الى كل الزينبيات

احد الاخوة يقول🥀 مشكلتي اني كلما اتوب ارجع اذنب كل ما اوعد رب العالمين اخلف بوعدي تعبت من نفسي شسوي منين ابدي وشلون اتصرف وي هاي النفس الأمارة بالسوء ج/ بهالظروف الصعبة الي دنعيشها وبهالاغراءات والفساد الخلقي وبعز تراكمات حياتك انت دتفكر بالذنب وشلون توصل الى الله وشلون تتقرب الى الله هذا الشيء عظيم شوف عزيزي او عزيزتي ما دام عندك تأنيب ضمير اتجاه الذنب فـ انت بخير ما دام تضوج من تروح لمكان بي معصية فـ انت بخير ما دام تندم على الذنب الي سويتة وره فترة فـ انت بخير بس ؟ صحيح انت بخير .. بس خيرك الي انت بي ضعيف صحيح انت مؤمن .. بس إيمانك الي انت بي ضعيف احنه نحتاج ذنب + اصرار على تركه اكثر مانحتاج ذنب + بكاء على فعلة اكو واحد من يسوي ذنب يبجي بس يبجي حتى يريح ضميره وكل دمعه تنزل منه تهد جبل هاي الدموع هي الي راح تغسل حديقة كلبك وراح ترجع تزهر من جديد كل انسان بينا معرض للذنوب من الصبح لليل حياتنا عبارة عن جبهة ابليس يرفع واحنه نكبس والبطل مو الي يسوي ذنب وبعدين ندم وكام يبجي لا البطل الي يسوي ذنب ويوكف كدام الذنب ويكول الله اهم مو بس المجاهد بالجبهة انت هم بالجبهة واني هم بالجبهة عندك عتاد لتكلي لا ماعندي شي لا عندك عتاد وتعرف شنو عتادك عندك الصلاة اذا التزمت بوقتها راح تكدر تنتصر بيها حتى على شيطانك الاكبر وبعد شي ثاني عندك مو بس صلاتك لا عزيزي عندك الصدقة تصدق مو شرط فلوس تتصدق ديننا مجاني مو بفلوس تريد تتصدق بفلوس ومعندك ابستم بوجه امك هاي اعظم صدقة خفف جرح واحد بكلامك هاي اعظم صدقة علم طفل سورة الفاتحة هاي اعظم صدقة خليك دائما قريب من الناس الي تشوف بيهم الله خلي الله بين عيونك لحتى ما ترتكب ذنب والاهم ثم الاهم هو القران خليك آيه تمشي ع الكاع خلي القرآن قريب من قلبك ويومك ودائماً حافظ على ذكر يلهج بي لسانك اللهم أشغل قلبي بحبك ولساني بذكرك وبدني بطاعتك انظر الى حالك الان أن كان يصلح للموت والقبر فإستمر عليه وأن كان لا يصلح لهذين الأمرين فتُب إلى الله وتذكر أن الله تعالى يعينك على التوبة ولا يعينك على المعصية فإذهب لما تعان عليه وإسحق ما لا تعان عليه.... ✍️