1
ضروري ارجع واعيد من البدايه
لان الويايه چانو مو ويايه
صفنت وعددت ياهو البقه وياي
وشفت محد بقه لحد للنهايه
ذاك العله اچتافي اينام بليل
چان الصبح يلعب من ورايه
والصايرله ابو بالشين والزين
خرب كشختي وطفه ضوايه
الناس الالهم بكل شدة هادود
مو من عيني اگلهم لو ايريدون
ثنين عيوني هاي وقبل هايه
الداريتهم حد گطع الانفاس
الگلت عنهم خطيه ولا يتعبون
ضحو بيه البعيني ضحايه
الگلت احزام ذولي بساعة العوز
همه الوادم الكسرو گفايه
الچنت اتمنه يوصل بلكي ويصير
الاحقق غايته، امعاشرني غايه
بس الصدگ چنت استاهل الصار
اني اتنازلت من مستوايه