كلام لتوعية الناس

قصة وعبره، المرٲة تخبز وتنطي خبزة زايده الفقير، ، يومم من الٲيام جانت اكو مرة دائمآ تخبز لهلها وجانت هاي المرة من تخبز ، تخبز وياها خبزة زايده علمود تنطيها للفقير لو عابر سبيل ياخذها، كبل الوادم ماعدها وماعدها غير هاي القدرة والمكانيه تخبزلها خبيزه وتخليها ع شباك حتۍ الي يجي مباشرتآ يشوفها وياخذها، كل يوم يجي واحد ظهرة محدب ياخذ الخبزه ويروح يوميه ع هذا المنوال بس هذا بدال ميكلها مشكورين وجزاكم الله الف خير او رحمه الوالديكم يضل يسمعها كلمات ويدردم بينه وبين نفسه ويسمع هاي المرٲة، (الشر الي تقدمه يبقه يمك والخير الي تقدمه يرجع الك) ، كل يوم علۍ هذا الحال المرٲة طلعت روحها وكامت اضوج من الحجي وهي مسويه فضل ولاا شكرآ لاا شي من يمه لا يقدرها يضل يدردم بالحجي ويروح، فكرة بينها وبين نفسه وكالت اني ليش ما اخلص من هذا الاحدب خبزت الخبزة وخلت بيها (سم.. )، ورادت تخليها ع شباك وايدها كام ترجف وكالت مع الاسف اني هيج اسوي شنو هلطمع شنو هلجشع يعني اني علمود كلمة شكرآ اكتلي بشر (الله واكبر).... تعوذت من الشيطان وراحت ذبت الخبزة بالتنور وحتركت راحت الخبزة المسمومه، وراها خبزت خبزة جديده بسرعه وخلتها ع شباك واجه هذا الاحدب اخذه وضل يدردم وراح.....( الشر الي تقدمه يبقه يمك والخير الي تقدمه يرجع الك)... ، هاي المرٲة عدها ابنها شاب يدرس بالخارج وعدة شهور مواصله منا ولا رساله اطمنها عنا وجانت تدعيله يرجعلها بسلامه، وبنفس ذاك اليوم الي صارت بي قضية الخبزة المسمومه ندك باب البيت مالتها بليل فتحته جان تتفاجئ وابنها الي واكف بالباب جان وجه لونه شاحب وتعبان وملابسة مشككه وكلش منتهي، اول ما شاف امه كللها يمه تراا اني معجزة وصلت هنا قبل شكم كيلو منا جنت منتهي كلش وتعبان لدرجة الموت وبالطريق وكعت من الجوع والعطش وجان يجي واحد احدب شلون رجال يمه طيب الله يوفقه كتله اني منتهي راح اموت اذا ما ٲكل وجان ينطيني خبزة وكال هاي الخبزة اني يوميه اكلها ماعندي غيرها بس راح انطيك اياهها ، من سمعت هذا الكلام امه خلت وطاحت بالكاع وذكرت الخبزة المسمومه الي لو ممتخلصه منها جان ابنها اكلها وبهاي اللحظة عرفت شنو معنۍ كلام الاحدب (الشر الي تقدمة يبقه يمك والخير الي تقدمة يرجع الك) ، العبـــره من القصة واضحه، دائمآ من سوي خير لتنتظر شكرآ ع كولت اهلنه (سوي الخير وذبه بالشط)..، اذا تنتظر شكرآ تتعب تتٲذه واذا تشتغل حتۍ يشوفك الغير تتعب وتتٲذه فـ دائمآ خلي الرقيب والي يشوف اعمالك الزينه ربك، البشر نهائيآ ميقدر الخير ، @H15_H15 ححساني،🐈🚶