كلام لتوعية الناس

شيخ عنده كهوجي هذا الكهوجي من غير عشيره.، راحت الأيام واجت الأيام صارت علاقة حب بين الكهوجي وبين بنت الشيخ يوميه بعد مايفرغ الديوان بلليل تجي بنت الشيخ على حبيبها الكهوجي يسولفون بمستقبلهم او وين راح يوصلون بهذا الطريق المسدود لان تقاليد العرب بنت الشيخ لأبن الشيخ.، يوم من الأيام اجت بنت الشيخ على حبيبها كـ العاده بالديوان بليل اخذتهم السوالف وبده يطلع الفجر وهي بعدها مارايحه.، كللها حبيبها الكهوجي كومي روحي هسه يجي ابوج ويه مارادت تكوم طب ابوها للديوان وين تروح مابي ملجأ نامت بجنب حبيبها وتغطوا بالبطانيه.، طب الشيخ اتفاجأ بالكهوجي نايم لأن من عادته يكعد قبل الشيخ.، كال الشيخ يجوز تعبان مريض خل اتركه اشويه ويكعد كعد الشيخ وطب الاول والثاني والثالث والعاشر الى ان الديوان صار مليان بالزلم.، والكهوجي نايم صارت سالفة الديوان كلها بالكهوجي كالوله فلان اشبيك كللهم.، ....! تتن يحرك بدلالي سعالي غريب ومحد من اهلي سعالي ....! جان يسكت وجان شاب من ولد العشيره صديقه فهم اللغز كام راح على بيته وصب عليه نفط.، كال لمرته بس اطب للديوان احركي البيت وعيطي وصرخي وبالفعل سوت مثل ماكللها رجلها حركت البيت وبدت تنخه بالعرب جان يكومون ماضل واحد كاعد بالديوان حتى الشيخ.، ومابقه احد من فرغ الديوان كامت بنت الشيخ ورجعت لبيتهم بدون محد يشوفها وبدون فضيحه.، رجع الكهوچي نام وتغطه رجعو الزلم بعد ماطفو البيت.، كلوله فلان قبل اشويه كلتنه بيت ابوذيه بس ماكملته كللهم اتركو الموضوع كلوله ابد الا تكمله.، كللهم....، تتن يحرك بدلالي سعالي غريب ومحد من اهلي سعالي صديجي اللي اودنه سعالي حرك بيته لأجل يستر عليه ، موقف الصديق وقت الضيق.، ، @H15_H15 ححساني،🐈🚶