1
اگلب بصور اگضيها طول اليل
ورايد اغم كل واحد ماقدرني
منين ابدي من الهويته صار سنين
الهوى غيري وتركني وماسئل عني
لو ابدي بصاحبي العرف عني اسرار
ويحچيها لشامت وحالف يذلني
لو ابدي بكل عزيز العادهم خوان
الباعوني ومشو وخيبو ضني
لو ابدي بهلوكت من صرت مغدور
وما الگه بشر بالكون يفهمني
منين مابدي مصخمه الدنيا وياي
الأحبه ابن ادم يطلع اصل جني
بس اگعد وون هذا الگدرت اعليه
وضحك كل شامت لمن سمع وني
كافي اصبر يگلبي وخل العمر يرتاح
ولو ماضل عمر والشيب لاحگني
بس اذكر صدك عريان لمن گال
جسيت اليالي بمرود الحلوات
وليالي العـمر بشيب جسني …😔✋