1
"ابو الطبع مايغير طبعه"
الطباع هي اللي تكوّن هوية الانسان وشخصيته وطريقة تعامله وي الناس.
وهي اكثر الاشياء اللي تلزگ بالانسان ومتعوفه، ومن اكثر الاشياء اللي التخلص منها صعب كلش وياخذ فترة طويلة كلش.
وحتى لمن تتغير الطباع يبقى شوية من اثارها وتأثيرها على الانسان.
الفكرة، لا تحس نفسك المنقذ المؤمن بتغيير طباع الناس الداير مدايرك. مرات بس تحتاج تتقبل وتتأقلم وي طباعهم او ببساطة تختار ما تكون جزء من حياتهم.