الى كل الزينبيات

اكو موضوع حاز بگلبي وما لگيتله اي مبرر.. ليش احنه يم الأمور الشرعيه مثل لبس العبايه والحجاب والمكياج گدام الغريب نخلي عذر اسمه الاقتناع رح تسئلوني شنو يعني يعني مثلاً اني ما البس حجاب اله اقتنع واني ما البس عبايه اله اقتنع ترة لبس العبايه قناعه ترة لبس الحجاب قناعه اخلي مكياج ما اخلي هاي قناعتي هذا كلام هواي بنات واكو اهلهن يشجعوهن مثل تجي ام تگول والله بنتي ما البسها حجاب اله تقتنع زين اختي شو دتعاي گعدي يمي عندي حچايتين وياچ تعاي من تسجلين بنتچ بالمدرسه شفتيها مقتنعه لو لأن هذا احسن الها من يصير عندها امتحان عفتيها تقرة وتتعب لو على راحتها زين من تتمرض وتنجبر على عدة ادوية وصفها الطبيب رح تجبريها تشربهن لو براحتها ادري بيچ رح تگولين اخليها تتعود على هذني زين ليش ما تخليها تتعود عالحجاب او البنات بصورة عامه ليش متتعودن عالعبايه ليش من نجي يم الامور الشرعيه نخلي مصطلح القناعه ومنخلي التعويد ليش خليها عايشه حياتها وبعدها صغيرة.. بعدني ممقتنعه.. من اقتنع ان شاء الله اسوي هيچ وهيچ.. اعذار واهيه مجرد يضيعون السالفه لا اكثر.... ✍️