1
راح احجي ع صلاه.
.
بس لحد يكول صار براسنه شيخ وماعرف ايش اني حالي منحالكم لاا شيخ ولاا مدري شني هم عندي اخطاء. وكل بني آدم خطاء.
بس احنه اليوم بٲيام كلش صعبه من ناحيه الفساد والعيشه وغيرهن من الامور..
.
الصلاة من الامور التي حث بها نبينا محمد صل الله عليه واله وسلم.
وهي اول شيء يحاسب به الانسان بعد موته.
يجي يكلك شسويت بحياتك تكله والله جنت اسوي معاصي لو تحارش بذيج وهاي لو اشرب خمر والخ....
فـ شكد حلوه مـن تلتزم بصلاتك واعمالك زينه يم ربك.
يجي واحد يكلي اني ماكدر اصلي او مـن اوصل للصلاه اتكاسل او مبيه حيل وك سوي الي اكوله الك.
1ـ تعوذ مـن الشيطان.
2ـ سبح الله عزوجل.(سبحان الله).
3ـ حمد الله عزوجل. (الحمدلله).
4ـ كول لا اله الا الله.
5ـ لا حول ولا قوة الا بالله.
6ـ صلي ع محمد دائماً.
7ـ اقرٲ قرٲن ولو صفحه او ايه كل يوم.
8ـ استغفر ربك. (استغفرالله واتوب اليه).
واني اوعدك حيصير بيك حيل وينطيك الرب القوه وتصلي وميمنعك شيء.
بس بادر بهل اشياء . وين متروح سمي بسم الله. صلي ع محمد.
استغفر ربك .
.
انت كاعد ع جهاز لـ6 او 7 صبح زين ليش مـن تسمع الاذان متكوم تذكر ربك تراا صدكني محد يفيدك والي تحجي وياهم ميفيدونك وصلاة صبح متٲخرك دقيقتين.
جرب صلي وصدكني حترتاح لان انت دتحجي وي ربك مـن تصلي او تدعي ولتخلي شخص يشغلك عن صلاه.
يجي واحد يكلي اني صلي ايام وكطعها. لش تكطعها لازم اكو سبب وماكو سبب يمنع الشخص ان يصلي الا في النساء الي تجيهن الدورة (بدون عيب وكذا داحجي جديات. وهلشيء مبي عيب لان الاستفاده للكل. ).
وهسه واحد يضحك من هلجمله ليش مثلاً اختك ميصير بيها هيج.
طبعاً اعتذر من هلكلام بس داوضح الفكرة.
.
والي ميعرف يصلي او عنده اخطاء ليستحي اني موجود واوكف وياه بكل خطوه واعلمه او اجاوبه ع اي سؤال يريد.
بس نصيحتي الكم وقت صلاه عوفوا كلشي وصلوا لان كلشي لهوا ولعب ولاحكين علييي.
واني خادمكم واخوكم الصغير.
.
وان شاء الله بعد ايام اكتبلكم عن الذنب وليش نسوي او شحنسوي ومنذنب وهواي تفاصيل.