الى كل الزينبيات

أفشل قرار بحياتك هوة حب الموبايل…✏️ رأيي بصراحة حب الموبايل فاشل ومجرد تضييعة وقت علاقة كلها حجي وما بيها شي حقيقي لا أمان ولا التزام اليوم موجود وباجر يختفي بدون سبب وما يبقى غير التعب والتعلق الواحد يضيع وقته ومشاعره على رسائل وصوت وشخص ممكن يكون مو مثل ما متصوره أصلًا هالعلاقة ما تبني مستقبل ولا تنطي استقرار غير قلق وانتظار الحب الصح يكون بشخص واضح كدامك يعرف شنو يريد ويتحمل مسؤولية ويجي من الباب مو من شاشة غير هذا كله وهم يخدع القلب حب الموبايل أفشل قرار ممكن يتخذه الإنسان سواء كان بنت أو ولد التعلق يجي تلقائي مجرد أول كم كلمة حنونة وحب وخصوصا بفترة المراهقة يحس الواحد نفسه واقع بالحب لأن بهيج علاقات القلب ينجذب بسرعة خصوصاً من كم كلمة حلوة واهتمام بالبداية الواحد يحس نفسه محبوب ومهم بس الحقيقة غير حب الموبايل أغلبه فراغ حجي بدون أفعال موجود وياك وباجر يختفي وكأن ما كان شي تتعلق تنتظر تراجع رسائلك تراقب آخر ظهور وتضيع وقتك وانت تفكر بشخص يمكن أصلًا ما حاطك بحسابه لا تضيعون قلوبكم على علاقات ما إلها مستقبل مشاعركم مو لعبة ولا تجربة واللي يريدك صدك يجيك من الباب مو من الموبايل🖤.