سومر

قبل الموبايل والانترنيت وسوالفه الميديا جان الشخص سواء انثى او ذكر بالصعوبة يكدر يشتري كتاب علمي لو ديني لو تعليمي لو حتى رواية او شعر لان الوكت جان صعب والمجتمع مقيد من ناحية الحكومة من ناحية العرف والتقاليد وتلكى الناس في اعلى درجات ثقافه والتعلم والتعليم حتى الي ما عنده شهادة علمية تلكي يحجي حجي مال ناس واصله ومتطوره وهوه مستوا الدراسة مو عالي السبب هوه الاستماع للخطبة استماع للراديو للناس الخيره للمجتمع الزين لذلك جان للجامعه وللمضيف دور مهم في توعية الناس وتثقيفهم علمياً واخلاقياً هسه ؟🔴 اصبحنه بعالم الرقمي ، من ناحية الابتوب من ناحية الموبايل والايباد وكل وسائل تطور والتواصل اصبحنه نفتقر للاخلاق والتعليم والمعرفه والاحترام همنه الوحيد ندخل لو نشوف فضيحه لو اعلان كاذب لو رقص لو محتوى فاشل مع اجل الاحترام للقارئ 🔸 وضاع من العمر كنز وهوه كنز المعرفة على العموم تكدر هسه تنزل كتاب وتقرأ اي كتاب اولاً راح يطور ذاتك ويطور شخصيتك ويحفز معلوماتك ويقوي قراءتك واملاءك