قناه حواء 👗 ✪ محرم حسينيات البنات وصفات خيره ازياء مكياج طبخ خياطه مجربات معلومات علاجات ادعيه ابراج قصص صالون صحه ملابس شعر دردشه رمزيات محجبات اقتباسات تحفيز صور حب جمالك مجله تاروت المرأه زواج كل

بارت نمبر1 . السلام عليكم بالبداية  اعرف عن نفسي: اسمي شوق من محافظه ذي قار بأحد اقضيه الناصرية عمري 17 سنه طالبه صف خامس علمي فرع احيائي😇 حبيت انشر قصتي اليوم واشاركها وياكم وحتى مااطيل عليكم ابلش احجي تبدي قصتي سنه 2015 جنت طالبه سادس ابتدائي ونجحت للأول متوسط وتميزعلى شعبتي والحمدلله. وبمناسبة نجاحي هداني خالي تاب أو آيباد 📱وجنت فرحانة بيه كلش كنت صغيره وماكان بيه شي بس يوتيوب واللعاب وجان بيتنا مابيه نت فمااخذه لبيتنا دائما يبقى يم خوالي وكلما اجيهم افتحه. أخذت فتره قليله ماذكر بالضبط شكد بس صارت عندي نيه أخذه لبيتنا. وهناك صديقاتي وشي تعرفون فيكه البنات بس على مود اضغط صديقاتي. فجبته واجن يمي البنات وسوالف وشي اقنعني انو اكو برنامج تعارف ودردشات اسمهcoco(كوكو) وان كلما ترج الجهاز يجونك اضافات وأصدقاء جدد. رسمن ببالي الفكره وكلت من اروح لبيت خالي وعدهم نت أنزله واشوفه. تسريع الأحداث رحت لبيت خالي ونزلته وجانت بيه هواي دردشات وكروبات ومن كل العراق والعالم فتحت بيه صفحه وكملتها وجنت ارج أو ميزة بيه اسمها هزة ماكو اضافات اول بدايه ثاني يوم صارت بيه طلبات الي وضمنها طلب  من كروب وافقت عليه وجنت خايفة بالبداية ماانطي اسمي ولا عمري ولا محافظتي جنت اسمي روحي( اسينات) المهم دخلت وتعرفت وجنت احجي بروح رياضيه واحشش وأحاول اضحك الأعضاء.ومن بين هذه الأعضاء ولد ويانه جنه نحجي ونحشش ونشاقه بالبداية حجي عادي بعدين صرنا أصدقاء 🙈👫. أخذنا فتره بالكروب وبعدين اجه حجينه خاص وتعرفنا    .على بعض أكثر ........يتبع😋