كلام لتوعية الناس

قصـة وعبـرة..، مـن الجحيـم الى الجحيـم، ، اكو شخص عايش هو وابنه فقط وهلشخص يحب الفلوس، اي شغله بيها فلوس يشتغلها، بالطريق وهو راجع للبيت شاف شخص يشتغل عماله فـ راحله كاله اشتغل وياك ذاك كله ي والله اني مـن صبح ادور ع عامل، المههم فـ صعد الرمل فوك والبلوك وكمل واخذ يوميته ورجع لبيته، وصل للبيت ابنه كله الله يساعدك بويه كله هلا بويه، الاب حضر كونيته ويريد يروح يصيد سمج، الابن: بويه وين رايح مو ستوك جيت مـن شغل ارتاحلك شويه، الاب: رايح للصيد اريد أوكلك و أوكل روحي، الابن: بويه شوكت جيبلي هدوم صارلك سنة مجايبلي هدوم، الاب: شعندي اني واجيبلك هدوم يومية تريد هدوم مو هل لابس هدوم اكد عليك ع هدوم لتجيب هذا طاري بعد خوش، راحح الاب والابن كال وراه جا المن تلم بهلفلوس لاا اني مستفاد منهن ولاا انت، ، راح للصيد وطلع سنارته وبدأ يصيد وصاد خمس سمجات، وبهل اثناء اجه شخص كعد يمه هم يصيد كاله اكو صيد لاا، كاله لاا والله مو ذاك الصيد قليل بس خمسة، ذاك هز ايده كله خمسة وقليل احمد الله واشكره، كله ناس عدها مليارات وما حامده الله اني تريدني احمده وشكره ع مود سمجات زغار، بضع دقائق مرة ويلف سنارته الشخص الي كعد يم صاحبنه وصاحبنه صافن عليه كاله ها خويه شو لفيت سنارتك وين رايح ، كله الحمدلله وشكر صدتلي وحده كلش كافي ، كله ضل بععد صيد اكثر جا بس وحده ورايح لهلك، كاله وشسوي بيهن..، صاحبنة يكله شنو شسوي بيهن مـن تحصل هوايي واجمعهن وتبيعهن تحصل فلوس، كاله والمن اجمع الفلوس، صاحبنة يكله شلونن شسوي بالفلوس غير اجمعهن هسه مدامك نشيط ومن تكبر تعيش مرتاح بيهن، كله هو ياهو الضامن روحه يعيش بـاجر وعافه وراح🚶، صاحبنة باع السمجات ورجع لبيته، الابن: كواك الله بويه، الاب: هلا بويه كوه حيلك، تعشيت بويه بعدك، الابن: لكيت خبزة بارده واكلتها، جا وانت بويه ما جبتنه شيء وياك، الاب: شجيبلك بويه هو اني شعندي وجيبلك وبعدين انت مو اكلت خبزة، الابن: جا بويه اني اضل ع خبزة منا لباجر، الاب: دنام هسه بويه نام ومنا لباجر الله كريم، طلع فلوسه الي بجيبه شمهن وخلهن بالقاصة ابنه شاف الفلوس كاله بويه خل نسوي ثواب لـ امي، الاب: وشسوي بالثواب امك، الابن: جا غير الميت يسووله ثواب، الاب: شوف بععد ابوك هو الي يموت لو يروح للجنة لو للنار وامك ميته واذا جانت بالجنة متحتاح الثواب واذا بالنار ميفيدها فـ بالحالتين امك متستفاد مـن الثواب دنام هسه حتى مـن صبح نطلع ع باب الله، نام الاب وتغطه وابنه يمه....، اكو نار بصف رجلين الاب عايفينها مشتعله شوي شوي كام تحترك البطانيه الابن شم رييحة حرك كعد لكه ابو محترك بالنار راد يطفي مكدر مات ابو، حفر كبر اله وخلاه بي وقبل ليذب تراب عليه طلع الفلوس مال ابو وكال هنه هذن بويه هنه هذن الحرمتني منهن وحرمتك روحك المن لميتهن متت وما ستفاديت منههن يكولون محد مات واخذ فلوسه وياه بس انت جي تحب الفلوس هاك اياهن شمر الفلوس بصف ابو ودفنه...، ، العبرة.....، عيش حياتك ولتضم شيء بنفسك او انت تريده لان محد ضامن روحه لشوكت باقي، ولتبخل ع اولادك واهلك بأي شيء يردونه تراا الفلوس تروح وتجي بس السمعة والاخلاق والكرم وغيرهن اذا راحن صعب يرجعن، ، @H15_H15 ححساني،🐈🚶