. Solvia .

شوف، اكتشاف الشغف مو شي بسيط بس مو مستحيل، والشغف يعني شي تحبه حبّ قوي، تكون متحمس اله وما تملّ منه. يعني من تشتغل عليه، تحس بطاقه وحماس وما توكف، حتى الوقت ما تحس بيه وانت مندمج. حتى تعرف شنو شغفك، اكعد وفكر بكل الأشياء اللي تسويها بحياتك، شغلك، بيتك، هواياتك، مواهبك، شوف شي بينهن اللي من تسويه تحس بفرحه وراحه، شي يخليك مندمج كأنك منفصل عن الدنيا، مرات يصير هذا الشي أقربلك من الصديق. رح احجيلك عن تجربتي بشكل بسيط وانت قيس على حياتك. عندي مواهب وأشياء هواي أحبها مثل الطبخ، أحب أتابع الأفلام والمسلسلات، ألعاب الفيديو، القراءة، واحب استطلع عل كتب، واوسع معلوماتي، احب استكشف كلشي،احب اجرب كلشي ان كان زين او سيئ حتى اتعلم منه، فأنت هم سوي جرد لكل شي تسويه، راح تلگى شي من تسويه تحس بلذّة جبيرة وبيها الشغف اللي انت تدور عليه.