Go to channel

حسن مجيد الحديدي

266
سالة واحد مقصر ذنوبه بكلبك اتكسر هو اليذنب..وانت تنحب عذراً..عذراً ..... بسمك واسم الحسين وغريبه ردت يكتب الك روحي كئيبه يوكع من ادي القلم عجيبه والورقه بجت من المصيبه . كالت كلبه البايد وانت ذنوبك تزايد . الفرح يصعب..وانت تنحب . عذراً ..... انه المذنب والمجوي كلبك كلشي كلبي يعرف الا دربك كلمه وحده ويسامحني ربك من اصرخ اله يالمهدي احبك . رغم جارح اصوابك بس فاتحلي كل بابك . تريد اندب..وانت تنحب . عذراً ....... انه الدنيا جرتني عله شهواي اجرحك وانه ادري بعازه وياي بس بيك الفرق بينك ودنياي هالدنيا العطش وبشوفتك ماي . عذراً تندب ابعذراً ذنبي بكلبك ويسحن . الكلب شيب..وانت تنحب . عذراً ........ كلبي كالكحل سوده اعله سوده من ضلم العمل ما عد وجوده خادم تربتك يا بسله عوده خلي بو الفضل يسكيه جوده . يالمنطي النعم بيضه وانه روحي المريضه . الذنب والحب..وانت تنحب . عذراً ........ يالمنطيني كلشي شنهو منطيك بس ذنبي الاسوي ذابه اعليك منطي بس حزن كل ليله ابجيك متخوصر وسف من ذبي هالبيك . دمعتي من الي نشالت وفدوه من الك طاحت . الفرح قرب..وانت تنحب . عذراً ........ خادم جدمك ورايدلي نضره تصلح كلشي بيه الاني اكسره روحي لوجهك وعينك تنطره وعيني لشوفة عيونك كجمره . اسف عالدمع صبحك خليني بوجع جرحك . يبونه الحب..وانت تنحب . عذراً ............ حسن مجيد الحديدي