قصص عراقية

أتمنى لكم قراءة ممتعة اذا عجبتكم القصة لا تنسون توجهوها الاصدقائكم والاحبابكم 😇❤️

ياترا عادي عنده هالشي لو ينقهر بسبب تاخره عنهم. اشتاقت روحي اله وتهاجمني الذڪريات. والندم ما ڪل گلبي ليش طلبت من احمد يدفن الذڪريات ـ مشتاگه لصورته ـ ومابقى شي من ذڪراه الا خارطه الوطن ـ رفعتها وبستها. وڪٵني اسمع صوته. وصورته گبال عيني وڪلماته تهمس باذني. واسمع اجمل ڪلماته. حوائي غاليتي معذبتي قاتلتي. روحي تعشق روحك ـ وٵنــــت ؟؟؟؟؟ وإنْ سألوك عن عشقِ الروحِ قلْ : أنْ تشعرَ أنك تتنفسهُ ...

وبعز انشغالهم هم ڪلش مهتمين بيه وخاصه الياس يگول اتمنى ٵني امتحن بدل عنج. ڪل امتحان خالو يوصلني ومرات بالطريق للمدرسه يذڪرني شنو المهم ويوصيني لاتراجعين گدام الطالبات ولاتحلين الاسئله من تطلعين. متفقين بنيتي موو؟؟؟؟ واني انفذ بالحرف الواحد ڪل ڪلمه يگولها. ومستمر ڪل يوم يجيب بطل ماي و ورق السدر يگولي جدج ختم القرٵن علي. وربي احس براحه نفسيه عجيبه صرت اخذه وياي لقاعه الامتحان واشرب. والحمدلل ...

دايم اگول اصدقاء اهلي وخوالي نفس اطباعهم وحنيتهم. سلم عمو ويسٵلني شلونها المعنويات عسل. مسك ـ الحمدلله تمام. يگول گدها گدها عسوله النجاح واضح بعيونج. خالو ڪمل صلاه وسلم ؏ ابو نجوان. وابو نجوان سٵل آن تعرفينه؟ ؟؟؟ هي ضحڪت. گالها خالج مووو. وذڪرها بموقف من صغيره تحلف والرب وداعه ابوي وداعه خالو اسعد. واخذت فتره طويله هذا حلفانها متعلمه من عس ...

رجعت لغرفتنا جبت ڪتابي وڪعدنا نقرا الى ان نعست. ثاني يوم صحيت البيت هدوء. اڪيد ڪلهم بالدوام. سبحت ونزلت ٵمي گاعده بالصاله تغلف هدايه صغار. ڪلش احب تغليفها وترتيبها. مخليه ؏ يمنها مجموعه و؏ يسارها. ومجموعه شرايط لون وردي وسمائي. صبحت عليها هي وجداتي وگعدت اساعدها. وسٵلتها گالت لعب وحلويات للاطفال المرضى. هسه يجي خالج ياخذهن. طلبت منها تتصل بابوي حتى اروح وياه. اتصلت وصوته يضحك يگول مو گاي ...

‏الكلام الذي يحتضننا دون كلام ...! الحمدلله الي اڪرمنا بنعم لاتعد ولاتحصى. واجمل النعم. هي ؏ هيئه بشر. وهاالبشر من ڪثر حنيتهم وطيبهم وايثارهم تحسهم ملائڪه ؏ هيئه البشر. ويا ڪثرهم بحياتي. ربي يديمهم الي مايحرمني منهم. زال الخوف والقلق امتليت راحه واطمئنان حسيت روحي اقوى انسانه بالڪون. وقادره ؏ تحقيق المستحيل. صار عندي حافز ابذل ڪل جهودي حتى ...

گعدو بالحديقه وٵني الفضول فول دمارات ام هادي ضاربه عليه اليوم. اريد اعرف شنو گالت الدڪتوره. حضرت فاڪهه وڪرزات وڪيك وعصير شي ما يشبه شي بس المهم اعرف. اخذته الهم ومخلد ياخذ صور للورد ويسٵل احمد عن اسمه ونوعيته. واحمد يگوله اسٵل ليث هو مثلك يحب هاي السوالف. بس يمڪن ياسمين وجوري وزنبق وڪادي. يقصد الوردات الي يسمي مسك باسمهن. وبعدين ڪافي عوف الورد ٵنت مو ووو؟؟؟ يضحك احمد ويڰوله شوف الجماعه ...

بس اختها ام نورس زوجه مختار تگول صح ماتحبهم بس مو لهاي الدرجه تسمه و تموته. ومحد شايف بعينه. وانعام بيومها جانت يمنا. ومن صار الموضوع ٵمي طلبت منها ما تدخل خير شر. بس تغيرها المفاجئ اثار الشك. والله اعلم. وام عدنان هم دخلو اطراف وصلحو ورجعوها. و ٵمي من راحت عليها تگول تعبانه وتنوح باسم عدنان. تكسر بگلب الڪافر. والمشڪله هسه جدي يلح ؏ مخلد يگوله اخذ اختهن غفران. هاي احلى منهن وعاقله ودراسه ...

سٵلني هم تروح لخالها وجدتها. جاوبت قبل لااحمد يگوله جدتها توفت قبل شهرين. واهاف مخلد يشبع قهر.وهو مو ناقص حزن. گلت اي ڪل جمعه وهي فعلا ڪل جمعه ياخذها خالها بس وين يگضيها هو وياها بالسوك لو للبارك . وخالتها بعيده من تجي لبيت اهلها يجون ياخذوها وتكول تشبع بجي تريد عليڪم. الظاهر احمد عجبه الرد اشرلي اوڪي. مخلد ـ وشوڪت تعرف الحقيقه. احمد ـ ؏ ...

ياربي سبحانك عبالك حقيقه وبعدها صوره ابوي ابين عيني. وعطره مالي المڪان. حاولت افتح عيوني احسهن ثگال ـ واول من شفته الغالي الي اخذ بحياتي دور الاب وما قصر ڪفى و وفى. وڪلهم حواليه. تحمدولي بالسلامه. الغالي واحمد عيونهم جمر ـ ليش؟ ؟؟ شصاير؟ ؟؟؟ احمد بعده دموعه تنزل ومايباوع باتجاهي. بارڪلي وبوس راسي حتى ڪلماته مافهمتهن. ياسر يريد الطفل بحضنه. خالتي عنيده جابته الي حتى اشوفه. مااگدر ارفع را ...

#في_ضريح_العشق_حمامه_ج٢........💙🕊 وئام الشيخلي .....بارت٢١ مساء الورد والياسمين ؏ عيونڪم حبايبي. علقو بالفقرات بقدر حبڪم لاصحاب القصه. " صـوتـــــــــك .. ڪ تڪبيرة تسـرق آلنومـ مـن آجفآني تخشـــع وترتجــف لــــــه أوصالـــي"..... ــــــــــــــــــــــ الاضواء قويه وتخفت شوي شوي. وترجع تقوى تنور ڪل المڪان. بحيث غمضت عيوني من شدتها. ٵلم بٵحشائي فضييع. وشوي شوي صار ينسحب الالم مني. ايد ...

أتمنى لكم قراءة ممتعة اذا عجبتكم القصة لا تنسون توجهوها الاصدقائكم والاحبابكم 😇❤️

واتصل ؏ مهند يگولي مخلد اتصل بيه تعبان ونطاني العنوان. طلعنا سوا ويسولفلي عن حال مخلد البارحه. ورسالته قبل ساعتين يٵمنه اذا يموت اسم الله علي يدفنه بصف همام. وصلنا ومخلد مغمى علي ـ شصار بحالي بحياتي ماشفته بهاي الحال. سنين وياه ما شفت الا قوي ومتميز وشجاع. صرخت من شفته. وخفت لا صدگ اخسره. وصلنا المستشفى وحالته انهيار وهبوط بالسڪر والضغط. ايام ماشايف لذه النوم وما غمضت عينه. واتخيلي حاله. ...

گلت الها سبحان الله مثل ماجان زوجج يدور زله ؏ هيوم بس مالڪه الحمدلله. ڪما تدين تدان. تگول لا وين عمها عامر فقير ويسال ؏ هيام من خوفه عليها. ماهر حتى ضرب يضربها. هيام ـ عاشت ايدج والله يديمج النه. وهو بعده زعلان. ؟؟؟؟ ام حسام ـ هو حقه. وهي حقها. بس الكلام ابينا اني حجيت وياه والله شاهد ميلت علي هواي ودافعت الها. گال راح ابقى مثگل عليها شوي. حتى تتعلم ماتصدگ ڪل ڪلام ينگال ورانا حياه طويله و ...

تگول عليش خساير وتڪاليف اني علاجي هو من طلع من السجن ماضل بيه مرض. ثاني يوم دخل احمد وياه مره بعمر عمتي شامخه وحلوه. گالها احمد تفضلي يمه. من دخلت نظرها تصوب لمخلد وبجت. گالت يهنيالها بيك ياقوت صار عدها الحيد. تقربت گباله تگوله ٵنت ياهو منهم يول انت نسخه من خالك. مهند ٵنت لو مخلد.؟؟؟ گالها مخلد. حضنته تبوسه وشگد بجت وهو بوس ايديها. يګولها يمه. متت قهر واني اشوفه اختنك يتمنى يبجي. س ...

الى ان ڪمل الثلاث اسابيع. سافر حاتم ورجع احمد. بس ؏ گولته جسدي باالعراق وروحي يمه. رغم ادري صحته زينه بس گلبي نار علي. وراوني مقطع فيديو صغير مصوره مخلد وهو يهذي بـ مسك. رغم شابعه قهر علي وخايفه لان اعرف هو اختار طريق المستحيل. اتشاقيت وي احمد گلت لو عمو محمد وخالو ابو الحسن يشوفون هذا التصوير. الله يستر. واحمد يگول ـ لا بالعڪس يگولون اله گبع واخذ. واضحك ؏ ڪلمه احمد. وتقرر موعد وصول م ...

كل ما اتذكر ڪلام احمد شلون صار بحال مخلد بيوم الي طلع من السجن وٵخذ حڪم البراءه. ومن وصل البيت هي ماموجوده عدها موعد بالمستشفى. ومن رجعوا خبره مهند بمرض بيبيته وشلون ياخذونها لمركز غسيل الكلية علمود الديلزة. يگول بيومها حسيت مخلد انكسر ضهره مثل الي شايل جبل على جتافه احسه لو بيده ياخذ روحه وينطيها الها. فورا وبنفس اليوم هو واحمد اخذوا تقاريرها وتحاليلها وراسلوها لدكاترة بالهند وردوا الدكا ...

ومو غريب هالشي حفيد حجي عبدلله وابو قمه الاخلاق والحڪمه. بس مخلد هذا روحي. واذا لا سامح الله مسك ما صارت اله يعني الله لايجيب هذا اليوم. مااريد اتوقع شي واسبق الاحداث. بس مخلد نفس شخصيه ابوها ونفس الغدر والطفوله القاسيه ومتشابهين بكلشي. ما تلائمه وتشفي جروحه وتداوي روحه الاهي. مثل ماامها ڪانت بلسم لجروح ابوها. مصطفى مدلل وطفولته ماشالله يحير منين ياخذ الاهتمام. حتى لامج يناديها يمه. هيام ...

وقدر الله لو صايره القسمه ابينهم يمڪن ڪان گدرت تمنحه سعاده تعوضه تعب ايامه. شگد رفضت خطاب واخر واحد قبل لانتخرج وهو ڪان متخرج قبلنا بالدفعه الي تخرجت بعد هدى اخت احمد. وطلع مخلد حاس بيها ويدري تحبه وتراقبه بنظراتها. وگايل لاحمد اعرف ڪلشي وادري ماڪو مثلها بس مااشوفها الا اخت. مو بيدي. وارجع اتذڪر تصوير الفيديو وحاله شلون يهذي بـــ مسك وشلون يوصفها بصفات واسماء وڪلمات وبا ٵجمل اسماء الورد. ...

ورغم الاذيه وشگد تعبني هالشي مامتندم لو يرجع بيه الزمن اسوي نفس الشي. لان ماتتوقع شنو فرحتهم من ـــــ ماڪملها ــ وبعدها گال وتوقعت هذا السبب وحاتم يگولي يحتاج صدمه قويه وينزلن مثل دموع افلام ڪارتون انهار جاريه. بس اقوى من صدمه همام شلون تڪون الصدمه. اعتبرها حتى اقوى من حڪم المؤبد. بعدها گال الله لايفجعني بالاقوى من صدمه همام . معناها موتي ونهايتي. احمد ـ اسم الله شنو الاقوى منها. سڪت وصو ...

ٵني المواقف تقهرني من اذڪرها وهي انقهرت وتگول ذوله بشر؟ ؟؟؟؟!!!!!!!! معقوله ذوله بشر؟؟؟؟؟!!!!!!! گالت اي گولي هيج طفولته واستعاده المواقف. الها اثر ڪبير. ياالهي طفل وبهذا العمر يڪتم دموعه حتى لايتشمتون بي. رغم الاذيه الصابته من ڪتم دموعه. بس شنو من عقليه واسعه وذڪاء. يالله هذا طفل؟ ؟؟؟!!!!! والله اعتبره ذڪاء خارق. وشخصيته وعزه نفسه بالمرحله البعدها هنا هو تعمدا ڪتم دموعه ايضا اله تٵثير. ...

ملهوفه ما مصدگه تڪول الله يسمع منج. واگول بداخلي صار سبع شهور ونص ع زواجهم. مامعقول لحد الان ماتممو. وياربي تڪون حامل. سالتها عن ابوها شسوه ؏ الدعوه. ومثل ما متوقعين اڪو حزب يدافع عنه ويطلعه منها. وياريت بس هيج. لا القهر طالع هو الحنين رايح جايبها من بغداد حتى يحميها من ظلم عمتها. مضطهدتها ومسويتها خدامه وتعاملها بقسوه. والحنين ماهان علي بن ...

والقهر هو يردها ومرزلها مرات ومرات. ومهددها يگول لابوها وعمها. ڪاتبه اله يرحون الك فدوه ابوي وعمي وعشيرتي. وڪل مايحضر رقم من ارقامها تراسل من رقم اخر. الرسايل من ثلث ارقام. ومسجل ؏ رقمها حُثاله ـ واتصال مابينهم ولا ثانيه. لان بالرسائل ڪاتبه وتتوسل رد ؏ اتصالي وتحلفه يرد عليها. وهاي الرساله مڪررتها. وڪوارث ڪلامها تخجلين تقرينه وتوسلاتها بي. ومرزلها رزايل تسوه عمرها. وصار شهرين تقريبا الر ...

#في_ضريح_العشق_حمامه_ج٢ .....💙🕊 وئام الشيخلي ...... بارت٢٠ صباح الورد والياسمين ؏ عيونڪم غوالي ♥ ...... اسفه اتاخرت عليڪم ــ بارت طويل لعيونڪم الحلوه. علقو بقدر حبڪم لحبيب مرام. ـــــــــــــــ قف على ناصيه الحلم وقاتل " وثق أن ‏الطريق الطويل سينتهي الألم لن يبقى وسيزول الله سيصلح كل شيء الحلم سيغدو واقعاً وكل الأيام التي فاتت ماهي إلى اختبارات لقوة إراادتك. كما قال محمود درويش فا ...

صباحكم عسل حبايب كلبي بما انو صار هوايه مناشرلكم هذا بارت هديه العيونكم الحلوه أتمنى لكم قراءة ممتعة اذا عجبتكم القصة لا تنسون توجهوها الاصدقائكم والاحبابكم 😇❤️

سحب ڪف وڪرصها بقوه. نساني العافيه. ومن حس نفسه اذاني رفعها باسها. هيام ـ بعد وڪت هو انت الذڪرت الموقف ـ اني لاسامعه هالڪلام ولا اتذڪر وحتى لو اسمع اتجاهل ومانطي اهميه. تعذر مني وقلب الموضوع وگال ماڪلتيلي شخبار روحي النايم باحشائج. ڰلت اله عن موعد العمليه. گال ليش ماتقدمه ثلث ايام. هيام ـ ليش؟ ؟؟؟ احمد ـ حتى يصير ميلاده ماادري ميلادها وي ميلاد مخلد. هيام ـ اووو ذڪرتني ؏ طاري مخلد باجر دڪت ...

فتحت غاليه اول صورة حسيتها فتحت كلبي بسجينة عميه. واني اردد بنفسي لا مستحيل. وصارت تطلع صورة ورا صورة كل وحدة احلى من الثانية احس كل صورة تراويها النا جنها طعنة خنجر مسموم بنص صدري. حسيت الدم تجمد بعروكي صدمة ولا فاجعة ولا شنو اوصف حالي ماعرف.... وهذن البنات منبهرات بي وحدة تكول ماعنده اخو. والثانية تكول هنياله صديقتج ياريتني بمكانها. ونسمه تګول ماتستاهله هاي الصخله هذا حبيبها سمعت بحظ الزرگ ...

نجحت من الثالث المتوسط. ودخلت مرحله جديده هي الاعداديه. وصرنا اني و ميس الي اصغر مني بسنه بنفس الصف لان هي عبرت الثالث. ميس ڪبيره بعقلها وتصرفاتها موزونه. هواي اشياء اتعلمت منها. واستلمتني خالتي المها نصايح وتعليم وتدرسني وي ميس. هنا فعلا حسيت نفسي شخصيتي اقوى. وخاصه من تجينا هيام تشجعني هواي. مرت سنوات الاعداديه الى وصلت السادس العلمي. صارت عيوني وگلبي تاخذني لشخص بدون اراده مني. واحا ...

گاعده بغرفتي وبيدي ڪتاب الكيمياء الماده الوحيده الاحب اقراها. دخلت بيبي ثريه وتگول لامي ليش ماتٵجليها الزياره لغير يوم. وٵمي لحت تگولها اشتاگيت اشم ترابه. اجاني وجايب ڪتاب شگد حلو لهيومه. وبيبي ثريه تگولها يعني خير خوش رؤيا ياله تحضري ابنيتي. اروح اشوف ابو صوفي يوصلنا. دزيت حسام يصيح لام عباس تجي ويانا. ٵمي لبست ملابسها السود وحضرت عبايتها. وگالت ياله مرومه شيلي ڪتابج وامشي يم امج ام حسام. ...

#في_ضريح_العشق_حمامه_ج٢ ......💙🕊 وئام الشيخلي ....#البارت١٩...القسم٢ مساء السعاده ؏ عيون الغوالي ...... ــــــــــــــ واذا اهلي اتصلو ڪولهم قاري دروسي وڪاتب ڪلشي. وصلنا لبيتنا ابوي اتلگا الياس بارك اله وفرحته مايوسها الڪون. وڪلماته لالياس خلت الياس يدمع ـ يحسسه هو يشوف بي نفسه وشخصيته وحنيته علينا. شگد حلوه ڪلمته من يگوله انتَ محمد الي نشٵ بالبيئه الصح. وعنده اخوان يفدونه بارواحهم. انت ...

گالت مو اليخطبني يقرب الڪم . وضحڪت. صفنت شوي وبعدين فهمت عليها. وگلت ياهنياله التڪون رفلاء ابيته. بهالوقت القليل حسيتها شگد محبوبه. ومن قبلها اني حبيتها من ڪلام ميس ومرام عنها. وبيبي ام ابوي تعرف جدتها وشگد حلو توصفها. من ڪملنا رجعنا وي خالو قبل لانوصل للبيت نجوان گال لبيتڪم نروح مو لبيتنا. واذا اهلي اتصلو ڪولهم قاري دروسي وڪاتب ڪلشي. يت ...

ڪانت قريبه ؏ الهندسه. من دخلت الها گلت يفصلي عن الدخول الها اشهر فقط. والياس وميس ضحڪوا ـ وميس گالت ماضنتي والله يا مسك. واليوم افتن لخالو ابو الحسن عليج. ڪان هاليوم مميز جدا. فرحتي اله مايوسعها الڪون واني اشوفه شگد فرحان. همست اله انتَ ملك جمال الجامعه ڪلها. گال بعيونج ؟؟؟؟ مسك ـ لا والرب بعيون الڪل. اجمل شي بالڪون من تتملك البنيه اخ وسند يمتلك صفات الاب. وهالاب هذا مو عادي ابد يمتل ...

گال سايق السياره الڪورلا البيضه محترف ماشالله . رديت اهااا. وبعدها سيارتنه سبقت وهو صار ورانا. گال شبيج عيني ؟؟؟؟؟ ارتبڪت اڪثر. وگلت دخت دخت الماده متفرعه ودخت شوي. الياس گال بسيطه ان شالله لاتدوخين. وسن فرحانه فازت بالمعرض تسولف لالياس وهو يگولها يعني شقررتي باي فريق. گالت ٵني مثل ميوس مااحب المجموعه الطبيه. احب تصميم. ارتجيت ؏ الڪشن وسافرت بذاڪرتي لليوم الي شفته من رجعت من الامتحان و ...

واتذڪر من اتصل خالو وسولفت وي هيا تسولف الي عن حبها للفروسيه وتگول هواي صفات مشترڪه ابينا نفس البرج اني وياج. ونحب الفروسيه. ولون الفيروزي. ماشالله عليها فارسه محترفه ومشترڪه بمسابقه الفروسيه و فازت بالمرتبه الثالثه. وماخذه الميداليه البرونز. وٵني الياس فدوه لحنيته واهتمامه ماقصر استعاديت ڪل نشاطي وقضيت ايام حلوه ـ وفرغت ڪل طاقتي السلبيه. الجو بين الشتا والربيع ودايم نروح بعد الضهر نرجع الم ...

ميس ـ مااريد اگول الج فاهيه وتزعلين ٵنت گبالنا تقرين ڪيمياء وتناقشنا. وهسه شوفي الملابس المحضرتهن لو تردين غيرهن. مسك ـ لا ها هيه عاشت ايدج. وٵنتِ صايره مثل اوس ؏ اساس انتو الملح يقطرر منڪم. ميس ـ بس اني واوس ؟؟؟؟؟ لو البرنس مسموحله يگول واحنا لا ـ مسك ـ هو ماڪال فاهيه ـ گال من تصفنين وتشردين بافڪارج عندج فهاوه تلوگ وي لون عيونج تطير العقل. وبعدين حتى خالو ارشد گال فهاوه موجوده بٵمج نفسها ...

حاولت اتهرب منه وگلت خلصن الدقايق. ونطيته سترته الي ڪانت بيدي. جريت نفس تمنيت اخذها واسوي نفسي ما دريت. اريد ارجع شي من اثره ولو مايحتاج اثره بگلبي ومايطلع من گلبي الۍ يوم يبعثون. اعترض طريقي ومستغرب استعجالي واختبرني بڪلمه ــ لهاي الدرجه ما طايقه تبقين گبالي دقايق.؟؟؟؟؟؟؟ اوووف لو تدري بحالي. بس اصريت ؏ المڪابره وسٵلته عن ذاڪرته والرساله. نسمات هوا بارده حسيتها تخللت بعظامي. رجعلي الست ...

وميس گالت صايبتني العدوى من اوس اتشاقيت وياها علمود الدرجات. امي صوتها همس تگول لــ ميس اذا تحسين هالشقه يضوجها بــــلاه هالشقه. ضربتني بگلبي من تگول ڪافي ميس وجعتي گلبي. وميس تگولها حاضر ماما. تتنقل بينا بسرعه وخفه وبالها مو يمها وڪل شوي تسٵلني يوجعج شي. اذا ما ضابطه الماده اجليها. رديت لا باقي فصل واحد واراجع. گالت ربي يسهل الج ويشرح صد ...

وبداخلي حروب. واحس بدماغي اتوقف عن التفڪير. اجه ابالي ڪلمه هيام الي دايم تمدحه بيها وهي الايثار. واباوع لـ معالي الي شبعت بجي من تذكره. تڪول المصيبه جانت مو بس ابيت اهل مخلد. باالشهور الي انسجن . جانت ابيتي وابيت اهلي.نفس المصيبه. القهر والدموع البجتها امه. بجيتها اني وامي. مايمر يوم ماابجي ؏ حاله. ادري بي شگد نظيف وينجن من مڪان وسخ. شلون اتحمل السجن وعاش وي السجناء. والمجرمين وهو اطه ...

وطلبت مني اتٵنى اڪثر. بس اني حسيتها فرصه رغم وجع گلبي الي يسٵلني عنه شلونه.؟؟؟ وياترا شنو حاله.؟؟؟؟ اجانه احمد يسٵل شلون صرتي ويتطمٵن ؏ حالي. من راد يطلع گلت لحظه اجيب الك ملابس ياسر يمنا. گال عوفيهن هيام تمر الڪم وتاخذهن. مسك ـ لا انتظرني ما اتاخر. يمڪن تحتاجهن. گال ـ ياله. صعدت لغرفتي جبتهن نطيته الملابس فهمته العلاگه الي بداخل الملابس هذه امانه اريدك تدفنها بالنجف. استغرب ڪلامي وبع ...

التاسع عشر الجزء الثاني #في_ضريح_العشق_حمامه_ج٢ ......💙🕊 وئام الشيخلي .... #بارت١٩.... القسم1 مساء السعاده ؏ عيون الغوالي ...... ــــــــــــــ بارت طويل لعيونڪم الحلوه. اريد تفاعلڪم بالتعليقات عسى ولعل تفيد وي الابلاغات لحد الان اغلب المتابعات يگولون ما يجينا اشعار من ينزل البارت. ــــــــــــــــ . في لحظات من عمري ... وقفت حائره لا ادري ماذا حل بي ؟ ...

سحبت السنسله الجديده من رگبتي وراويتها المداليه البيها صورتها ـ اول صوره التقطتها الها. هنا لون عيونها فعلا لون السما الصافيه. عشقي هاي الصوره. گلت عرفيتها هالقمر هاي ـ هاي روحي . وانتِ وي مجرى الدم تسرين . وبين الگلب والنبضه واقرب. وانتِ الج الوطن وخليني بگلبج. وقدمت الها السنسله والخارطه. ابتسمت اخذتها وگالت بس صلح ماڪو عهد بينا. رفعت اصبعها وتٵشر بنفي ماڪو عهد ترا. رادت تڪمل قاطعتها ...

اخواني رجعو لاربيل وام اماني راحت لبيتها. اماني مٵجله الامتحان وبقت يم امي. ياله ننزل جوا. نتريك حتى نروح لاهل همام وبعدها اخذهيام تشوف اهلها بالمستشفى. مانامت للصبح خطيه. اخوها صارله طفل ثاني. ٵن شالله يوم الك. تشڪرته ـ خلي تجي امه الله ڪريم للطفل. نزلت من الدرج الخارجي شفت ملاڪي بالباب مالتهم لابسه الزي المدرسي. سبحان الخالقها شافتني. وصارت تباوع بڪتابها. واخوها مندار ؏ السياره ماع ...

مخلد ـ لحظه مسك خليني افهم معقوله مااهمج لدرجه مو طايقتني حتى دقايق. صفنت بوجهي وميلت راسها لليسار استنشقت. اجمل ايات الجمال هيَ . سٵلتني باستفهام. وحرڪاتها اخذت عقلي. مسك ـ شلونها ذاڪرتك؟ ؟؟؟؟ بعدها قويه؟ ؟؟؟؟ مو حظرتك طلبت مني النسيان. وٵني نسيتك من يوم الي حضرتك طلبت مني. وذڪراك رديتها الك. عجيبه بنت محمد ــ خايف اگولها وتعتبرها مسبه. وتعاقبني. گلت ـ يعني من يوم الوصلت الج ٵنتِ نسي ...

تگول ڪلمات الاغنيه انڪتبت النا وتعبر عن حالي واني البارحه سهرانه واتمعن بصورته الي رسمتها اخت صديقتي طالبه بالفنون الجميله. وڪيف مدرستها طلبت منها اغنيه عن الوطن بس اني غنيت عن وطني الخاص. توصف حالها وتعبها من غنتها. وڪملت عليها بيوم شافتني بالمحطه شلون متخربطه ومتدهوره احوالها. اختنڪت واني اقرا. نطيته لاحمد وگلت انت شفت القرص هاك اقرا واحڪم. ...

إنــــــــتِ تحفة صاغها الرحمن من احلى التحف. إنـــــــتِ في الدنيا قضيه مـا تحملها ملف . وانت احلى واجمل واغلى اسم في قلبي ثُلاثي الحـروف. يڪمل الفيديو. وبعده صور الها واغلب الصور بلا ماتنتبه. او حرڪاتها العفويه الاعشقهن صوره اجمل من الثانيه. شدعوه هلڪد مرڪز وياها والصوره تبتعد وتقترب تمتلئ الشاشه وڪل التركيز يصير ؏ عيونها. والقهر وياهن اغنينه تتبغدد علينا واحنا من بغداد. قطعت الصوت واشاه ...

اتذڪر من احنا صغار ؏ ابسط تصرف نگول اخاف الله يحطني بالنار. عاد ولا هسه اخاف الله يحطني بالنار. مخلد ـ لا ابد ــ انت صنت الامانه. بس من باب الاحتياط انت استغفر ربك ــ واني ادفع ڪفاره. احمد ــ والله لو تدري مسك ٵني نطيتك المذڪرات بعد ماتباوع بوجهي وتڪرهني يمڪن. مخلد ـ لامستحيل مااعتقد مسك تڪره. اشوفها ملاك ؏ هيئه بشر. احمد ــ غير لو شايف البارحه ابد مالتفت باتجاهي. وماصدگت شافت ميس دخلت ال ...

فعلا ڪلام احمد المذڪرات سرت خاطري. اضغط بايدي ؏ راسي مو مستوعب القريته وين واصله بحبها الي. اريد استوعب القريته. وارجع افتح الدفتر واعيد القراءه. هو ٵني ردتها بس ماتنساني وٵني الممنون. مصدوم بحبها واصله لدرجه التخاطر الروحي. مثل مااني وصلت بحبي وعشقي لهاي الدرجه. لدرجه احسها هي موجوده فعلا باماڪن تواجدي. ولساتها تغمضلي عيوني وانام ؏ ملمس اصابعها. واصحى واتمنى مااصحى وهي مرافقتني باحلامي. ...

وِمَنِ يِّوِمَ أّلَرحٌتّ مَأّشٍفِّتّ ګلَ نِوِمَ وِإذّأّ مَـتّـثّقِ تّـعٌأّلَ وِحٌلَفِّ أّلَفِّـرأّشٍ نِـمَتّ بَِّس مَرهِ وِحٌدِهِ وِبِيِّـهِأّ تّعٌبِأّنِ وِمَـوِ بِـفِّـرأّشٍ أبِـشٍـرګ لَأّ بِآلَأنِعٌأّشٍ... صحيت گلت الهم ياله نطلع. واحمد يلح نراجع طبيب عيون ويگول الصار ڪله لان مابـﭼـيت والعبرات ڪتمتها واذتك. قويت نفسي مو وڪت اضعف. ومرت ايام ...

من الصبح اجوني سلطان ومعتصم اخذوني الهم. وصلت ومن نزلت اتلگتني ام همام حالها الله اڪبر ياحالها ربي يصبرها. صوتها بالڪاد ينسمع. تگولي اجيت تاخذ اخوك وترحون للدوام. ها يمه ڪسر ظهرك اخيك. نزلت لمستوها بست راسها واگولها. الجنه ونعيمها اله. والله شفته باجمل صوره ـ بس گولي لاحول ولاقوه الا بالله. انا لله وانا اليه راجعون. وهي تردد بالگوه تنطقهن. اذڪرت ڪلام جدي بالليل. ومالي غير اصبرها بحديث ا ...

رجعت اتصلت بـ حاتم وخبرته ونفس حال احمد مصدوم وما مصدك يگولي اخاف قصدك تعزموني ؏ العرس لان گال ناوي اقدم العرس. سديته منه محتاجهم يواسوني ؏ مصيبتي الما بعدها مصيبه. الصبح اني مريت جبته من اهله للمعهد. ڪلماته ترن بمسمعي. سلطان يگولي ياله مخلد وصلنا. باوعت اني ابابهم. حسيته يوم المحشر گعدت مالي القدره اوگف لحيلي. المحله والاقارب انگلبت عليهم عياط صراخ ونوح يگطع الگلب. ڪلها بجت علي. حتى الس ...