كلام لتوعية الناس

قصة وعبره، ، بيوم من الايام جان اكو مرة عايشه وي ابنها الوحيد الي مات ابو وهو عمره سنه،💔، وجانو عايشين هاي المرة وابنها بحب وسعادة وجانت تحب ابنها حب ماله مثيل،🙂، وجانت اذا يتمرض تبقه سهرانه وياه وتحاول بكل الطرق تسعده لان بكل بساطه ماعدها غيره؛ جان هو مصدر سعادتها وحتى متخلي يلعب وي اصدقائه لان تخاف ينشغل عنها؛ وجانت هاي المره عازله نفسها عن الناس، لحد ما يوم مٍٍْْـن الايام الموت اخذ منها ابنها،💔،حزنة حزن جبير وماكدرت تتحمل الم فراكه، جابتها منا ودتها منا ضاله تنعى وتبجي،🙁💔،ما كدرت تنساه نهائيآ، هاي المرة كالت لو اموت نفسي لو ابني يرجع،💔، اجتها فكرة وكالت اروح للحكيم الي جان يعرف كلشي كالتله اريد منك ترجعلي ابني لان مااكدر اعيش بلياه،😐، المهم الحكيم احتار وحار شيكله وهو يعرف انو الي اخذه الموت مستحيل يرجعه،💔، صفن وبده يفكر شلون يقنع الحجيه بهلشي، لحد ما خطر اباله حل والحل هو انو اجيبين حباية خردل من بيت وهذا البيت كون ميعرف الحزن كل عمره، كيفت الحجيه وراحت ادور ع حبايه بين البيوت، وصلت اول بيت دكت الباب وطلعتلها بنيه شابه سألتها هذا البيت هم عرف الحزن خاله، ابتسمت الشابه وكالتلها ليش هو الحزن فارك هذا البيت يا خاله،من يوم الي زوجي مات وعافلي اربع جهال وبدون مصدر رزق وماكو احد يساعدنه وصرت ابيع اغراض البيت لحد ما خلصن ومبقه منهن الا شي قليل واني حزينه لان مبقه شي ابيعه غير الفراش الي انام بي اني وجهال،💔🙁، فـ هاي المريه كالتلها لتحزنين يمه راح اساعدج اني رجعت الحجيه لبيتها وجابتلها فلوس واكل او وعدتها تزورها مرا ثانيه لان حبتها وصارآ صديقات؛🙂، المغرب هم راحت دكت باب ثاني ادور ع حباية الخردل ابيت ميعرف الحزن نهائيآ ، طلعتلها مريه عجوز كلتلها هذا البيت شايف حزن كالتلها اني زوجي مريض وماعدنا احد يشترينه اكل او يجيبنا دوه لزوجي المريض واحفادي ازغار ايتام، نقهرت عليها المره او وعدتها انو تروح وتساعدها وتجيب الي تريده راحت جابتلها من السوك اكل او وعدتها اني كل مرا ازورج، ، وبقت تفتر هاي المره من بيت البيت والبيوت كلهن بيهم مشاكل واهلها حزنانين،💔، ولان هاي المره كلبها طيب جانت تساعد الكل وصارت صديقة الكل ونست ابنها ومشاكل الناس هون عليها حزنها،🙂، من شافت مشاكل غيرها باوعت المشكلتها شافتها زغيره ونست هي جانت ادور ع حباية الخردل من بيت ميعرف الحزن وطبعآ هي نست الحزن من اول بيت زارته لان صار عدها اصدقاء ونشغلت بيهم وتسعى لقضاء حوائجهم، الحكيم او وصفته السحريه خلاها تعرف انو ماكو بيت مابي حزن، بس احنه علينه نتقلب على احزانه ونبتعد على الانانيه ونعيش وي الناس بفرحهم وبحزنهم، وفرحنه وي الفرحانين وحزنه وي الحزنانين هو مصدر سعادتنا وتكافئنه وي البعض ينسينه همومآ،🙂 العبــرة.....، انو ماكو بيت مبي حزن ومشاكل، اتمنۍ تستفادون وتاخذون العبره من هلقصة، @H15_H15 ححساني،🐈🚶