1
الراسه أبيض مو شرط كلش چبير
الشيب يطلع لو كبر بيك القهر
السچه مو معناهة ترهم بس وداع
وﻻ شرط كل جنطه معناهة السفر
الساجيه الشالت خشمهة وكلهة طين
يدوسهة بجدمه إذا شاخ النهر
الگاعده بغرفتهة عدهة الخنگه باب
تحلم ابحلقه وعرس زفه ومهر
الضرير من الوﻻده احﻻمه شوف
امنيته بيده يگلب ألبوم الصور
إليتيم اتكتله إذا مر طاري ابوه
كلفة لو حس روحه باقي بلا ظهر
ﻻتشوه سمعة الماعدهة بيت
شگد عصافير وسترهن بس شجر