بارت نمبر 6: والاخير
شويه تسريع للأحداث💫🔁
احنا بينه تواصل بس مو دائم يعني مرات نستمر سبوع نحجي ومرات لا والله
سبوع أكثر ماحاجين.
مرت الأيام وراحت واجا يوم وكنا نحجي اني وياه
كالي اسوو اني احبج كتلة اعشقك اني كالي وعمري ماضميت
شي عنج كتلة شكوو كالي أريد احجيلج موضوع بس لاتضوجين
ولا تزعلين مني كتلة ماازعل من روحي اني.
كالي اسوو تعرفين أهلي ليش ماموافقين نرتبط اني وياج؟؟
كتلة لا والله ليش؟
كالي تذكرين من غبتي عني 4اشهر كتلة أي
كالي أهلي خطبولي💍بنت عمي👰 ..
طبعا اني نصدمت 😲 كالي اسكتي وخل أكمل
كتلة اوك كمل .
كالي كملنا الخطوبة وقرينا الفاتحه وكلشي كمل بس زواج كتلهم لمن أكمل دراستي
كتلة أي .
فكالي من رجعتي انت وانا جنت ماايس منج وكلت راحت نستني
ورجعتي الي كمت فصخت الخطوبة من بنت عمي وكتلهم البنية ماتناسبني وإني مامرتاح وياها .
وخلصت ورجعو مره ثانيه للحوو عليه وحلفوني فحجيت الهم وكتلهم أحب بنيه ومااتزوج غيرها.
كتلة أي...
كالي فكاللولي تحلم تزوجها وعمرك مراح تشوفها ..
طبعا اني مصدومه😲بالحجي ماللته .شلون يعني احنا واحد يحب واحد وحتى مللتفقي9ن على أسماء جهالنا وملتفقين على كلشي اني وياه . شلون يعني
يعوفني ؟وبعدين كتلة الله كريم الي كاتبه الله يصير والحمدلله على كل حال😩
بس وحق أبو الفضل العباس أحبه حب مستحيل أحد يحبه مثلي وحسب توقعي انو
حتى والدته ماتحبه بكدي .
حبايب كلبي اني كتبت القصه بغض النضر عن التفاصيل .
بس الغرض الأساس الي أريده من الكل ولأن دعاء الغريب مستجاب أريدكم تذكروني
بالدعاء بلكي الله يجمعنا سوه❤