قناه حواء 👗 ✪ محرم حسينيات البنات وصفات خيره ازياء مكياج طبخ خياطه مجربات معلومات علاجات ادعيه ابراج قصص صالون صحه ملابس شعر دردشه رمزيات محجبات اقتباسات تحفيز صور حب جمالك مجله تاروت المرأه زواج كل

بارت 13 ليليان اخذت البطاقه مال فندق من حسين وطلعت من الفندق شفت اكو محلات مال فاشن كدام الفندق طبيت الهم وظليت تقريبا ساعتين افتر بالمحلات 😬 وماحاسيت بالوقت ابد خلصت من المحلات ظليت امشي هواي رحت ل برج ايفل لئن جان قريب على الفندق   وظليت اخذ بي صور هواي وظليت افتر بشوارع باريس عبالك اندل😂 الائن انتبهت على الساعه 😮 ليليان:عزه صار الساعه ٥العصر واني لسه افتر واني طلعت من الفندق الساعه ١٢الظهر😮😮 اوف ياربي هسه شون عزه انوب حتى الطريق ماندله ظليت نص ساعه افتر اريد اعرف طريق الفندق بس ماكدرت تالي ظليت كاعده على الرصيف ابجي😭 امير:المعذره سيدتي هل بكِ شيء ليليان:معليك انته😭😭😭 امير:شنوو عراقيه ليليان:لابربك يعني اذا احجي عراقي يعني اجنبيه مثلا امير:اها اوك مو صوجج صوج الي جاي يساعدج😒 ليليان:ياا انت عراقي تعالل حباب امير:شرايده😒 ليليان:حباب ضيعت الفندق مالتي وماندله هسه تكدر تساعدني امير:والله لو واحد ببدالي على هذا الاسلوب ماساعدج بس لئن انتي بنت بلدي ليليان:اوكي شكرا هاك هاي بطاقه الفندق امير:.... ليليان:ها شبيك صفنت اذا متندل عادي اسئل غيرك امير :لااندله بس انتي شجابج لهنا هذا الفندق هواي بعيد ليليان:ممم اي مو ظليت افتر وماحسيت روحي الاهنا امير:يلا اوك مصار شي تعاي خلي نصعد تكسي يودينه ________________________________________ ليليان وداني هذا الولد الي لسه ماعرف اسمه وصلنا للفندق كلي يالله انزلج واني اصلا بيتي هنا يعني ننزل سوه نزلنا من التكسي واني رحت دخلت للفندق جنت كولش جوعانه كلت خلي اكل وبعدين اصعد انام كعدت اكلت وطلبت كول المنيو😂 عبالك مشايفه اكل حتى العمال ظلو صافنين عليه👌🏻😂 خلصت اكل دفعت الحساب وصعدت للغرفه ذكيت ماهوه حسين ظليت ادور عليه بكل مكان ماذكيته كلت يجوز صار عنده شي وطلع رحت بسرعه نمت كعدت ورا كم ساعه على صوت صياح حسين :خره بيج صار 7 ساعات ادور عليج مثل الي مخبل تالي انتي هنا منخمده ليليان😮😮يمه هاي ليش هيج صاير اسود حسين:سكتي عنننني فوكاها صايره تستهبلين غير من ورا خلقتج حتى جسمي احترك من الشمس😡 ليليان:زين اوكي اهدى حسين :ولج شهدى بعدين شوكت اجيتي ليليان:كبل ساعتين حسين:شنووو ليش باله وين جنتي ليليان:جنت افتر وماحسيت على الوقت وحجيتله الي صار وياي حسين:اوفففف بعد مستحيل تطلعين اذا مو وياي ليليان:اوكي ولو اني اندليتها هسه حسين:لاوالله اندليتيها بيوم اني سنه كامله يالله كدرت اندلها😒 ليليان:هسه يلا عوف الموضوع تعالي خلي احطيلك دهن مال حروق حطيتله دهن مال حروق على وجها وظهره بس خطيه شكله يقهر جسمه كوله يوجعه _______________________________________ حسين طلعت ليليان واني من التعب بسرعه نمت ورا ساعتين فزيت  من القلق كلت اني شون خليتها تروح وحدها ظليت اعاتب روحي بدلت بسرعه ونزلت ظليت ادور عليها بالفندق ماكو صرت مثل المخبل بس اريد اذكاها ماكو مكان مادورت عليها بي ظليت افتر بالمحلات الي كبال الفندق كلت يجوز هنا بس هم ماذكيته مرت كم ساعه واني افتر بالشمس وجان فصل صيف اخر شي كعدت على الرصيف وحطيت ايدي على وجهي والدمعه بعيني كلت كل من وراي اني صوجي ظليت ادعي ميصير بيها شي اذا صار بيها شي مراح اسامح نفسي طول عمري لئن سامع اكو مافيات ب فرنسا وعدهم هواي خطف ظليت ميه فكره تجي ببالي عنها مرت كم ساعه واني لسه ادور اخر شي كلت خلي ارجع  للفندق يجوز اذكاها راجعه دخلت للغرفه واذكاها نايمه حسيت بفرحه متنوصف شون طفل اول يوم اله بالمدرسه وشاف امه  اجت عليه بس بعدين انفجرت بو جها ظليت اصيح عليها خطيه هيه فزت بسرعه بعدين سولفتلي شصار وياها ماحجيت شي وياها لئن كوله بسببي