺪﻳﺘﻠﻚ ﺍﻳﺪﻱ ﻋﻠﻴﻬﺎ ﻧﻨﻲ .. ﻳﺎﻟﻠﻲ في عمرﻱ ﻣﺎفي يوﻡ عصيتك .. ﻭﺑﺎﻟﻠﻪ ﻳﺎﻋﻤﺮﻱ ﺇﻟﺠﺎﻱ ﺍﺩﻧﻲ .. انقوﻟﻚ ﺭﺍﻧﻲ ﻏﻼﻱ ﻭﻓﻴﺘﻚ .. ﻭﺍﻧﻤﻮﺕ ﻗﺒﻠﻚ ﺧﺎﻃﺮﻱ ﻣﺘﻤﻨﻲ .. ﻳﺎﻟﻠﻲ ﻟﺤﺪ ﺍﻟﻤﻮﺕ ﻧﺎ ﻏﺎﻟﻴﺘﻚ .
عجبتني 🤍💕🤍