حہٰٰڪٰྀہٰٰٖ توجيه

لطلاب السادس بالٲخص والبقية هم . لكل شـخص ديدرس حالياً وعلامات التعب و الـجهد والتفكير مـبينه عليك. تـذكر أنـت كـاعد تبـني مستقبـلك خلي ببالك أنـت دتـشتغل على مشـروع حـياتك تـره تخـلص وتصـير سوالف. قـدم الـي عنـدك مـن جـهد لأن عطـائك هذا راح يـدير عليك بلـنفع وراح تحـس بجهد تعبـك و صبـرك مـن تحـصل الي چنـت تعبان علموده. وتوكل على الله واعمل كل جهدك. واللـه ما يضـيع تعبك ان شـاء اللـه ما دام عنـدك هـلثقه بنـفسك صدگنـي راح تحقق الي تريـده وفدوه لعيـونكم الذابلات وربي يكحـلهن الككم بفـرحه تحقيق الحــلم. . طلاب السادس فدوه لا تخلون الخوف يسيطر عليكم ابطال انتو كده والله كملتوا الهواي وبقى القليل دعواتي الكم. ربي يوفقكم يارب. . لتخلي شخص يجيك يكلك راح تتعب وتنجح وبالاخير متحصل شيء وشهادة گلاوات لتخلي شخص يكسر واهسك. كله ميخالف حتۍ لو متفيدني شهادة اني راح اجيبها وانجح وافرح اهلي واكسر عين كل شامت حجه بظهري وكلي انت متكدر. لا انت تكدر وراح تنجح بس ثق بالله وبنفسك. صدكوني حيجي يوم تفيدكم بس اقروٲ وتعبوا روحكم بس هاي لكم يوم. صح اكو بيكم مشاكل وضروف وغيرهن بس ابقه قوي وتغلب عليهن وانسۍ كلشي وبالك ع دراستك انسۍ حبيب صديق انسۍ كلشي. وتعب روحك صدكوني من تنجحون وترفعون راس اهلكم اني افرح من يمي لحد يخيب ضني فدوه اروحلكم. عوفوا كلشي وخلوا بالكم وي الامتحانات وركزوا بالٲسئلة. ولحد يكول اني قريت وتالي ماانجح الرب شكاتبلك اقتنع بي وكول الحمدلله ع كل حال. اكو دور ثاني وحتمال يجي ثالث وعادي حتۍ لو تعيد السنه وانت مصيطر بس ان شاءالله محد يعيد ان شاءالله تنجحون وبالمعدل التردونه.