اغاني ميوزك Al-Remas - الریماس Story رمزيات بنات ستوريات قصص انستا تحشيش تلي تيك توك موسيقى رومانسي حب حزين فراق شعر عذاب خيانه جرح بكاء صور حالات كيوت لطميات فيديو تعارف كروبات شباب تصاميم ردح ابراج

معايدۿہ للحبيب : ڪل سنةه وانت الي وكل عيد وانت ڪلشي بحياتي وكل عيد وانت حبيبي ، ايامك سعيدةه وان شاء اللةه عيد اللاخ احنةه سوةه وبيت واحد ، وياربي يبعد عنك الشر والحزن ويقربلك ڪلشي حلو ويحفظك ﺎلي ويزيد حبنةه ومنمل من بعض بالاخير احبك 💞💞؛

اتباها من اتفوت واصرخ بأسمك مايمشي فوك الكاع عالكلب جدمك

سولفنه انه وياه والمر جـرعته ونطيته كلبي اليوم مـن صدري شلته

من التهي اويه هواي كلشي انسه يمه حتـه النـفس مـ‌رات گمـت انسه اشمه

شما تظل ابعاد اعيوني عنك كل الفكر والبال والكلب يمك

شنهو الجمال البيك يا عمي بلووه هم وجه هم عيون هم ضحكه حلوه

مجنونه روحي اعليك صدكني تهواك تصرخ صريخ ايتام ماترضه تنساك

لا غرني المدح بشفاه المحبين ولاهمني الشماته شما حجو عني يلتمن عليه مشتتات البال وانفضهن نفض وانهض ولا جني

يشامت وين محبوبي الك راح واني بنص عذابي والك راح ليش يروح من يمي والك راح وسفه على اوده ايخون بيه

دكدك إسمعت كلبي بتوالي الليل دكدك حاجيته وخذاني إلشوك دك دك كلي بسرعه خابرهه دك دك لأن حسهه ليهدي النبض بيه

منجيت جن بين هلال العيد منجيت مو انت لأعرفك ذاك من جيت انحسد حتى ليحسدك بيك منجيت لأن عين لتشوفك ترد مضويه

بــودادك آخ للـــــــــــدلال فخار جدب كلمن عليه الجـــــــد فخار اختلاج الناس من صلصال فخار وحبيبي اختلق بالقـــــدره العليه

هذا البيه كنتـــم لايميني وعذر مافاد بيــكم لايميني لو تكتف يسـاري وي يميني هذاك انه الهوى غالب عليه

اف من زماني اه منه على اللي عشرتي وياه منه اكله الدرب هذا يكول منه اكله فوت بيه يرد عليه

صعدت اجبال فوق اجبال عالي أوصرخت صوتين يم قدله تعالي يـنـيـت قـــصـر بـالجـــنه تعالي نــرد نـســـكن أنـــا ونــته سويه

كحل بالعـــين أحـــــــــبابي يحطون أوياحربه أمسومره أبقصبى يحطون ياليت أهلك أبجــــنب أهلي يحطون نـــنام أثـنـيـــنا أونلتــــــــــف سويه

وسفه الدهر شتتــكم وطركم حسافه ماكـضه منهم وطركم بذجركم هذا انه اهذي وكركم يعيد الله شتتـــكم جمع ليه

زماني جرد اســيوفه وسنهه عليه اوحرمــت عيني وسنهه وحق اللي فرض خمسه وسنهه بعد هيهات عيـش ايصير اليه

تبنا من العشـــــــق واردود عدنه وحسبنا اسنين مره وتــــــاه عدنه أهوايه بالسلف حلـــــــوات عدنه لون روحك صدق خضره وطريه

أنا ماحسبت لن شــوقك وبالي وعودي ذبل بفــــــراقك وبالي أقوم أنا أويا الربع واقعد وبالي بويا يمك ولشـــــواق أدور بيه

يحادي روعت قلبي بلحداي يخايب لفني وياهـم بلحداي اون طول الدهر حتى بلحدي على الساروا وخلوني شجيه

حبك من شفـــــاف القلب عتباي ولانوبه أذكرتنا واوصلت عتباي أعتب مانفـــــــــــع وياك عتباي على ياهي أزعـلت واقطعت بيه

التعب والضيم جنبي الراحه جنبك اشتضن من نار كلبي راح جنبك عشك العقل خلص راح جنبك واموت بعشرتك وابليك بيه

ورد قداح اهديلك وجوري وريدن ضمي احجيلك وجوري موجر والعشك كمل وجوري وشبه بركان حبك صاربيه

ذهب صافي طبعنه ماصدينه وابد للي نودهم ماصدينه تصيد الناس وحنه ماصدينه رغم نفس المكان نذب سويه

نخيت اجفوف اديه من تخلي واسالت الزمن بعدي من تخلي يصاحب ليش تغدر من تخلي كضيت وياك عمري وخنت بيه

صب دمعي على الوجنات ياهل أوماتدرون بيا اشصـــــار ياهل صرت عصفور جني بيـد ياهل أهـو يــلعب وانــا اشــــنون بيه

لويت الدهر مافد يـــوم حنيت وديا من دموع العــــين حنيت ييمه اوداعتج هالـــــيوم حنيت أوشلت نار الدمع بجفوف أديه

أنا ابميزان الهوى عاني كفاني أوحي لاتحسب العاشق كفاني أناتبت قلت الدي بـــــيا كفاني أنا شجاني اوعاودة سوده عليه

شهر سيف الهجر ضدي وسله نساني اوراح وي غيري وسله عنب ماحصلت مـــــــنه وسله طلع ذيب أوكتلني اربـات إديه