1
لما بتبعد عن حد كنت بتحبه
فجأة بتلاقي مكانه في حياتك فاضي ؛ وشريط الذكريات بيمر قدامك طول الوقت زي فيلم كل ما يخلص يتعاد من الأول ؛ مش عارف هتعيش الأيام الجاية من غيره إزاي ؛ مش عارف حزنك ده هيقل ؛ ولا هيفضل كده وتكمل حياتك بيه ؛ وأسئلة مبتخلصش ؛ يا ترى كنت أستاهل منه كل الوجع والظلم ده ؟ ياترى كان ممكن نقضي مع بعض وقت أكتر؟ يا ترى قصرت معاه؟ ليه محبنيش زى ما حبيته
ده غير الندم على كل مرة دوست فيها ع كرامتك علشان مكنتش قادر تبعد عنه ؛ وكل الكلام الحلو اللي كان نفسك تسمعه ومتقالش ؛ طيفه هيحاصرك وهتحس إن أي حاجة حلوة مش هيكون ليها طعم لأنه مش معاك
بس كل ده بيكون هي مجرد مرحلة مؤقتة وبعد كده هتتعود ع البعد وهتتغير وهتعرف إنك مكنتش تستاهل كل ده 🖤,,