54
نامي على كتف الهنا ولا تقومين
يا قطرة من ماطر الغيم هلّت
كلمة احبك خربوها المحبين
اللي على إحساس الخلايق تسلت
واخاف لامن قلتها لك تحسين
إني اراوغ في الغلا واتفلت
لا والذي منعم على قلبي الدين
وعداد حجاج على البيت صلّت
وعداد نبضاتي وما ترمش العين
إني احبك والمحبة تولت
عرش الحنايا مثل ما انتي تشوفين
واستوطنت في داخلي واسفهلت
حتى قلادة شعري اللي من سنين
يوم لبستيها بعنقك تحلت..