Go to channel

بؤیوک تورکلر

131
" آشیق عابباس توفارقانلی " قدم قویوب یار باغینا گلنده، ائله گل، ائله گئت، یول اینجیمه سین. شکر لبلریندن منه بوسه وئر، دوداق ترپنمه سین، دیل اینجیمه سین. بولبون فغان ائیلر گول هوسیننن، قوشا نار آسیلیب یار سینه سیندن. ائله گل، ائله گئت، باغ بره سیندن، بولبول لر هورکوشوب، گول اینجیمه سین. گؤیلرده اوینایار شمس ایله قمر، سئوگی سئوگیسینین لبیندن أمر. بئلینه قورشانیب مینادان کمر، ائله قورشاغیینان بئل اینجیمه سین. عابباس دئییر، آغلییانلار گولنده، نازلی دیلبر سوروب حالیم بیلنده، مرحمت ائیله ییب بیزه گلنده، ائله گل، ائله گئت، یول اینجیمه سین.