˹ ْ᷂𝐅𝐑𝐀𝐍𝐂𝐄˼'˹𓀃'˼'˹ﭬـࢪڼڼـسـۡسٱﺂ˼

-الوو .. شلونچ هدى ؟ سوري لأن اتصلت بهيچ وقت متآخر بس حسيت لازم نحچي ادري احنا تركنا بعض بشكل نهائي و متفهم الاسباب الي خلتچ تتركيني بهالشكل بس ... =عماد ! من صدگ آسفه لأن وصلتك لهيچ حاله بس والله ... -حالتيش ؟ لا عادي اني اكح لأن الجو بارد بس المهم اريد اگلچ انو اني ظليت ما ادخل لصفحتچ كل يوم و اشوفچ شناشره و اشوف ستورياتچ .. مبقيت محتاچ اگعد اكرر بسمايلات و قلوب و بوس مكرره بمحادثتنا .. و طلعت ممحتاج اسمع صوتچ قبل لا انام لا عادي ممكن انام ورا ما اشوفلي فلم و اتخيلچ تموتين بي و بطل الفلم يقطّع اطرافچ و اني گاعد ادخّن بالبلكونه و قمّة احتياجي الج هسه ممكن اوديچ تجيبين معسّل لأن متعاجز اريد اگلچ انتي ممكن هسه گاعده تتنتظرين خطيب روتيني يقدس الحياة الاسرية و اني گاعد بالبرموده ويه نسرين و أريج و ... مدري شسمها هاي هاا زينه اسمها زينه .. و المكان زحمه كلش و زينه ملاگيه مكان و گاعده بحضني الجو هناا تحفففه المهم اني مبقيت محتاج افكر شلون حرتب مستقبلنا سوا و شنو من هديه اجيبلچ بعيد ميلادچ و احاول ما انساه صارت كل اهتماماتي شلون اسعد نفسي و كلها كم سنة و حموت بالبرموده هم و نايم يم وحده ماعرف اسمها و انتي تكونين تدرسين كم طفل و تسوين عشه لواحد متعاركه وياه الظهر و مطايقه شكله سلاام هسه .. لأن زينه بدت تحتر و دتنزع ملابسها .