الى كل الزينبيات

تعرف ليش ابوك يومية يفتر بالبيت يطفي گلوبات الزايدة؟ و يضل يقفل بالحنفيات ؟ ويتأكد من ريحة الغاز ؟ ويصيح اذا واحد سد الباب حيل ؟ تعرف شنو إللي يخليه يكرر نفس النصايح وهو متأكد إنك غالبا ما راح تنقده ؟! تعرف ليش يضوج يمكن اكثر منك من چنت تجيب درجة ضعيفة بالأمتحانات ؟ تعرف شنو الي يخليه فرحان كولش ومرتاح نفسياً وانت تصرف فلوسه بشي مفيد ؟ زين تعرف ليش صار بيه الضغط والسكر والقلب ؟ و عصبيته على اشياء تافهة من وجهة نظرك؟ اكو ناس چانت مثلك بلضبط ما تعرف شنو 🥺🥺🥺 السر .. بس لما كبرت ولگت نفسها تلقائي تسوي هيج فهمت السر .. هو المسؤولية.. المسؤولية إللي تخليك تفرح وتستمتع بإبنك وهو ياكل ويشرب ويلبس ويصرف .. اكثر من فرحتك ومتعتك منك إنت .. المسؤولية إللي تخليك شايل هم مستقبل إبنك في الوقت إللي هو نفسه ما مهتم بالحاضر .. شايف من تصعد يم السايق .. إنت تنام وتكعد وتباوع من الشباج وتلعب بالموبايل .. وهوه لازم الاستيرن وعينه على البانزين والدهن والحرارة وكيج السرعة والطريق .. لمن تكبر راح تحس بهذا كله .. لأنك باختصار .. راح اتصير السايق ولحد لما يجى اليوم وتصير السايق لازم تعرف أن مجرد حذاء أبوك الگدام باب البيت لا يقدر بثمن .. رحم الله آباءنا جميعا أحياء و أمواتا