اقتباسات ٱﻣېݛتې ٱڵۅحٰېدِۿ ،🌙🇱🇧♥️ افتارات خلفيات ستوريات بدون حقوق هايلات اغاني ميوزك الرماس گروبات افتارات رمادية شباب + بنات تصاميم

بعد ماعاتبك تندل عناويني من أمس واصلني كونك موش ناسينيّ ! ظروفك والمسافة أعذار محترگات شمس شتكلفك الجية لروازينيّ ؟ لچن بينت من مرسالك بلا شوگ .. صلاة متآخرة بس تريد تگضينيّ وگلت مالك ثمر وآنه أدري برحي وياك وگلتلك عادي في صفصافة خلينيّ شسويلك بعد بهدوميّ أجيم النار من تبرد چنت وتگلي دفينيّ .. چنت هيچ لرغبتك واگف أستعداد وأضحك لو عليه وبهم تجازينيّ ؟ الهاظمنيّ البصدرك مايغزر بيّ ! مرخلصك الدنيا ومامغلينيّ !!! ومتوازي على بيعي وماحسبت حساب ؟ خرزة وباسمك وياهوه يشرينيّ ؟ ما أرهم لغيرك آنه إلك مرسوم خط بجف أيديك شلون تمحيني !!! تريد تروح هسة الجرف شيرضي ! والنوارس شرد أگلها من تلاگيني ، المطر متعود يلاگينة أيد بأيد ويشابگن وياه طينك وطيني چا عشرتك عشرة موكد وسكران تشعلنيّ وتروح وماتطفينيّ !!!!!! خيط وأبرة وأذا واحد يروح نتيهه ومدري شبيك طالع طاب من عينيّ گلتلك أثبت الريح الثگيلة تزيح ومن توگع وياك توگع سنيني ماي بشبجة باذنك حچيي ماله مچان ومزاجيتك الخربت بينك وبينيّ روح براحتك ! بس مثلي تلگة منين .. وبعد ماعاتبك تندل عناوينيّ