الى كل الزينبيات

بِسمِ اللّهِ الرَحمنِ الرَحيم عدم الرغبة بالعبادة مرات تجينا ايام نترك الصلاة ونترك ذكر الله هيچ فجاة وبدون مانعرف سبب تحس روحك تريد تتقرب لله بس اكو شي لازمك مرات نعرف كلشي بس منطبق وهنـا الشغلة مو خوش اذا عرفنـا عن الدين وشنو الحرام من الحلال وشنو الواجبات وصح من الخطا ومااصلحنـا من نفسنـا واقتربنـا لله فـ شغلتنا مو خوش اني عندي قاعدة الاجبار والتحبب يحل كلشي اليوم اذا انتِ مالچ خلگ للصلاة ومالچ خلگ وماعندج رغبة تقرين دعاء لو تقرين صفحة من القران اجبري نفسچ وحببي نفسچ بالعبادات من راح تجبرين نفسچ وتحببين نفسچ بالصلاة والقران والخ راح تبدين تقتنعين راح تتعودين شوي شوي يوم وره يوم واذا فجأة تركتي الروتين العبادي الي متعوده عليه راح تضيعين تدرون ايام الدراسة احسها مو بس دراسة وطلب علم وخلاص احسها اختبار من الله هسه دگولون شلون يعني يعني من تجين تعبانه وظهري ومالچ خلگ تصلين وتعبانه هنـا راح لو تنامين لو تتغدين وتدرسين والصلاة وين؟؟ نسيناهاا بحجة شنو والله اجيت تعبانه واصليها بعد شوي والبعد شوي تطول وتوصل للمغرب ويأذن المغرب وانتي ممصلية ولو الحجة ثانيه دراسة وما الحگ عَ اساس الصلاة الي تاخذ 5 دقايق راح تأثر على دراستنا وترسبنا اصـلاً الصلاة هيه اساس النجاح بكل حياتنا اساس التوفيق بالدراسة ومـرات تصير ويانه شغلات مو شرط بس بالمدرسة بصورة عامة شغلات تكسرنـا وتضوجنـا ونروح نشكي لله ونبچي واول شي نروح نشكيله ونحچي وياه لو فكرنـا شوي احنه بس بوكت ننكسر وتسود دنيـا بعينا نذكره ليش لان ماعدنـة غيرة💔 شگد مانذنب ونبتعد ونقصر تاليها نرجع نرجع لله فـ خلينا نرجع لله ونبدي وياه من جديد ونشگگ سجل اعمالنـا القديم المملوء بالسيئات ونگله رجعنـا اقبلنـا من جديد گوموا اتوضوا وصلوا ركعتين للامام المهدي واذا تگدرون صلوا صلاة الليل وسوولكم كم عمل مستحب يلاا خلي نكسر هذا الكسل والعجز واخرُ دَعوانا ان الحَمدُللّه رَب العَالمين.... 🙏✍️