الى كل الزينبيات

🎄2026⬅️2025 سنة 2025 خلصت وبقت ذكرى شكد خسرنا بهالسنة ناس غالية وشكد اكتشفنا ناس على حقيقتها مروا علينا وجنة متوقعين تبقى ويانا بس فاركتنة وناس ما حسبنالها حساب وقفت ويانا سنة بيها تعبنا وضحكنا واشتاقينه وانجرحنا من أقرب الناس يمكن أكو ناس ربحت إنسان عوضها عن كل شي خسرتة وأكو ناس فقدت إنسان ما يتعوض وبقى الوجع وياها اللي راح بهالسنة خلص ما يرجع ورة هالسنة راح تمشي وتاخذ وياها أيام عشناها بحلوها ومرها بس الشي الوحيد اللي ما راح تقدر تاخذه هو قلوبنا اللي تعبت ومشاعرنا اللي بعده ما منگالت لا تدورون على اللي آذاكم ولا تلومون نفسكم على اللي صار خلوه الضعف والدمعة والخيبة وكل وجع 2025 يندفن بدفترها افتحو دفتر جديد وسنة جديدة بروح جديدة تعلموا من اللي فات ولا تكررون نفس الأخطاء حبو نفسكم أكثر لا تتعلقون بلي ما يقدركم ولا تخونون روحكم حتى ترضون غيركم ابدوا 2026 بقلب أنظف وعقل أهدى ودعوة صادقة يا رب عوضنا عن كل شي خسرناه وقرب لنا اللي بيه الخير واطينا قوة ننسى اللي وجعنا ترى الحياة تمشي وإحنا هم لازم نمشي وياها يا رب تكون السنة الجاية أحن على قلوبنا وتمسح أوجاعنا وتكتب لكل واحد منا نصيبه من الفرح خلو ابتسامتكم حاضرة وگلوبكم متفائلة والباقي على الله معايدتي الكم بسيطة: كل عام وانتو بخير يا أغلى ناس بالقناة وربي يحقق أمانيكم ويحفظكم ربي يجعلها سنة راحة وفرح وتحقيق أماني🎄.