فِـراغ .

أَبَشرَك خَلِصَوا مَا بِقو عِندي هّواي كُل المِشتِريهُم رَخِصَو بيه أصافِحهُم وَ أحِس بِـ أطراف أيديهُم غَيظ كاتِل مِنهُم وَ ما دافِع الديه بسَد بوساتهُم دِفنو شگَد أنياب وَ أگول يِجوز چَانَت عَن حِسن نِيه وَ يُمُر طَاريي وَ يذُكرولي الشَينات وَ أصِد الغيبة إسمي التِنوِكِل نيه وَ أنه ألچِنِت أضَل وَاگِف بِـ ألإستِعداد مِن أَسمَع عَزيز يَفوت طاريه حَسبالي العَدَد بِيه ثَمره مِن يِزود وَ عَن قِلَة ألواحِد تُفرُق ألميه بَس تَالي أَدرَكِت طين الِگلوب أَصناف وَ العِشره الطَويله تِريد نَوعيه عَلى كُلًا عِشت مَا خَذِت بَس إنطَيت وَيَ لَيل ألِمجازه ألمَا شِفت ضَيه وَين و وَين الگاه بيه جَاي يبيع وَين الآنه مِنطيه مِن هواء الريه وَ الزَم جِفني خَاف مِن أرمَش يِزعلون وَ اتناسى الِحچايه ألبِذني مَحچيه وَ مِن الگالي حَق يَم مُحب مَا داعيه أكو حَق بِرَجِعته يَعيب رَاعيه عِرَفتِلها وَ گِمت مَا زاعِل أليَرحون وَلا عَلّى ألباب أضَل مِتاني لَيليه مِن شِفِت ألحِلم ينوِخِذ مو عَ أللون بَعَد بَطَلت أضُم أحلام وَرديه نَاس إختِلفَت وَ ظَهرَك أتَچيه وَين إذا ما تِلگه حَايط تِگعُد بفَيه ليهَسه وماعرُف لَيش عَايش وَياهُم وَ يذوب الثَلِج بَس ينچوِي شَويه حَتَّى جِروحي خَذتِهن شَوگ أَبَد مَا حَسَسِتهُم بيها مِنيه مِن سألوني صَح گالو إنطوك جِروح ؟ لَا گِلت لِلشِماته إنطوني عيديه شَايف مِن تِجيك الطَعنه مِن أحباب هيچي جِروَحَك تِحِس بيها رّوحيه تصَوَرّ تِبتِدي تِشتاگ لِلچَتال إذا چَفّ إلتِطِعنَك بيها حِنيّه ألمُهم عاذِرهُم وَ كُل البُقَن سَهلات آنه الجَرِف أليسامِح رّوج شاطيه حَتَّى مِن أنجِرِح ما دام هُمَ بِخَير آنه بِخَير يَعنّي وَ كُلشي مابيه !