يكولون بايام كبل شيخ عشيره مات وقررت العشيره تنصيب شيخ عشيره جديد لانو ابن الشيخ بعده صغير علئ المشيخه
فالعشيره اتفقت علئ 5 من ارجاله علئ تولي المشيخه وبعده خلافات علئ تولي المشيخه راحوا للقاضي وياهم الولد الصغير ومن وصلوا لبيت القاضي بقوا ابن الشيخ المات يم الغنم وبعد ماسمع القاضي مطلبهم صب لكل واحد بيهم فنجان الكهوه ☕☕ وكاللهم اريد من كل واحد يرجع الفنجان فارغ بشرط لايشرب الكهوه ☕ ولايكلبها فالجماعه احتاروا وبقه واحد يباع ع ثاني 🤔🤔فالقاضي ساللهم وين ابن الشيخ جاوبوا يم الغنم كاللهم جيبولياهه واجه ابن الشيخ وكاله القاضي هاك فنجان الكهوه ☕☕ اريد الفنجان فارغ بشرط لاتشرب الكهوه ☕ ولاتكلبها
فالولد هز راسه وضحك وشال طرف الشماغ وخلاه بالفنجان لحد ماشرب الكهوه ☕☕
وهنا التفت ع القاضي وكلهه فنجانك فارغ وكهوتك ع راسي فالقاضي رد عليه شنو المكسب وراس المال والخساره كله المكسب انو تكون احسن من ابوك
وراس المال تكون مثل ابوك والخساره ان تكون اردء منا فالقاضي ساله شنو اول امس وامس واليوم الولد كله اول امس جدي
وامس ابويه واليوم اني فالقاضي التفت علئ الحاضرين وكللهم كوموا اخذوا شيخكم وروحوا محد يستاهلها غيره #رباط سالفتنه العمر ميحدد مصييرك والمشيخه يرادلها عقل وتفكير ومنطق
وبسلامتكم ❤️
#رضا ||
@f900