- اهَهله .

- اليوم من تربطك علاقة حب او صداقه او علاقه روحيه بشخص اخر وبعد فترة من الزمن انفصلتو او ابتعدتو او صار سوء فهم ابينكم وكل واحد راح بطريق حاول لتسقط او لتحجي بالموزين ع الطرف الاخر اتذكر جان كلشي بالنسبة الك هاذه الشخص اتذكر جان جزء من يومك او من حياتك لتحاول تنتقم منه بطريقتك المخزيه وتسولف عليه كدام الرايح والجاي وتنزله الادنى مستوى خلي عشره الايام الخلصته وياه مغزره بعينك ولتصير ابن حرام وتنكر العشره لتفرح من تعرف عنه كل شي او عندك سر الاخرين ميعرفون بي جنت انته الشخص الوحيد الي يثق بيك اكثر من اهله ويسولفلك اسراره ويجي يفضفظ يمك من تسوي هيج خلي عندك خط رجعه اتصور يجي يوم او تجي لحظة ترجعون وترجع علاقتكم الطيبه كالسابق وافضل بعد ف تجنب امور لتسقيط او اهانة الشخص كدام الناس خليك او خليج شخص كتوم تعجز الاخرين من جر لسانه وبنهايه كلامي اكو مثل يكول ( لا يكتم السر إلا من له شرف ) .