كلام لتوعية الناس

الاهـل مع البنات مـن ترك الدراسه الۍ زواج اجباري، ، صح بعض الاهل يجبرونن بناتههم للزواج وهلشيء اكبر خطٲ لان هي الي راح تعيش وياه مو امها او ابوها واتمنۍ كل شخص عنده ميانة وي امه او ابو يقرالهم هلكلام، الام والاب كلامي الكم لان انتم الاهل وانتم الي تقرروون مصير اولادكم فـ اذا بنتكم تحب تكمل دراسه خلوها تدرس عسۍ ولعل توصل وتاخذ شهادة وتتعين بس بشرط تبتعد مـن بنات السوء والسوالف التعبانه ولتكسر ثقة اهلها، وع زواج لاحكه مو انت ابوها يجيك واحد عنده فلوس لو مدري شلونن يقنعك تروح تبطلها وتزوجها غصب عنهها هلشيء حرام عليك لان البنيه تريد تكمل حياتها بدراسه وميصير تجبرها هلعادات القديمة مال البنيه مالها رٲي بطلوها، لو اذا تقدملها شخص وبكيف الاب يكول ي او لاا وههي متدري كلشي ححرام عليكم هيج سبق وكلت مو الام والاب حيعيشون وياه ههي البنيه حتعيش وياه عمر وهي بالاساس مشايفته ولاا رايدته اصلآ، ، كلامي للٲب والام والاخ الكبير بععد وفاة الاب والام، اكللهم....، خلوا البنيه تختار شريك حياتها بنفسها واذا بالها دراسه خل تكمل وتوصل لتبطلونها بحجة دنيا خربت او ولد حرام بشارع ههواي او لنفرض حلوه والولد يذبولها حجي وغيرههن، واني اكول البنيه الشريفه والي تخاف ع سمعة اهلها ههاي لو تخلونهاا وي الفف رجال حتبقۍ مثل ما ههي لان تفكر بسمعة اهلها وشرفها، فـ ياا اب او ام هلكلام شيلوا مـن بالكم وتبطلون بتكم مدام انتوا ثاقين بيهاا خلاص خل تكمل والزواج لاحكين عليييي...، ، قصة قصيرة.....، اب زوج بطل بنته مـن المدرسه لٲجل يزوجها لشخص مـن المنطقه، ازوجت البنية بس غصب عنها هي متريد تزوج وتريد تكمل، المههم صصار الي صصار وراحت لبيت زوججهاا، وره فتره مات ابوهها وهلبنيه كام اشوف الجحيم يم زوجهاا عايشه بذله وقهر وضرب وشتم والخ......، الۍ ان صصارت نهاية البنيه طلاك وعدها ثنين جههال، انتهههت القصصة...، زين بالله عليكم هسه ابوها مات شتدعي عليييي شتكول لو تسامحه ودمر حياتهاا...، ، فـ اخخر كلاممي لتجبرونن اولادكم ع شيء خليهمم هم يختارون الي يشوفونه بحياتهم لكن بشكل الصح مو انت ماشي بطريق اعوج وتريد ابوك او امك يسكتلك لاا مالك حقق بهلشيء امشي عدل واختار طريقك بالشكل الصح وخلي ثقة اهلك اول اولوياتك وكمل دراستك لان الشهادة سلاح كل شخص...، والزواج كلنه لاحككين عليييي اذا مو اليومم بععد سنه سنتين وخليهاا 10 سنوات...، الاب الام... بالككم تخطٲون بحقق بناتككم.....، ، ححساني،🐈🚶‍