1
طلب من صديق القناة.
موضوع حلو طلب مني.
( كبار السن).
.
الولد حجالي يكول والدي يداوم بمكان ( بدون ذكر العمل والمكان).
فـ يكول ديشوف اشخاص يعاملون كبار السن بطريقة غير لائقة واتمنۍ تحجي ع هلموضوع.!
.
كلامي الكم كونكم اكو اصغر مني او اكبر وعدكم اباء وامهات.
وٲباكم وٲمهاتكم حيكبرون انت من راح تعامل شخص جبير بالعمر بطريقة غير لائقة مثل تستهزء بي او تغلط عليي والخ...
حيجي يوم وتلكه شخص يضحك ع ابوك او امك.
او احتمال انت من تكبر تواجه هيج شيء.
فـ اتمنۍ من كل شخص يعتبر كبار السن ابو او امه واذا محتاجين مساعدة اساعدهم.
لان صدكني كلمن الۍ يومه بشنو الۍ يومه.؟
تزرع خير يرجعلك خير الك او لولدك.
تزرع شر يرجعلك شر الك او لولدك.
.
فـ يا اخوان احترم الاكبر منك واعطف ع اصغر منك.
والاحترام مو ضعف لا بالعكس وانما هاي تربيتك ونعم من كل شخص متربي صح ويخاف الله وميٲذي شخص جبير او طفل او ٲمرٲة.
.
خلي هدفك بالحياة التفكير بالمستقبل وكل خطوة تخطيها فكر بيها كول اني اليوم اذا اسوي وي شخص غلط حيرجع عليي هذا الغلط فـ خليلك شيء حلو بهلحياة وعامل الناس باللتي هي احسن.
حتۍ لو شفت معاملتهم الك بسوء خليهم هم وربهم ويجي يوم الله عزوجل ياخذ حقك منهم.
فقط كول هاي العبارة.
(حسبي الله ونعم الوكيل).
.
اخيراً...
مثل متريد الناس تعامل ابوك وامك بالزين وهم كبار بالسن.
عامل البقيه بحسن نيه وبالزين.
صدكني واني كلتها بالمنشور القبله كلمن يتصرف ويحجي حسب النقص العنده.