1
السلام عليكم معكم بنت فلسطين وبنت الوطن العربي أجمع .☺️❤️
حابه أعبرلكم عن نفسي بكل صراحه وصدق بس مو ب 5 كلمات زي ما تفضلت الأخت جوري يعني حابه أخذ راحتي من بعد إذنكم تمام ... إحم 🎤 معكم البنت العصبيه النكديه وبنفس الوقت لطيفه حبابه وحنونه وقلبها يوسع بلاوي زرقا .☺️ قلبي طيب كثيررر بس مو لدرجة الهبل والغباء لا ده كان زماااااان بس هسه وبالوقت الحاضر إذا حسيت إنو حدا بدو يستغل طيبة قلبي بمحيه من على وجه الأرض حرفياً بمحيه .☺️بحب حالي كثير بثق بنفسي لدرجة كبيرة مابحب حدا يقنعني بشي بحب أنا لحالي يلي بقتنع إذا شفت هالشي مناسب .☺️بحب الخير لناس بفرح لفرحهم وبزعل لزعلهم . ☺️ صريحه وصراحتي تسبب زعل كلامي بعض الأحيان دفش شوي بس بدون قصد والله 🤭 يعني هيك بيطلع معاي عفوي وبدون ترتيب . ☺️ إذا حبيت بحب من كل قلبي وإذا كرهت برضوا بكره من قلبي . ☺️ بحب الدغري وإذا وعدت حدا بشي مابرتاح إلا إذا نفذت . ☺️ رغم الظروف الصعبه عطول بتضل متفائله إنو بكره حيكون أحلا بإذن الله . ☺️بحول الأحزان إلا أفراح وبسعد نفسي بنفسي بستناش حد يسعدني . ☺️بعشق الإيجابيه وبحب أكون هيك . ☺️ بحب تكون شخصيتي قويه مو ضعيفه قويه على حالي مو على الناس طبعاً يعني بسند نفسي بنفسي وبعتمد على حالي وهيك . ☺️ممتلكاتي الخاصه خط أحمر عندي بحبش حد يقربلها .☺️
ولهون بكفي لأني طولت عليكم ... وشكراً ...