1
مرحبا حبايب صباحكم خير ان شاء الله
•قبل لا احجي واقدم #النصيحه احترامي للي راح يقرأ ويتابع الكلام للنهايه جدا ممنون منه واعرف كل الزين بأن القناه بيها الي بكدي والي اكبر والي اصغر فكلكم احترامكم وارائكم محفوظه .
الي اكبر مني راح يكون سامع ومطلع ع هل شي والي بكدي مار بهلشي والي اصغر اكيد راح يمر بهل شي .فجميعكم اخوتي اتقبل مني الكلام واسمع مني النصيحه اكو بيها ناس تتمنى تسمع نصيحه لان عزت نفسهم ماتسمح الهم يطلبوها يحبون يسمعوها فا اقدر هلشي والنصيحه عمرها ماجانت بفلوس بس عجيب ع بشر يقدمها وغايه امر اخر 😏احمد ربك وشكره انو الك من يدعمك ويرشدك ويصير الك سند غيرك مالاكي الي يكله هذا صح وهذا خطأ باتت النصيحه والتوجيه سلعه يتلاعب بيها البشر
المهم ......................؟!
#النصيحه عنوانها (الندامه)
على شنو تحجي تعال وياي افهمك ع شنو تحجي واحكم .. لكل يعرف عايشين بمجتمع القوي ياكل الضعيف وان البشر غير قنوع وغير قابل للتغيير ومستحيل يتقبل فكره غيره ع روحه وسببها يعود الى 3 شغلات اساسيه الي هيه ......
1-الا مبالاه 2-التجاهل 3-التكبر
هل نقاط اساسيه لازم تنتبه عليهم وتتغلب
عليهم راح تكلي ليش اوك طيب اجي وياك (الشخصيه الاولى) تعرف انو الا مبالاه هاي يجيك يوم يمر انسان عليك الله يعوضك بي بس سبب الامبالاه زائد تجمعها (الشخصيه الثانيه) التجاهل تعرف انو هل شخصيتين الي ندمجت بعنوان واحد راح تخسرك شغلات من المستحيل تمر بحياتك ولا راح تتكرر طيب نكمل ..... (الشخصيه الثالثه) هي التكبر . التكبر هذا اسلوب يخلي الانسان ينسى قيمته ومبادىء واصله ومن اين كان والى اين راح يستقر وسببها نقص بالشخصيه وفرض ارائه ع غيره ويشوف الناس كلهم غلط وهو الصح بس لا الخلط انت الي ماعرفت انو التكبر نقص شخصيه وليس جسديه فرب العباد خلقكم بااحسن حال وهل شي يكفي ونكول الحمد لله والشكر ع هذا النعمه . المهم والاهل نحجيها طك بطك حافظ ع انسان يهدر راحه وكل شي بسبيل يشوفك بخير ويكول انو سلامتك عنواني الاساسي ورغم كل هذا وعمره ماطلب منك شي ولا غايه حاول تحافظ عليه وقدر قيمه حبه الك ترى وداعتكم عايشين ويا ذيابه بوجه بشر ومتعرف شوكت هل ذيب يفترسك وتكون ضحيه تحت رحمته . فـ ربك من خلق البشر انطاه شي اسمه عقل مو حتى نفكر بي ع رغباتنه وغيرها لا الله نطاك هل شي حتى انت تكون شخصيتك بعقلك بعدها يترجمها هل عقل لجسدك حتى تكون من فكره الى حركه تطبق فا تبرز شخصيتك متكونه من عقلك وماكو شي مستحيل اكو شي اسمه اراده واذا ماتواجدت مراح تكدر تكون هل شخصيه المهم هواي بعدت ع الموضوع خلاصه النصيحه ....اتمسك بالناس الي تهتم الك وتابعك وتنصحك وتخاف عليك ولا تخلي افكارك او افكار غيرك تغيرك عقلك براسك وتعرف خلاصك تكدر تميز منو الك منو عليك ومنو رايدك حاجه ومنو رايدك افعال وبيدك تكدر الي تخلي الاف الناس تحبك وتودك وبيدك تخلي الناس تكرهك وتاذيك والله والله والله قسم برب العباد الدنيا ترى تاخذ ماتنطي وتعلم ماتتعلم بس والله متعلمك اله تاذيك صير اسبع منها واشطر واعرف الي يحتويك والي يقدرك ويصونك لان ايضا البشر مثل الفرصه بيهم يتعوض اذا جان رخيص وبيهم ميتعوض لو راح تبيع كل الدنيا مراح تكدر تشتري او ترجعه لان كل شي يروح يعتبر ماضي والماضي كلميت تنقري عليه الفاتحه هذا من وجهه نظر الي جان الك كل شي وانت ضيعته بس من وجهه نظرك لا راح تكول يتعوض بس غلطان الراح ميرجع فل نفرض رجع بس مراح تلكه كل خوفه ومحبته وغيرها الي جان يهديها الك بوكتها اعلم انطاها للي قدرها بس المشكله مو هنا المشكله انت او انتي كلي شلون راح تحصل هل شي ع كل حال طال الكلام ....الكلمات مجانا والتطبيق قناعه منك او منج استفاد من الي يكتب ....ع فكرت هواي يسئلون عن قصتي ونشري وسبب غموضي وغيرها هل شي احتفظ بي بداخلي ومن الصعب يفسر بكلمات بس الي عشته والي مريت بي خله كلبي وعمري شي وشكلي شي الي يشوف يكول مرتاح ويا محلاك بعيد عن نشرك هههههه اوك طيب تعال شوف كلبي اتحداك اذا مابجيت ورب الكعبه الدنيا حملتني ثكل بعدني صغير علي واخذت مني ناس كسرتني بيهم مثل الام من يموت ابنها وتنكسر بس ورب الكعبه لو اني لو الدنيا واني انسان رغم كسرتي بس احب اتحده الدنيا واصر ع طموحي تعرف ليش لان اكو شي اسمه رب كريم . اسئل ربي يرزقكم الصحه والعافيه لان ماكو اجمل منها اما البقيه تتعوض بس الصحه والعافيه اذا راحن عيشت البشر تصر بالذله ربي ميشوفكم هل شي ويحقق احلامكم
•تصبحون ع خير واسف ع النشر ليلاً •
لان بيكم جهازه من يوصل اشعار من القناه يارب منكون سبب ازعاج رغم هل قناه خاصه بينه وشوكت ماننشر بس احترام الاوقات اهم
تحياتي رضا
#رضا @f900